2 TIMOTHI 3:5 - Rabu Athar New Testament (BSI)

⁵ Anmani ning ma pal tiang jak Pathian an jet rang ke, tak-ha a thianga Pathian ranak ha ko mu noni u. Hiva ngaiha nang ni ning kan ning theiru.

2 TIMOTHI 3:5 ပူးပေါင်းရင်းမြစ်များ

MATHIU 7:15

“Tashanthei kanlemngai tenna kan ning theiru, belram vun ansia an hong, tak-ha an lung sungako sa kei an chang.

EPHESIA 4:14

Hale keini hi rothi phaivuo ning amun khat le amun khat a choi tor nai pangngai anga nima rei. Kan lung det a om rei mi saluingai ning ani lui lam ma man kan tuang maru.

2 THESSALONIKA 3:14

Tu ang khat ning ka chithi hin ka hong jiak chong hi ajui mak inko ama ha makru jak rase.

2 THESSALONIKA 3:6

U le naingai keini ning nang ni jiang Khrista minga kan na manjet, keinin kan na pek chena dan, a jui lui miha ko nang nin makru.

1 TIMOTHI 4:7

Tak-ha Pathian kan chel lui chong lam rochi ngaiha mak taro.

1 TIMOTHI 4:8

Tak sa chuan tho hi asat, tak-ha thavang chuan tho lam ning asat det, ajarko hivahi a tun rang le nuk ranga asat ha ani.

1 TIMOTHI 5:8

Tu khat ning a inkuo mingai a en mak aninko hale a insung mi tak a en mak aninko, ama ning Pathian ha tak la ngai mak, hale Pathian jet lui mingai nek a ama lam sa det mak.

1 TIMOTHI 6:5

Hale mingai karra a kan nok theng pet ngai ning anmani lung sunga chuan adik ha nei ma u. Anmani ning an ngaidon dik na hi nei na lam lian khat ani tia an ngaidon.

2 TIMOTHI 2:16

Nang nin a salui, a pangngai ning an ri chong ngaiha Pathian tenna a lak a siakru.

2 TIMOTHI 2:23

Nang nin a ranga a kan nok mi pang chuan ha tho lai maru, nang ni ning nan jet anmani ning kan sual na jak an nei.

TITAS 1:16

Anmanin Pathian kan jet tia an ri suak, tak-ha, an chuan tho inko ama ha jot ma u; anmani ngai hiko, matir rang suak, chong jui lui, chuan sat tianga ite nem na bui anni.

TITAS 3:10

Ni jai tat mingai ha ko weini tak riperu, hale anmani ranga ite khat tho pe lai maru.