2 PITAR 1:4 - Rabu Athar New Testament (BSI)

⁴ Hingahin ama ning a man tam tak kutchoi le chongsan ha a na lui pek, hale hiva kutchoi tenna keini ning ramuol chunga thina mang na tenna kan pial tor ani, hale Pathian ngaidon a rapa anga om na ranga ani.

2 PITAR 1:4 ပူးပေါင်းရင်းမြစ်များ

ROM MINGAI JIANG PAUL NING A JIAK CHITHI 9:4

Anmaniko Israelngai anni, nai charapa an chang, lianpui na, chongtan na, dan chong pek le chubeibuk hale chongsan rakip om anta ani.

2 KORINTH 1:20

Ajarko Pathian a chong luisanna rakip ha ama han o ajot a ti ani.

2 KORINTH 3:18

Keini kan renga maikhu puan tho luia puma lurna han ana man varjui, hale hava lurna ha Pathian a tak tenna a thavanga a hong mankonthul anga keini om ama mel anga ana man kan thul jui.

2 KORINTH 6:17

Hiva jarra nang nin hong suakru anmani tenna, hale kan sen puiru ti a pathian in a ti, hale a thiang lui phur ngaiha sit maru; kein nang ni ha ka na lui don rang ke.

GALATIA 3:16

Atunko Abraham le a naingai ranga puman chongsan na alui nei. A naingai tiko mitam ha luiti mak tak-ha a nai an khat alui ti, ama ko Jisu Khrista ani.

GALATIA 6:8

Ajarko taksa tianga chuan tho ama han taksa tianga a salui ha amu rang ke, tak-ha Thavang a chimu aling ama han Thavanga kumsot ringna ha mu nati.

EPHESIA 4:13

Hiva ruia keini lung khat jak changa takngai na hi jom khat jak changa Jisu hi Pathian nai ani tia lui nang puitung mi khat changa Khrista ama omchan na om rei.

KOLOSIA 3:10

Hale ana sin pu Pathian ning ama mel pua tak a, jet chiak a ina man thar mithar ha nang nin nan ni jui.

HEBRU 12:10

Tak sa ramuol pangai ning pha bongkhat jak an na man chu ke ani, tak-ha keini Pathian a thiang na ha kan tum pui thei na rang hivahi keini satna ranga Pathianin ina var ani.

HEBRU 9:15

Hiva jarra Pathian in a kui mingai han kum sot ravansat na Pathian chong shan an mu rang ani, chong shakhi thar chuan var ha Khrista a chang jui; ajarko chong shakhi ama sat thuaia mingai an om lai han a sa mak chuan an tho na an phut ma sua an chang na rang thina rang an khat alui om jarra hivahi an tho thei ani.

JEMS 1:27

Nu le pa bui mei thai khodengtheingai chunga lungsiat ngaidon na an khodengthei na a en pe le ramuol chunga asat mak an phut a en thei mi ha, Pathian ning idei adik le a thiang ha ani.

2 PITAR 1:1

Jisu Khrista a tirlon le a suak lui chang Simon Pitar ning alui ti, kan puma Pathian jiang tenna adik lui tho ngai Jisu Khrista ning takngai na hi ana lui pek hava ha a man tam tak keini ranga ani.

2 PITAR 3:13

Han Puma ning a ti nuk juia, keini ning a thar vanram le ramuol ha ka ngak chuan sat a tho ngai om na ranga ani.

2 PITAR 3:9

Pathian ko nut mak, a ngaidon a chuan tho rang ha, hiva rahut a nang ni ranga a kan khang thei, ajarko ama ning tu khat om manmang jot mak, tak-ha an siatna tenna an nuk hong kan hei khir rang hi a dei ani.

1 JOHON 2:25

Khrista ning keini jiang kum sot ringna na pek rang ama a thei jak a chong sam ke ani.

1 JOHON 3:2

Ka manrit ka sap ngai a tunko keini hi Pathian a mi kan chang jui tak-ha imo kan la hong chang rang tihi keinin la jet masing, tak-ha keinin kan jet khat ko. Khrista a juang kando rang pha han keini om puma ama anga ni rang ka ni, ajarko ama a kan sin hei na ang han keini om ni kanti.