2 TIMOTHI 4:10 - Rabu Athar New Testament (BSI)

¹⁰ Demas ning ramuol hui na lam hi a lungsiat a, kei hi ana mak a, Thessolonika hin a che jui, krescen ning Galatia hin hale Taitas ning Dalmatia hin alui che jui.

2 TIMOTHI 4:10 ပူးပေါင်းရင်းမြစ်များ

MATHIU 12:32

Tu aninom Mi Pasalnai jiang, enda chong ri rakip ama jiang ngaidam om nati; tak-ha tu aninom thavang thiang chunga enda chong ri rakip, hiva ramuol chunga le a hong rang ramuol ha nom, ama jiang ngaidam om noning.

MATHIU 26:56

Tak-ha tashantheingai chong thiang man tung na rang hiva rakip hi a suak jui ani, hava han a thiamruoi rakip in ama ha an mak an tandejui.”

LUK NING A JIAK CHONGSAT 14:33

Hiva jarra nang ni karra hin nom nan tak chunga a om rakip masua luia a hong ama han kei kanuk najuitor noni u.

LUK NING A JIAK CHONGSAT 16:13

Suakpa khat ning rengpa annijiang chuan thotormak, ankhatpa ha a enda le an khat pa ha a lungsiat rang ke. Ankhatpa jiang chong alui le, ankhatpa jiang chong juitor noning, nang nin Pathian le peisa annihin chuan vei khat tho tor noni che u.

LUK NING A JIAK CHONGSAT 17:32

Lot a numei ha ngaidon ru;

TIRLON 13:13

Atun Paul le i kan ruaipui mingai ha ning rokuang an chuanga Papho tenna Pamphilija Parga tiang an hong jui. Tak-ha Johon ningko anmani ha a mak Jerusalem tiang ahongkierjui.

TIRLON 15:38

Tak-ha anmani le kan ruaia chuan rakip tho jot lui thasiat Pamphilija tenna alui vakir ama ha Paul ningko lui tuong jot mak.

TIRLON 16:6

Anmanin Phirigija le Galatia ramngai ha an hong kan jui; ajarko thavang thiang in Asia ram sunga chong ha lui man rijotma.

TIRLON 17:1

Anmanin veikhat Amphipolis le Apolonija an rothenga, Jiwngai kan chun na inn khat om na Thesalonika hin an hong jui.

TIRLON 17:11

Hiva mingai hiko Thesalonikangai nek aviar an sat, ajarko anmanin man kan ching tak chong ha an ngaija hivahi chong tak balmo ani tia rabu ha an lui tok.

TIRLON 17:13

Tak-ha Thesalonika hina a om Jiwngain Paul ning Berija va Pathian chong arijui tihi an jet karra anmanin an honga mitamngai ha an sathuija helebai an man suak jui.

TIRLON 18:23

A man hava mun han a pha bongkhat a om suale a mak Galalia le Phrigia ramtiang a don don na avakana thiamruoingai ha an lung amathokpejui.

2 KORINTH 2:13

Tak-ha kein ning dongna atam ka lui nei ajarko ka u ka nai Taitas ha lui om mak, hiva jarra kein mirakip jiang mathanna ka lui nei hale Makidonia hin ka lui che.

2 KORINTH 7:6

Pathian ka chit rakip ha lung ngam na ana lui pek, hale Taitas ning alui hong han a khel la lungam na kannei jui.

2 KORINTH 8:16

Pathian ha kan manpak, keinin kan na san jot anga Taitas ningngom nangni ha ana san jot.

2 KORINTH 8:23

A mahi kei le kan ruaia nan chuan tho ha ani, hale kan nai pangngai ham Jisu Khrista lurna manpak na ha biakrup rakip rahut a achoi mi anni.

2 KORINTH 8:6

Taitas ning a rapa han nom hiva chuan hi alui tho jarra, ama jiang kan lui ri ama han ator khan na hiva chuan hi na sinpui nati.

GALATIA 1:2

keini le a om u le naingai, Galatia hin a om biakrupngai jiang,

PHILIPI 2:21

Mirakip in an bing rang jak an tok, Jisu Khrista rang ko tok ma u.

1 TIMOTHI 6:10

Ajarko ruphai dei ning a salui rakip a achung chuan ha anni, mi aviar ning ruphai atam an dei jarra Pathian takngai na tenna an suak jui hale an lungai ha pong na atam an mu jui.

1 TIMOTHI 6:17

Kan chong mingai jiang riperu ramuol chunga an nei lal hin man kan lian ma rase u, an phur an pai chunga an lungdo siak ma rase u tak-ha Pathian ko keini hui na ranga i rakip lungdo a lian na ana pek ani.

2 TIMOTHI 1:15

Nang nin nan jet, Asia sunga a om Phygeilus le Hermogenes ngai ning kei hi na man lut ma u.

2 TIMOTHI 4:16

Kei hi tu khat ning om na lui san ma u, a rapa tak hin, kei ka tak tak ning ka lui kan san, mingai ning kei hi an na lui mak, Pathian ning, anmani ha luingai siat pe ma rase.

TITAS 1:4

Kan takngai ikan ang le kanruoia ka pasalnai Taitas jiang pa Pathian le keini ana san ringpu kan puma Jisu Khrista manrit nale lunghip na om rase.

PHILEMON 1:24

Hale kei le Chuan sin suam Mark, Aristarkhas le Demas, Luk anmani ning om chubei an na hong na pek.

2 PITAR 2:15

Anmani ning lam adik ha an mak a Balam a nai Beor a lam pui ha an ro jui, ama ning adik lui chuan tho a peisa an lui dei.