2 PITAR 2:3 - Rabu Athar New Testament (BSI)

³ Hale anmani ning an pham rai jarra anmani ning ani lui chong lal an oul rang ke phat sot tak a anmani ha chong jen ranga an hong karra an mang rang ke, a mong ti om noning.

2 PITAR 2:3 ပူးပေါင်းရင်းမြစ်များ

MATHIU 23:14

asat kan rol danthei oja le pharisingai, nang ni jiang pong khodengtheina ke; ajarko mei thai ngai inn nansut hale nang nin nan thongalla a sot tak lam na nan nei, hiva jarra nang nin a lian na siatna nan mu rang ke.

LUK NING A JIAK CHONGSAT 18:8

Kein nangni jiang nati rong, Pathian in anmaningai ha a rak a sannati, tak-ha Mi Pasalnai han a hong karra ramuolla takngai miko muna timo?

LUK NING A JIAK CHONGSAT 20:20

Hiva jarra anmanin Jisu a masial na anruang chak a, chong ruk mi an lui tirra, Jisu anuk jui anga ankan lemma, hingahin ija mo a ri tihi jetna rang a lian ngai jiang manchur na rang tia chuan anvarjui.

LUK NING A JIAK CHONGSAT 22:47

Han Jisun chong arilai tak han, mitam an lui honga thiamruoi somleini karra Juda Iskariot ning, Jisu kolla ahonga abiang a hong tum jui.

JOHON 2:16

Khunu ajuar ngai jiang aman a ti, “Hinna an phut hiva phur ngaihi choinang suaktaru! Ka pa inn hi phur le pai juarna inn manchang maru.”

ROM MINGAI JIANG PAUL NING A JIAK CHITHI 16:18

Ajarko ha ang chat mi ngaiha keini kan puma Khrista a suak nima u, anmani ko an von rang jak ke, Hale an chong ri thei an chong hui han mi chamngai lung ha an huang ke.

2 KORINTH 2:17

Keini ko Pathian chongsat lal oul mitamngai anga ni masing, tak-ha Pathian chuan sin na lung lut ama ning a chuan sin ranga ana kui ha kan ni. Keini Khrista jiang kan om ma Pathian madonna kan ri ani.

1 THESSALONIKA 2:5

Nang nin nan jet, keini hi ani lui chuan tho mi en lal, ka rama chuan tho masing, Pathian shakhi ani.

1 THESSALONIKA 5:3

Mingai ning ahuia an om lai tak han khang hong a hong na ta mingai pong na a man suak rang ke. Numei ning nai an nei a pong na, a nat an pial torlui anga pial na jot noning.

1 TIMOTHI 3:3

Ju rui lui, kansual kanse om lui, lung nem ni jai tat lui, hale peisa dei rei lui mi ani rang asuak.

1 TIMOTHI 3:8

Hale biakrup a dikonngai om omchan asat mi ha ni rase u. Anmani ning ju in ma rase u, hale peisa tianga a tam ka ram ma rase u.

1 TIMOTHI 6:5

Hale mingai karra a kan nok theng pet ngai ning anmani lung sunga chuan adik ha nei ma u. Anmani ning an ngaidon dik na hi nei na lam lian khat ani tia an ngaidon.

TITAS 1:11

Anmani ha an bairuk rang hi a suak jui, hiva mingai hi ning peisa khel la an dei jarra, manchu lui rang suak chong ha an man chu a insung atam lam an ve khui jui.

TITAS 1:7

Ajarko, lamkai ha ning Pathian chuan tho mi ani jarra, a bing rang jak ngaidon lui, alungnem, ju ruilui, kansual kan se na nei lui, peisa tianga pham rai siat lui,

1 PITAR 2:8

Chong thiang mun khat hin a ti, hiva lung hin mi kan lum na khat a man chang, ajarko anmani ning an kan lum na hin Pathian chong ha tak a luingai lui jarra ani, hiva ngai hi Pathian lungdo ani anmani ranga.

1 PITAR 5:2

Belramngai sel ranga Pathian ning belramsel ranga nang ni jiang a na pek jui hale asat a en ranga hivahi Pathian ning nang ni jiang adei ani, han lung lut lui ko tho maru; nan chuan ha a man rang jak nima rase, tak-ha athianga lung lut a nan tho jot ha ni rase.

2 PITAR 1:16

Keini ning mi chong thang kan luia nang ni kan na manjet nimak, Jisu Khrista alian na hong rang hi, ka mit tak a kan mu jui ama alian nale a torna ha.

2 PITAR 2:1

Adik lui Pathian chong ri kan rol ngai a tuan lai hin nom alui om, hingahin nang ni karra hin nom an la hong suak rang ke, anmani ning an na manmang rang ke, ani lui chong lam ngai hin, hale anmani a san ring pu ten nom en jot noni u.

2 PITAR 2:9

Hiva jarra Pathian ning a jet asat mingai ha ija mo a san ring, hale asat lui tho ngaiha chong jen nikhuo hin pong nale khodengthei pek rang a suak.

JUD TENNA CHITHI 1:11

Anmani ranga pong khodengthei a om! Ajarko anmani ning ken a nuk lam an jui jui, Balaam chunga lam mo an lui pek, anmani ha ruphai an dei anga hava lam tiang an che jui, kora, ning a rang rat, mi sa mak anni jarra i mang pui ang han, anmani om an mang jui.

JUD TENNA CHITHI 1:15

Anmani rakip chongtan na rang le Pathian don lui rakip an tho na chuan rakip ruia siat nei ngai ning Pathian ruia esella an ri na chunga man dik mak na ranga a man a hong.

JUD TENNA CHITHI 1:16

Hiva ngai hi ko mi nuk tiang a chong ri siat, a khop ti bui, an lungdo nuk jui a an che, an nei na rang jak an ngaidon na mi mai en lui, a chong ri an man kan thuai ngaiha anni.

JUD TENNA CHITHI 1:4

Ajarko mi aviar ning ruk chian na an tan jui, anmanin Pathian chuan ha ale lam tianga ansin, kan puma Jisu Khrista a jot lui mi anni, hava jarra dan chong sunga anmani ranga a kan jiak sake ani.

JUD TENNA CHITHI 1:7

Ha ang han Sodom le Gomara a sir panga om khuo ngaile an nun chan satlui ha an tho jarra, tak sa omchan salui tho ngaiha a tor ti bui mei khurra an om ha jet na ranga ani.