16 Kei hi tu khat ning om na lui san ma u, a rapa tak hin, kei ka tak tak ning ka lui kan san, mingai ning kei hi an na lui mak, Pathian ning, anmani ha luingai siat pe ma rase.
“Enru a tun nang ni nan thei nan changa kansen nan ta, kei kabing jak nan na mak na rang pha a hong tung rang ani, ha ani nom kei ko kabingjak ni making ajarko, ka pa ning kei ana om pui.
Kein anmani jiang ka sanga kati, a siatna an man om miha ning amaral an pek mingai hale mai kan mua an kan biak ama chunga chong an ri, hale a man veikhat a tak kan san ring chong a ri na rang a pha pekluija hava miha amaral pek pungai jiang pek len hi Romngai nun chan nimak.
Enru Pathian jiang ning dongna nan mu han athiang mi a rak a ama ami lam ha ana man chang na jui Lungthak han kan khang thei na, chuan salui atho ngai chunga man chuna, asat chuan tho jot na lungdo, irakip nangni ning asuai na om luia nan ring jui.
Nangni ko pha rakip a kalung sunga nan om, tihi adik ke; kein ren inn na ka om lai, chongsat ruia nang nin ranak nan na na pek, hiva jarra, nangni rakip hi kei le manrit na kan tum suam rang ani.
Demas ning ramuol hui na lam hi a lungsiat a, kei hi ana mak a, Thessolonika hin a che jui, krescen ning Galatia hin hale Taitas ning Dalmatia hin alui che jui.
Tak-ha na lung sunga Pathian ha a thianga siakro, hale chitlejak ha neiro, phat rakip a kan ning chakro, mi ning na chunga Jisu Khrista ranga na lungdo na nei ruia, an na dingkel karra ripe theiro.