2 TIMOTHI 3:8 - Rabu Athar New Testament (BSI)

⁸ Jannes le Jambres ning Mousi an lui jot lui anga hiva mingai ning om adik chuan hi lui jot ma u, mingai lung ha an man vet a an takngai rakip ha an manmang pe jui.

2 TIMOTHI 3:8 ပူးပေါင်းရင်းမြစ်များ

TIRLON 15:24

Ajarko, kein in kan man chu a kan hong tir ni lui, keini kar tenna mi a lek in nang ni jiang an honga, chong jat jat an ri han nang ni nan lung an man kan thul jeljui ti a chong kan jet.

ROM MINGAI JIANG PAUL NING A JIAK CHITHI 1:28

Anmanin an lungdo va an jet lui Pathian ha, mun an pek lui ang han jak na om tak chuan ha tho na ranga Pathian ning ajot lui chuan an lungdo va an tho jui.

ROM MINGAI JIANG PAUL NING A JIAK CHITHI 16:18

Ajarko ha ang chat mi ngaiha keini kan puma Khrista a suak nima u, anmani ko an von rang jak ke, Hale an chong ri thei an chong hui han mi chamngai lung ha an huang ke.

EPHESIA 4:14

Hale keini hi rothi phaivuo ning amun khat le amun khat a choi tor nai pangngai anga nima rei. Kan lung det a om rei mi saluingai ning ani lui lam ma man kan tuang maru.

1 TIMOTHI 1:19

Hale nang in na lung ril la na jet ha takngairo, mi aviar ningko an lung ril la an jet ha tak an ngai lui jarra mang pui na lam an nei.

1 TIMOTHI 4:2

Hiva chong lam ngaihi asat kan rol mingai ning an man suak ani, anmani an lung ril la an ngaidon ngaihi thina rang lam ani, thir ning a linga akang anga ani.

1 TIMOTHI 6:5

Hale mingai karra a kan nok theng pet ngai ning anmani lung sunga chuan adik ha nei ma u. Anmani ning an ngaidon dik na hi nei na lam lian khat ani tia an ngaidon.

2 TIMOTHI 4:15

nang in na tak tak ranga kan ngak theiro, ajarko ama ning chong thiangai hi manmang na ranga a tho.

TITAS 1:10

Ajarko mi atam lam ning nun chan jet lui, chong cha jai jek le mi leisei an omngai ha, vuntanngai rupsung tenna anni.

TITAS 1:16

Anmanin Pathian kan jet tia an ri suak, tak-ha, an chuan tho inko ama ha jot ma u; anmani ngai hiko, matir rang suak, chong jui lui, chuan sat tianga ite nem na bui anni.

2 PITAR 2:14

Anmani ning numei chuk luingai jak ha an tok anmani ning a satlui tho han an lung lui khop pe mak, a jet lui ngaiha pong na an man nei, an lungai ha a tam tak ka ram na an nei sua jui, anmani hi Pathian kho khong tung rang an ni jui.

1 JOHON 2:18

Ka naingai a torna rang pha a nai jui! Khrista en dangai ha hong suak rang anni ti ha an na manjet jui han a tun Khrista enda a tam tak, a hong suak jarra a torna rang pha a nai jui.

1 JOHON 4:1

Ka sap manritngai, Thavang rakip takngai maru anmani ha Pathian tenna mo ani tihi dan en sinru ajarko, Pathian chong ri tashanthei tam tak ramuol chung rakip a adik lui tianga an hong suak a anche jui.

MANJETNA 2:20

Kei ning hivahi jot making, numei Jezebel nek nan khang thei, tak-ha a man Pathian chong sem ka ni a kan ti bak a ama a chong sem hin ko ka mingai hi ani lui le taksa hui na lam hin a man che jui, hale kut sin Pathian ha chubei an lui buk.

MANJETNA 2:6

Nang in na jet Nikolaitan ning i tho ha dei ma che, na ma tir,