2 TIMOTHI 2:15 - Rabu Athar New Testament (BSI)

¹⁵ Nan thi khan na chuan asat ha thoru, Pathian ning a jet chuan sin pa ning chuan sin a jak lui anga, nang nin nom Pathian chong ri a jak maru.

2 TIMOTHI 2:15 ပူးပေါင်းရင်းမြစ်များ

MATHIU 13:52

Hava suale a man anmani jiang a ti, “Danthei rakip jiang an lui man chu anga vanrengram ha ko ama a nei rakip alui le a thar hong keisuana inn neipupa anga ke ani.”

MARK 4:33

Ha anga mingain an jet thei na rang tetan na a tam tak alui ripe.

LUK NING A JIAK CHONGSAT 12:42

Han Jisun alui sang, a phat a hong tung karra anmani jiang chak rang nek rang an tum pek na ranga, anrengpa ning inn sunga i rakip entorranga, a ching a var akanlingrang tu ha mo imanchang rang?

TIRLON 2:22

E, Israel mingai chong hi ngairu, Najaret Jisu ha Pathian ning nang ni karra a ngak pa chuan le jetna a man tho a, han a mahi Pathian ning i jot mi ke tiha nan tak khetin nan jet.

TIRLON 20:27

Ajarko Pathian ning i ngaidon rakip ha ki ri lui om mak.

ROM MINGAI JIANG PAUL NING A JIAK CHITHI 14:18

Hiva jarra Khrista jiang hangan i ngaidon amaha Pathian ning a lungdo a tung hale mi ning om an jot pe ani.

ROM MINGAI JIANG PAUL NING A JIAK CHITHI 16:10

Khrista jiang kan kan jot jui Apili om chubei ka na pek, hale Aristobala inn sunga a om rakip om chubei.

ROM MINGAI JIANG PAUL NING A JIAK CHITHI 6:13

Hale nang ni na taksa pumpui ha dikmakna rang tianga pho ang han siatna jiang a pek ha bangru, tak-ha, nang ni nan tak khet in athi ngai kar tenna a ringkhir mingai ang han, nang ni taksa pumpui ha Pathian tiang dik na ranga pho ang han pekru.

1 KORINTH 2:6

Kein chingna theina ruia Pathian a jet mingai jiang ka lui ri, tak-ha hiva chingna hi ramuol la vaihomngai alian arangngai ranga chingna ha nimak. Ramuol la chingna ngai hako a mang so jui.

2 KORINTH 10:18

Ajarko atak atheia a man kan lian ha jot mak, tak-ha pathian in ama ha man lian rase.

2 KORINTH 3:6

A man keini le a tharra kan jot na a neia keini jiang chuan a na man tho ani. Hivahi kut a sun chithi hin nimak, che na dan na akansun om nimak, tak-ha Pathian Thavanga a jiak ani. Ajarko chena dan ko thina ani, Pathian Thavang ning ringna ana pek.

2 KORINTH 4:2

Keinin jak na a om chuan rakip ha kan mak jui, hale mi huang leiseitho masing Pathian chong ham anluija ri masing. Adik lam jak hin keini Pathian jiang kan om hale keini mirakip jiang asat ha kando jot.

2 KORINTH 5:9

Hiva jarra keini inn na mo kan om animakle om masing mo, keini ning kan not ha ko Pathian lung man khop na jak ha ani.

GALATIA 1:10

Atun keinin mi ring ngai jotna mo ka tho? Animakle Pathian ranga mo ka tho ani? Animakle kein atun ten nom mingai lung khop na mo ka la tho ani? Kein mingai lung khop na rang ka tho aninko Khrista asuak lui chang noning.

EPHESIA 1:13

Hale Pathian chongsat ha nan jet tenna phut ama anai nan hong ni jui.

1 THESSALONIKA 2:4

Keini hi pumman a chongsat ri ranga ana thang suak jui. Hiva jarra kein in miringngai lung khop na ranga tho masing tak-ha Pathian lung khop na ranga, ama han kan lung ril la kan ngaidon ha a jet.

1 THESSALONIKA 5:14

U le naingai a tal mingai ham, a chit dop ngai ham, lung thok na tho peru, asual ngai ham sanru.

1 TIMOTHI 4:6

Nang in hiva chong lam hi na nai pangngai jiang na pek inko nang ni Khrista chuan tho asat mi ha na ni, ti ko nang in thavang ring na ha tak na ngai le kan ruaia na jui ani.

HEBRU 4:11

Hiva jarra puma le pong kan sak na mun tung na rang kan tor khan na asat ha thori, tu khat om anmani anga chong jui lui jarra a lut torlui kan chang mak na rang chong jui lui chang ma ri.

JEMS 1:12

En sin na chunga takngai lui mi ha a ravan asat; ajarko en sin na ha a man a tor inko, Pathian a lungsiat ngai pek ranga shakhi ring na ha a man mu nati.

JEMS 1:18

A kut sin rakip karra keini ara ma sat tak-ha kan chang thei na rang, chong dik han a lungdo tak keini ha a na hong tuong jui.

2 PITAR 1:10

Hiva jarra ka u ka naingai nang ni ana kuia ana lui thang pa ha a khel la jet na ranga ri theiru. Ajarko nang ni ning hiva ngai hi nan tho inko itik om pong na mu noni che u.

2 PITAR 1:15

Kei ning ka thi khan na ki na ri ka thi madonna, nan ringkhuo sot a hiva a ruia phat rakip a nan ngaidon thei na ranga ani.

2 PITAR 3:14

Hiva jarra ka lungsiat ka sap ngai, Pathian nan ngak kar hin, nan lung man thiangru hale ani lui khat te nei maru, Pathian madonna han a hip athianga ama le om ru.