2 PITAR 1:6 - Rabu Athar New Testament (BSI)

⁶ Nan jet na han nan tak kan chur theiru, nan tak nan kan chur thei na han a khang theiru, a khang nan thei na han Pathian jetru.

2 PITAR 1:6 ပူးပေါင်းရင်းမြစ်များ

LUK NING A JIAK CHONGSAT 21:19

Nang ni nanduirat jarra ring na nan mu rang ani.

LUK NING A JIAK CHONGSAT 8:15

Simlei a thiang na mun na a chul chimu rulam a thiang chongaiha an jet karra an lung sunga a lut le adik a an luia chong anjuia a ra om mingai ha anni.

TIRLON 24:25

Han, adik tho nale a tak lung kan chur an khat om a hong rang chongtana nikhuo ruia Paul ning a hong ripe a; Felik ning a chit a hong ti “Atun chetaro,” kei ning a pha ka mu ret kar han nang ha veikhat na hong kui ret kati.

ROM MINGAI JIANG PAUL NING A JIAK CHITHI 15:4

Ajarko rabu an jiak sa duirat nale masiat na jarra keini kan jet chichiak mu na ranga atuanlaia an lui jiak sa ngaiha keini kan chuna ranga an lui jiak ani.

ROM MINGAI JIANG PAUL NING A JIAK CHITHI 2:7

A sat chuan tho jarra duirat, lianpui na, chitlejak, le a mangtibui ha an tokngai jiang a tor tibui ringkho ha pek nati.

ROM MINGAI JIANG PAUL NING A JIAK CHITHI 8:25

Tak-ha keinin kan mu torlui ha jet chiak kan ngaidon inko keinin hava ranga asatianga kan ngai.

1 KORINTH 9:25

Kan dai a kan chel mingai ning i rakip a antak ankan chur, hale anmani ning mang a jot loman ha muna ranga an tho, tak-ha kein in kan tho hiko phat rakip a amang thei lui rang loman ha ani.

2 KORINTH 6:4

Tak-ha irakip a Pathian chuan tho khat changa keinin khodengthei lui anga chong kan lui ri. Atam tak khang theina, Thavang pong atatna rakip kan lui mu.

GALATIA 5:23

Lung nem ma a om, a tak a kan khit tor, hiva ngai jiang chena dan ning a jot lui ite khat om mak.

KOLOSIA 1:11

Ningsat le kan ruaia nang nin dui rat hi a pha rakip a Pathian lianpui na ranak rakip han, nang ni ha na man rat rase.

1 THESSALONIKA 1:3

Nang nin Pathian madonna takngai na iduk mo nan nei, hale chuan ha adik khan na nan tho hale Jisu Khrista jiang nan siak lungdo ha a det tia kein in kan ngaidon.

2 THESSALONIKA 1:4

keinin nangni jarra lulian na chonga biakrup a kan ri, ajarko khodengthei na hi jat nan lui dui nom nan takngai na ha ko bang ma che u.

2 THESSALONIKA 3:5

Puma ami lungsiat ha jet thei na rang le Jisu Khrista ning ana pek khang thei na han pathian in nan chunga na ruai rase.

1 TIMOTHI 2:10

Tak-ha an chuan sat han anmani ha, numei sat khat kan ni ti a do rase u.

1 TIMOTHI 2:2

Ajarko rengngai le a dang alian arang ngaile Pathian ning a man thiang mingai le ahip adai ringkhuo hin adik tak a om thei na ranga ani.

1 TIMOTHI 3:16

Pathian chong ruk a thiang ha mirakip ning adik tia an lui. A ma ning mi anga ahong kan lem ma, thavang thiang tenna chuan dik a man tho, thaneithiangngai ning om an lui mu. Phung rakip jiang le jat rakip jiang alui ripe jui, ramuol chunga tak an lui ngaija hale vanram hin alui lut jui.

1 TIMOTHI 6:11

Pathian mi nang ning hiva rakip hi makro, hale chuan dik ha thoro, Pathian lungdo tak a ngai, lungsiat le khang thei lam hi jui taro.

1 TIMOTHI 6:3

Tu ang khat ning chong lam a dang khat hin mingai ha aripe aninko, hale adik chong ha ti ko, Jisu Khrista le Pathian ngaidon lam ha a jot lui ani.

1 TIMOTHI 6:6

Tak-ha dik na ning mi hi kan chong manchang mak, ama ning a nei rakip chunga alung a khop mak inko,

2 TIMOTHI 3:5

Anmani ning ma pal tiang jak Pathian an jet rang ke, tak-ha a thianga Pathian ranak ha ko mu noni u. Hiva ngaiha nang ni ning kan ning theiru.

TITAS 1:1

Pathian ning athang suak mingai takngai nale, Pathian jiang adik an do ha, a khel la jet thei na ranga, Pathian suak Jisu Khrista thiamruoi Paul kein, amongtibui ringna ha ka ngaidon.

TITAS 1:8

midon thei, mi pham thei, adik chuan tho dei, lung kan chur tor, mi dik, a thiang le a tak kan chur tor mi a chang rang a suak.

TITAS 2:2

Ulianngai ha Ju in lui, lung kan chur tor, mi vaihom thei le takngai jot mi lungsiat thei a adik anni rang ani jui.

HEBRU 10:36

Pathian chong shakhi tum na rang le a lungdo tho ranga nan khang rat rang hi a suak jui.

HEBRU 12:1

Keini ranga takngai na jet thei na ranga sakhi lian atam tak in kan sir kan panga a na tan jui ani. Siatna a o tit na rang om a lam rakip kan nok na ngai deng jaun pet innang, kan madonna a om kan lungdo mun tiang jong innang risiat tho innang tanrei.

HEBRU 6:12

Keinin nan tha siat rang hi dei making, tak-ha Pathian chong shakhi a mungai anga takngai le a dui rat nan chang rang kan dei.

HEBRU 6:15

Abraham ning a ngak rat jarra Pathian chong shakhi ha a tum jui.

2 PITAR 1:3

Pathian rat na ha keini jiang akip a ana pek jui. Keini Pathian jet a ring na ranga ching na jet na hi keini a na kuipu ama tenna ani, ama asat nale a torna, lianpui na mu na ranga ani.

2 PITAR 3:11

Hingahin phur rakip mang rang ani jui, nang ni hi ho anga mi mo nan ni rang? Nan ringkhuo ngaihi Pathian jiang a thianga kan pek lutru.

MANJETNA 1:9

Johon kei hi Jisu Khrista a nuk jui nan u nan nai ha ka ni, kei hi nang ni le pong a dui suam hale, Pathian rengram hi khodengtheingai ranga ani; Kei hi Patmos tui sirra an na siak, ajarko, Jisu ning ana manjet, Pathian chong thiang ha ka lui ri.

MANJETNA 13:10

“Tu ang ning mi chur rang a tinko, ama ha a chur rang ke, hale tu ang khat ning mi ha chem ma that rang a tinko, ama ham chem ma an that rang ke, hivahi Pathian takngai le khang thei mingai han an lui ti ani.”

MANJETNA 14:12

Hin mi thiang ngaile Pathian chong rakip hale Jisu ha tak a ngai mingai khang thei na ha om nati.

MANJETNA 2:2

Kein ka jet “Nang in imo na tho, chuan tho hi iduk a tat mo ani, hale iduk khang thei mo na lui ni tihi.” Nang in mi salui ngai ko jot tor ma che, hale nang in na jet, Pathian tirlon kan ni an lui ti, tak-ha Pathian tirlon ko lui nima u, nang in anmani ha mi leisei anti tia na jet.