2 PITAR 2:4 - Rabu Athar New Testament (BSI)

⁴ Ajarko Thavang Thiang ten nom siatna an tho karra Pathian ning a hui lui mei khurra atir, hale chong jen ranga an ngak ngaiha Pathian ning a jing na mun na a siak.

2 PITAR 2:4 ပူးပေါင်းရင်းမြစ်များ

MATHIU 25:41

Hava han a man aveitianga a omngai jiang hong ti nati, kho khong na tungngai kei jiang tenna che u nang seitan le ama thaneithiangngai ranga an lui varsha athitibuimei khurra che taru.

MATHIU 8:29

Hale jet lui thai lui a an hong khek anti, “Jisu Pathian Pasalnai nang le keini hi imo kan suak, a phat animak ma keini hi man pong kati tia nang na hong mo?”

MARK 5:7

rasa a ring tak a khek, “Chung Nungtak Pathian nai Jisu, kei imo nina lorang? Pathian a ming kari chubei ka na buk, khodeng na man thei maro a ti.”

LUK NING A JIAK CHONGSAT 10:18

Han Jisun anmani jiang alui ti, “Vanram tenna an phut kolkanlet anga seitannin ramuol la a hong chul kan mu.

LUK NING A JIAK CHONGSAT 8:31

Han Seitanngai ning Jisu jiang anmathem, keini hi mei khurra namasul maro tia an lui ri.

JOHON 8:44

Nang ni nan pa ko Seitan hake ani, hiva jarra ama lungdo ha nang nin nan jui; a phut lai tenna a mako mi thatke ani, hale adik natianghan om mak. A ma jiang adik na ha om mak, a man a tho na rakip leisei jak a ri, ajarko leiseipa ani jarra, leiseiri rakip rang om an pa ani.

ROM MINGAI JIANG PAUL NING A JIAK CHITHI 11:21

Ajarko Pathian ning thingchang ha a sanring mak aninko, nangham ama ning na sanring noning.

ROM MINGAI JIANG PAUL NING A JIAK CHITHI 8:32

Pathian ning a pasalnai ha sanring luia, keini rakip ranga ana pek ama ning a pasalnai hale kan ruaia phur rakip om keini jiang ariam ma ina pek lui rang mo?

2 PITAR 2:11

Thavang thiang ngai ning anmani nek a an ra ot det, hale an tor det tak-ha anmani ning Pathian madonna chong salui lui ri pe ma u.

2 PITAR 2:5

Pathian ning a tuan lai hin nom lui hoi mak, tuilian a hong ti ra Pathian jet luingai ranga, Noa a thei jak a le Pathian jet adik chuan tho mi sa ri jak ha an lui ring.

2 PITAR 2:9

Hiva jarra Pathian ning a jet asat mingai ha ija mo a san ring, hale asat lui tho ngaiha chong jen nikhuo hin pong nale khodengthei pek rang a suak.

1 JOHON 3:8

Tu a chang innom siatna ala tho ala jui chak mi ha Seitan take ani, ajarko Seitan ko a phut na lai tenna siatna alui tho ani. Seitan chuan tho ngaiha manmang ranga Pathian pasalnai a hong kando ani.

JUD TENNA CHITHI 1:13

An thei jak a an rang a siat rei a, jak jet lui tui huan anga anni, arsi vuang ti tir anga anni: Anmani ranga a tor ti bui a jing ha an tet jui.

JUD TENNA CHITHI 1:6

Ngaidon ru thaneithiangai tak om an om na hi a mong ti om mak, tak-ha anmanin a tor pu ama chong ha an ngai mak inko amongtibuia khit na ta ajing karra a thuaija siak nati, hale a tor pu puma ning anmani ha thaneithiangngai ha Puma ning a torna chongtan nikhuo han an manmang rang ani.

MANJETNA 20:10

Mi huang khonam ha amongtibui mei khurra an lui thun, han ani luija Pathian chong ri ngaile sangai ham an thun ani, hava mei khur han jan le sunna an pong theng pet.