2 PITAR 3:10 - Rabu Athar New Testament (BSI)

¹⁰ Pathian nikhuo hi ko aruk anga jet lui thailuija a hong ani, hava nikhuo han vanram hi rasa suak na ta amang rang ke, vanram pumpui hi mei ning a kang rang ke hale ramuol la a om phur rakip hi om a mang ke ani.

2 PITAR 3:10 ပူးပေါင်းရင်းမြစ်များ

MATHIU 24:35

Vanram le simleiko lamang nati, tak-ha ka chong ngai hiko manglai noning.

MARK 13:31

vanram le ramuolko i lam ang rang ke, tak-ha kei chong ko mang chil noning.”

LUK NING A JIAK CHONGSAT 12:39

Nang ni kan ning theiru; ajarko inn neipu han a ruk hongrangha a jet aninko, ama ning jalluia mengnata a ruk ning a inna ilut torlui rang ani.

ROM MINGAI JIANG PAUL NING A JIAK CHITHI 8:20

Ajarko a ring ngai ning nem na rang bui mun han om hi an dei nuk juia nimak, tak-ha; jet chiak an ngaidon na Pathian lungdo man tung na rang ke.

1 KORINTH 1:8

A man a torna nikhuo han nom na san na ta Jisu Khrista a hong karra nang ni ha a thianga asuaina buia om nanti.

1 KORINTH 5:5

Nang nin hava miha seitan jiang pekru, a taksa ha manmang rase, tak-ha puma a hong karra a thavang ko aringna lui tho peru.

2 KORINTH 1:14

Nang nin aviar keini ruia nan jet han thuaitor nanti, keini om nang ni ruia thuaitor kan ti puma nikhuo han.

1 THESSALONIKA 5:2

Nang nin a thianga nan jet jui. Puma ko a ruk ning janna rukchian na a hong anga a hong rang ke.

1 THESSALONIKA 5:4

Tak-ha u le naingai nangni ko ajinga a om mi ha nima che u, hava phat ha jet lui thailuja a hong manni rang ke. Kan ning chakru.

2 PITAR 3:11

Hingahin phur rakip mang rang ani jui, nang ni hi ho anga mi mo nan ni rang? Nan ringkhuo ngaihi Pathian jiang a thianga kan pek lutru.

2 PITAR 3:12

Hiva nikhuo ranga kan ning taru vanram hi mei ning kang mangrang ani jui, hale phursat rakip ham kang noirang ani jui.

2 PITAR 3:7

Tak-ha a tunna a om ramuol hi ko Pathian ning meija ka tor rang ke tia ala om ani hingahin Pathian jet lui ngaiha chong jen nikhuo hin man mangranga asiak jui.

JUD TENNA CHITHI 1:6

Ngaidon ru thaneithiangai tak om an om na hi a mong ti om mak, tak-ha anmanin a tor pu ama chong ha an ngai mak inko amongtibuia khit na ta ajing karra a thuaija siak nati, hale a tor pu puma ning anmani ha thaneithiangngai ha Puma ning a torna chongtan nikhuo han an manmang rang ani.

MANJETNA 16:15

“Ngairu kei hi a ruk anga ka hong rang ke! puon le diar a kan ninga a om ama ha ravansat ha ani, ama ha mitam madonna, puon buija lon noning.”

MANJETNA 20:11

Han kein ka mu reng ong na a lian mun khat han ama ha a ong, vanram le ramuol ning ama tenna a tan jui, vei khat mu khir lai noni u.

MANJETNA 21:1

Kei ning vanram a thar khat le ramuol a thar khat ka mu a rapa ramuol le vanram ha ko a mang jui, hale tuionglian tui pui ham a mang jui.

MANJETNA 3:3

Nang jiang ka na manjet ngaiha ngaidon khir taro, imo na jet ha juiro, na siatna ha mak nang na thui mak aninko kein a ruk anga ka hong rang ke, ka hong rang a pha nang in jet noni che.

MANJETNA 6:14

Chung van hi om che i kan jual anga a kan jual, hale ching rakip le phai om an om na mun tenna an mang jui.