3 Pathian rat na ha keini jiang akip a ana pek jui. Keini Pathian jet a ring na ranga ching na jet na hi keini a na kuipu ama tenna ani, ama asat nale a torna, lianpui na mu na ranga ani.
Pathian ning a pasalnai ha sanring luia, keini rakip ranga ana pek ama ning a pasalnai hale kan ruaia phur rakip om keini jiang ariam ma ina pek lui rang mo?
Tak-ha a man kei jiang a luiti “Kein nang chunga lungsiat theina ka nanei han nang rang ko ajot jui ajarko kei ranak ning na sual rakip ha a man rat jui.” Kein Khrista jiang ningsat tak a ka sual na hin ka manpak rang ani. Ajarko Khrista ha ka sunga a om chak.
Adik tak a! Kein ka puma Jisu Khrista ka jet ha khel la chung chuan na asat ke tia ka nei phur rakip ha nem nabui ani jui; ka binga mi dik ka ni, tiko dan chong pek nuk juia ni luia Khrista jiang takngai na ki nei jarra Pathian tenna mi ha ka ni Khrista hi kei ranga a nem na a lian tak ha ani jui.
A torna han u le naingai, asat phur manpak rang suak ha ngaidon ru: hale, adik nunchan sat, a thiang lungsiat chitlejak nei rang suak ha nan lung sunga omchak rase.
Ajarko, vanram le ramuol la mu torlui, a tor pungai ong na mun ranak neingai anninom puma tenna an hong sin mang ke ani; phur rakip hi puma jarra le ama ranga alui sin ani
Puma ning keini hi a mi khat chang ranga a na kui keini kan chuan tho jarra chang mak tak-ha ama a na lungsiat na jarra ani, ama ning Jisu Khrista jiang a rat na ha a phut na tenna alui hong tir.
A ma ning Pathian lurna varna rakip le Pathian mi tak ha ama jiang a om hale Khrista ning ramuol a pumpui hi ama chong thouija a man om. A ma ning miringai siatna rakip ha a ngaidam suale vanram ma puma Pathian a kut chang tiang han ranak nei tak a a ong jui.
Hiva jarra nangni hi ana hong kui ani, ajarko Jisu Khrista om pong na alui mu nang ni jarra, nang ni jet thei na ranga, han nang ni ning om hava han jui taru.
Tak-ha nangni ha a jing kar tenna puma ama ning a var na han ana kui, puma ama alian na rakip ha nang ni ri ranga ana thang sa jat phung ha nan ni, puma ranga a ngir mingai ha nan ni.
A satlui a tho ngai jiang a satlui tho maru khua a na khong ngai jiang khua khong maru, hava rahut a phual pekru. Ajarko nangni phual mu na ranga nangni ha a na kui ani.
Hale Pathian lianpui na ranga Khrista ning nang ni ha a na lui kui ani, hiva phat bongkhat hin nang ni ning khodeng nan thei suale nang ni ha na man rat rang ani, hale na man lian na ta na man ngir rang ani jui.
Hiva jarra ka u ka naingai nang ni ana kuia ana lui thang pa ha a khel la jet na ranga ri theiru. Ajarko nang ni ning hiva ngai hi nan tho inko itik om pong na mu noni che u.
Hiva ngaihi nang nin nan tho rang suak ani, hale nang in hiva rakip na tor inko puma ning nang ha aching athei, puma Jisu a jet mi ha na manchang nati.
Jisu ana san ring pa ani ti jet a mingai ning ramuol chunga a salui tenna an tan torra hava suale anmani ning a salui chuan ha vei khat an tho ret aninko anmani omchan ha a rapa nek a, nuk a omchan lam sa det noning.
Tak-ha chuan sat tho le puma Jisu ha ana san ringpa ani, tijet tianga nang ni ha kan son det detru. Puma ama jiang lianpui na ha a tun nom phat rakip han nom om rase Amen.