2 PITAR 3:18 - Rabu Athar New Testament (BSI)

¹⁸ Tak-ha chuan sat tho le puma Jisu ha ana san ringpa ani, tijet tianga nang ni ha kan son det detru. Puma ama jiang lianpui na ha a tun nom phat rakip han nom om rase Amen.

2 PITAR 3:18 ပူးပေါင်းရင်းမြစ်များ

MATHIU 28:20

Kein nang ni jiang kinabe chong rakipngai ha jui na rang nang nin anmani ha man churu; hale enru a pha rakip hale ramuol a torna khan na kein nang ni ka na ompui chak.” Amen.

MATHIU 6:13

Mathemna han na ruai maro, tak-ha asat mak khat tenna na sanro; ajarko rengram, ranak hale lianpui na amongtibui ha nangta ani. Amen.’

JOHON 17:3

Kumsot ringna Puma Pathian jet le adik jet na, hale nang in na hong tir Jisu Khrista ha ani.

JOHON 5:23

Hiva jarra mirakip in apa anjak anga anai ham an chit anjak rang, tu achang innom a pasalnai chit le jaklui miha, ajuangtirpu apa ham chitlejak nei lui anni jui.

ROM MINGAI JIANG PAUL NING A JIAK CHITHI 11:36

Ajarko phur rakip hi ama ning asin ke, ama jarra irakip hi an ring ke, a tor ti buia ama ha manpak chang rase, Amen.

2 KORINTH 4:6

Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

EPHESIA 1:17

Jisu Khrista pa Pathian jiang kein ka lam, a man Thavang Thiang na pek nata chingna nei nanti hale Pathian ha nangni jiang hong kando na ta jet nanti.

EPHESIA 4:15

Hiva rahut a lungsiat na chong dik ha riru, Khrista hin kan lu man changa chuan rakip a kan son de det rei.

PHILIPI 3:8

Adik tak a! Kein ka puma Jisu Khrista ka jet ha khel la chung chuan na asat ke tia ka nei phur rakip ha nem nabui ani jui; ka binga mi dik ka ni, tiko dan chong pek nuk juia ni luia Khrista jiang takngai na ki nei jarra Pathian tenna mi ha ka ni Khrista hi kei ranga a nem na a lian tak ha ani jui.

KOLOSIA 1:10

Nang nin asat chuan nan sin na rakip le, puma lungdo ha jet thei na tianga kan sonru.

KOLOSIA 3:10

Hale ana sin pu Pathian ning ama mel pua tak a, jet chiak a ina man thar mithar ha nang nin nan ni jui.

2 THESSALONIKA 1:3

Keinin nangni ranga phat rakip a Pathian manpak hi keini ranga adik chuan ani. Nangni takngai na nan nei le khat le khat nan kan lungsiat ha hong khel me men rase.

2 TIMOTHI 4:18

Pathian ning a satlui rakip tenna ana san rang ke hale puma rengram hin a huia a na man om rang ke. A ma jiang lian nale ma hok na ha ni rase phat rakip a Amen.

1 PITAR 2:2

Nai a chang thar naite ngai anga phat rakip a Thavang Thianga tui ral la in ranga om ru. Hivahi nan in karra nang nin nan hong lian rang ke, kan san ring na hi om nan nei rang ke.

2 PITAR 1:11

Ajarko hingahin keini kan puma Jisu ama om san ringpa khat chang a kum sot ring na ha nang ni jiang amongtibuia ana pek rang ke.

2 PITAR 1:2

Puma Pathian hale kein in a na lui san ringpa Jisu ha asat a jet thei na ranga chuan le lunghip ha nang ni jiang om rase.

2 PITAR 1:3

Pathian rat na ha keini jiang akip a ana pek jui. Keini Pathian jet a ring na ranga ching na jet na hi keini a na kuipu ama tenna ani, ama asat nale a torna, lianpui na mu na ranga ani.

2 PITAR 1:8

Hiva ngaihi nang nin nan tho rang suak ani, hale nang in hiva rakip na tor inko puma ning nang ha aching athei, puma Jisu a jet mi ha na manchang nati.

2 PITAR 2:20

Jisu ana san ring pa ani ti jet a mingai ning ramuol chunga a salui tenna an tan torra hava suale anmani ning a salui chuan ha vei khat an tho ret aninko anmani omchan ha a rapa nek a, nuk a omchan lam sa det noning.

JUD TENNA CHITHI 1:25

keini a na san ringpu kan Pathian khat jak, kan puma Jisu Khrista jarra chitlejak a lurna avarna, ranak le irakip alui suak mak ma a tun nom a neipu ama ha a tor ti bui ha chang rase Amen.

MANJETNA 1:6

Hale ama Pa Pathian rengram chuan tho ngaiha, a na manchang jui. Jisu Khrista jiang mahok nale ranak rat na ha pha rakip hin om rase, Amen.