2 TIMOTHI 1:10 - Rabu Athar New Testament (BSI)

¹⁰ Atunko Jisu Khrista ning keini sanring ranga a hong hin a kan dang jui hale ama athija a thui khir han Pathian chong thiang ha amongtibui ringkhuo ha ani jui.

2 TIMOTHI 1:10 ပူးပေါင်းရင်းမြစ်များ

LUK NING A JIAK CHONGSAT 11:36

Han na tak a renga a jing na mun na man om luia asat a namanvar inko, thaimeining ivar anga nang om pum varra navarrang ani.

LUK NING A JIAK CHONGSAT 13:7

Han ama ning rahuan ngakpa jiang a ti, ‘Enro kein kumthum hin hiva theichang hi ka en na a ra mu making, hivahi tuk khiakro, ama ning simlei hi arianma a man om hi ijarra mo ini?’

LUK NING A JIAK CHONGSAT 2:11

“Ve en ni nang ni ranga San ringpa an khat David khopuia nai a chang jui, a ming ko Khrista puma ani.

JOHON 1:9

Ramuolla ahong mirakip asat varnarang amahi adik avar ha ani.

JOHON 14:6

Jisun a hong sang, “Kei lam ha ka ni adik hale ring na ham ka ni, keini luia tu khat innom ka pa kol la che noni u.”

JOHON 20:31

Jisu hi Mesaia ani tia tak nan ngai na rang hiva chong lam hi alui kan jiak sa ani, Pathian pasalnai ha tak nanngai na han ring na mu nanti.

JOHON 4:42

Anmanin numeinu jiang anti, “Keini tak in a chong ri kan jet jui, a mahi ramuol la san ring neipu adik tak ani kan jet tak kan ngai ani.

JOHON 5:40

Atun tunga ringna muna ranga kei jiang hongjot mak che u.

TIRLON 13:23

Hiva mi vonchoi sunga Pathian ning Israelngai san ringpa Jisu ha a chong shan nuk jui a a hong man suak.

TIRLON 5:31

Israelngai jiang lim kan sir nale siat thiang na pek na ranga Pathian ning ama hi lamkei le san ringpa aman changa, aman a kut chang tiang han a dom sang jui.

ROM MINGAI JIANG PAUL NING A JIAK CHITHI 16:26

Hiva chong ruk hi a phut na bui a pha rakip an lui tet ha a tun kei ning ka ri suak jui, hale Pathian tashantheingai an rabu tenna a tor ti bui Pathian chong nuk juia jat rakip jiang takngai jarra chong jui ha manjetna ani jui.

ROM MINGAI JIANG PAUL NING A JIAK CHITHI 2:7

A sat chuan tho jarra duirat, lianpui na, chitlejak, le a mangtibui ha an tokngai jiang a tor tibui ringkho ha pek nati.

ROM MINGAI JIANG PAUL NING A JIAK CHITHI 3:31

Takngai jarra dan chong pek ha keinin i om manni masing mo? Hava nimarse, keinin dan chong pek ha ka man kan pol jel mo?

ROM MINGAI JIANG PAUL NING A JIAK CHITHI 6:6

Siatna tak sa hi lamang nata kein in siatna suak ha kan chang mak na rang keini a luisa miha a male kan ruoija Khros chunga kan thi suam jui tiha kein in kan jet.

1 KORINTH 15:26

Pathian ning irakip hi Khrista ama ke thuaija a siak nom, Pathian a tak tak ko Khrista ke thuija om mak tihi kan jet.

1 KORINTH 4:5

Hiva jarra puma a hong mak karje chong jenna nei maru, puman ajhinga a om ha a var na han ado rang ke hale an lung rilla an lui ngaidon rakip ha kando na ta mirakip ning Pathian tenna chong pek ha mu nanti.

2 KORINTH 5:4

Ramuol la inn hin kan om lai keinin ning dongna kan nei a chang nom taksa ramuol hi kan mak jot ko chang mak. Tak-ha vanram ma a om phur ha kan mu jot jarra ani. Hi aninko amang torlui phur ha kan ringkhuo hin om nati.

GALATIA 5:4

Chena dan rakip a juia Pathian jiang man kan thiang kati tia a omngai ha Khrista le nan kan sen ani. Nangni hi Pathian a mi lungsiat thei na va ralla nan om ani.

EPHESIA 1:18

Nan lung ril mit ham puma jiang a om a var ham mu nanti hale a man ina kui na a jar ham jet nanti, iduk a aman tam mo ini, mithiang ngai ning an mu rang ha.

EPHESIA 1:9

Pa Pathian a lung dei le alung rilla a om chingna le alungdo rakip ha Jisu Khrista jiang a man tho.

