2 KORINTH 7:1 - Rabu Athar New Testament (BSI)

¹ Pathian ning keini jiang chongsan na alui nei ha kan mu jui, ka lungsiat ngai keini kan tak le kan thavang a man chok rang rakip ha man thiang tor hale Thavang a Pathian ha chit da om ru.

2 KORINTH 7:1 ပူးပေါင်းရင်းမြစ်များ

MATHIU 12:33

Thingkung ha man satru a raham sat nati, animakle thing kung ha man sat maru a raham sat noning; ajarko a rahan thing kung ha jet torna a om.

MATHIU 5:48

Hava jarra vanram ma nan pa lungdo a tung anga nang ni om lungdo tung ha changru.

MATHIU 5:8

Lungthiang mingai ha ravansat anni; ajarko Pathian an la mu rang ke!

TIRLON 9:31

Hava pha han Judia, Galili le Samarija pumpuia, biakinn sin an phut lunghip na an lui mu, hale Puma an chit jarra Thavang Thiang ranak ha an jui jarra a khella miha an hong tam.

ROM MINGAI JIANG PAUL NING A JIAK CHITHI 5:20

Hiva jarra siatna man tam ranga dan chong pek ham a hong jui.

1 KORINTH 6:20

Puma ning nang ni ha a man na ana lui chok jui. Hiva jarra nan taksa han Pathian lurna lian na ha thoru.

2 KORINTH 1:20

Ajarko Pathian a chong luisanna rakip ha ama han o ajot a ti ani.

EPHESIA 2:3

A thianga keini om hava mingai angnga ramuol la lungdo nuk juia taksa lungdo rakip ha kan lui tho, taksa lingdo ngaiha ko keini khodengthei nale puma lung thok na alui chang.

1 THESSALONIKA 3:13

Hingahin kan puma Jisu Khrista ning Thavang thiang ngai le a hong phat han Pathian madonna nangni mi thiang khat changa lui om ru.

1 THESSALONIKA 4:7

A thianga om ranga Pathian ning a na kui hi, omchan salui che na ranga nimak.

1 THESSALONIKA 5:23

Pathian ama lunghip na han nan thavang nan taksa hale nan lung a renga na rasuk rase. Khrista a hong karra a salui ite khat buia lui omru.

HEBRU 12:23

chung van na ming jiak man lut na Pathian nai ulianngai ningsat an kan chun na ningsat mirakip chongtan Pathian jiang, hale adik mingai Thavang Thiang lungdo tunga an sin na mun,

HEBRU 12:28

Hiva jarra kein in a kan thit mak rengram ha kan tum jui a chang jarra ningsat tak choi man sang rei, Pathian ha kein in chit tak le jak tak a lung kan man tai na rang chubeibuk a manpak rei;

HEBRU 4:1

Atunko ama le pong kan sak suom na rang Pathian in keini pong kan sak na mun na lut na ranga chong shakhi a na mak pe jui, hale pong kan sak na mun tung rang tute khat in ama sial mak na rang kan ning thei ri.

HEBRU 6:9

Tak-ha ae, lungsiat sap le jar ngai kein in hiva tunga kan lui ri jui aninom, nangni ranga ko jet thiang na kan nei jui, tiko ravansat nale, kan san ring na ha dan ta ani jui tihi keinin kan jet.

JEMS 4:8

Nang nin Pathian nairu, hale a man a na dep rang ke. E, siat nei mingai; nan kut rasuk thiangru! A sat kan rol ngai, nan lung man thiangru!

1 PITAR 1:15

Hiva rahut da nang hi athianga omro, na chuan tho na rakip a, puma ana kui pu ha a thiang ani.

1 PITAR 1:17

Nangni ning Pathian jiang nan lam karra a pa nanti, ama ning mirakip hi a kan ang rip a atho, nuk juia chong ajen karra hin nom ramuol la nan om lai lim Pathian ranga a thianga om ru.

1 PITAR 1:22

Nangni ning adik chong ha nan jui jarra nan man kan thiang jui, hale nang ni khat le khat adik khan na kan lungsiatru.

1 PITAR 2:11

Ka lungsiat ka sap ngai kein nang ni ha ka na mathem, ramuol chunga khual mi khat anga nan taksa ning a dei ngai ha pek maru, hava ngaiha phat rakip a Thavang ning a jot lui ngaiha ani.

1 PITAR 5:10

Hale Pathian lianpui na ranga Khrista ning nang ni ha a na lui kui ani, hiva phat bongkhat hin nang ni ning khodeng nan thei suale nang ni ha na man rat rang ani, hale na man lian na ta na man ngir rang ani jui.

1 JOHON 1:7

Tak-ha ama hi a varra a om anga, keini om a varra kan om a chang inko, Keini an khat le an khat kan kan chun jui, han a pasalnai Jisu Khrista thisen tenna keini ana rasuk thiang jui ani.

1 JOHON 1:9

Tak-ha, keini kan siatna ha Pathian jiang kan ri inko ama chongsan adik ha tho nati, hale kan siat nale kan ma sial na ngaihi na man thiang na ta na ngaidam nati.

1 JOHON 3:3

Khrista ning a thiang ang han tu a chang innom Khrista ha lungdo a nei mi ha, ama a bing jak kan rasuk thiang rase.