Amangrang bu jarra chuan sinmaru; hava rahut kumsot ringna rang bu jarra chuan ranak sinru, ajarko hava bu ha Mi Pasalnai ha ning ana pek rang ke, ajarko Pathian ning ama chunga chong ngirna ana pek jui.”
Hiva jarra ka lungsiat ka u ka naingai nang nin Pathian chuan sin na, nan chuan man kan dengru lung lut tak a adet a ngirru. Ajarko Pathian chuan nan tho rakip ha ariam ma mang noning tihi nan jet.
A torna tak hin ulenaingai Khrista minga kan na ri ani, nang nin ijamo nan om rang hale puma ha ijamo a lungdo nan tho rang tiha keini jiang tenna nan jet ha man khel de detru.
keini ning hivahin chuan a tam kan tho rang a suak, ajarko a ring Pathian jiang kan lungdo ha a om, hale tak a ngai mirakip ranga ama hi ramuol la san ringpa ha ani.
Hiva jarra kein in a kan thit mak rengram ha kan tum jui a chang jarra ningsat tak choi man sang rei, Pathian ha kein in chit tak le jak tak a lung kan man tai na rang chubeibuk a manpak rei;
Hiva jarra puma le pong kan sak na mun tung na rang kan tor khan na asat ha thori, tu khat om anmani anga chong jui lui jarra a lut torlui kan chang mak na rang chong jui lui chang ma ri.
Hiva jarra ka lungsiat ka sap ngai, Pathian nan ngak kar hin, nan lung man thiangru hale ani lui khat te nei maru, Pathian madonna han a hip athianga ama le om ru.