2 THESSALONIKA 2:8

Hava suale chong jui luia salui ama ha puma bai hu han athat rang ke. Puma ahong ha anmani ranga anem na om noning.

2 TIMOTHI 1:1

Jisu Khrista a nuk jui Paul jiang Pathian lungdo a hong tirra Puma a chong san rakip hi ri ranga, keihi Jisu Khrista le khat jak a om suam na kan nei.

2 TIMOTHI 1:8

Nang in Pathian chong ri rang hi jak maro, kei ning Pathian ruia pong na ka mu hi om na jak pui maru, hiva rahut a Pathian chongsat ruia nang ni om kan chelru, Pathian ning nan chunga ranak ana pek.

2 TIMOTHI 4:1

Pathian le Jisu Khrista madonna a thi a ring ngai jiang chong jenna nei nanti, ajarko a man reng khat anga hong na ta vaihom nati.

2 TIMOTHI 4:8

Atunko kein pong man ha lui ranga ka om jui, hiva puma chong jen nikhuo hin, kei jak nimak puma ha lungsiat tak a alui ngak mingai ham hava lo man ha an mu rang ani.

TITAS 2:11

Ajarko Pathian manrit na, mirakip sanring na rang a hong choi mi ha man muro.

TITAS 2:13

Hiva jarra Pathian ni khopui keini na san ringpa puma Jisu Khrista lianpui na a thianga ana man mu rang ha ravansat ha kein in kan mu jui.

TITAS 3:4

Tak-ha, keini na san ringpu Pathian lungsiat jarra mi lungsiat thei na kan hong jet,

HEBRU 10:32

Man lai a man nang ni le alui om ha ngaidon ru, hava lai Pathian in nan chunga a man varra han nang nin pong khodeng nan thei rang ha an in nom pong khodengthei han na lui tor mak.

2 PITAR 1:1

Jisu Khrista a tirlon le a suak lui chang Simon Pitar ning alui ti, kan puma Pathian jiang tenna adik lui tho ngai Jisu Khrista ning takngai na hi ana lui pek hava ha a man tam tak keini ranga ani.

2 PITAR 1:11

Ajarko hingahin keini kan puma Jisu ama om san ringpa khat chang a kum sot ring na ha nang ni jiang amongtibuia ana pek rang ke.

2 PITAR 1:3

Pathian rat na ha keini jiang akip a ana pek jui. Keini Pathian jet a ring na ranga ching na jet na hi keini a na kuipu ama tenna ani, ama asat nale a torna, lianpui na mu na ranga ani.

2 PITAR 2:20

Jisu ana san ring pa ani ti jet a mingai ning ramuol chunga a salui tenna an tan torra hava suale anmani ning a salui chuan ha vei khat an tho ret aninko anmani omchan ha a rapa nek a, nuk a omchan lam sa det noning.

2 PITAR 3:18

Tak-ha chuan sat tho le puma Jisu ha ana san ringpa ani, tijet tianga nang ni ha kan son det detru. Puma ama jiang lianpui na ha a tun nom phat rakip han nom om rase Amen.

2 PITAR 3:2

Kein nangni hi veikhat ka na man ngaidon khir jot ani, phat sot madonna Pathian tashantheingai ning nang ni jiang an na lui ri, puma Jisu ning ana ti pe nuk juia a tirlonngai ning an na lui manjet ani.

1 JOHON 1:2

Hiva ring na chong hi mu thei na ani jarra kan mu jui, a tor tibui ring na chong ha Pathian le an lui om ha keinin kan jet, nang ni jiang ka na ripe ani.

1 JOHON 4:14

Pathian ning a pasalnai ha ramuol san ring na rang a juang tirha Keini ning kan mu jui, hale midangngai jiang om kan ri jui.

MANJETNA 18:1

Hiva suale kei ning thaneithiang a dang khat ka mu vanram tenna a hong suak, ama ranak a lian na a nei, a rat na ha ramuol la pum vara a var.

MANJETNA 2:7

a kuor a om mingai ning ngai rase u, Thavang Thiang in biakrupngai jiang a ti, hava rakip ha atorra a hong ama ha ring na thing kung ha ki pek rang ke hava ha Puma rahuan na a om.

MANJETNA 20:14

Hava suale a thi ngai le ramuol la a thi ngai ha mei khurra an thun jui, hiva mei khur hi veini chang na thina ha ani.

MANJETNA 22:14

Ring na thing kung nga che na rang nga, le khopui kot a lut na rung nga an puan rasuk thiang ngaiha ravansat ani.

MANJETNA 22:17

Thavang le mui thar nu ning anti. “Hongru hiva a jet ngai ning om ti rase u. Hongru, a tui ral rakip ning hongru, ring na tui hi in rase u.”