2 KORINTH 4:6 - Rabu Athar New Testament (BSI)

⁶ Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

2 KORINTH 4:6 ပူးပေါင်းရင်းမြစ်များ

LUK NING A JIAK CHONGSAT 10:22

“Hiva chuan rakip hi ka pa ning kei jiang na na ngamnajui, a pa kan chel lui a a nai ha tu mo ani tihi tu ning om jet ma u, ajarko anaipaha tupa naimo tihi tu ning om jet noni u.”

JOHON 1:14

Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

JOHON 11:40

Jisun Numeinu jiang a ti, “Nang na takngai na a om inko Pathian lianpui na nimurangke ka na ti nimak mo?”

JOHON 12:41

Tashanthei Isaia ning Jisu mahok lianpui na ruia Jisu chung changa aluiriha ani.

TIRLON 26:18

Anmanin a jing kar tenna a var han, seitan ranak tenna phut Pathian jiang, an hong kanheija, an siatna rakip ngaidam na, hale kei tak an na ngai jarra thang suaksangai karra mun an mu na rang, kein nang hi anmani mit ha longpe na ranga anmani jiang ki na tir ani.

1 KORINTH 12:8

Ajarko mi khat jiang Thavang Thiang in ramuol la ching na alui pek.

2 KORINTH 2:10

Nang nin nan ngaidam ama ha kein nom ka ngaidam ani, ajarko ka ngaidam ama ha irakip a ka ngaidam jui, Khrista ama jarra ani.

2 KORINTH 3:18

Keini kan renga maikhu puan tho luia puma lurna han ana man varjui, hale hava lurna ha Pathian a tak tenna a thavanga a hong mankonthul anga keini om ama mel anga ana man kan thul jui.

2 KORINTH 4:4

Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.

EPHESIA 1:17

Jisu Khrista pa Pathian jiang kein ka lam, a man Thavang Thiang na pek nata chingna nei nanti hale Pathian ha nangni jiang hong kando na ta jet nanti.

EPHESIA 1:18

Nan lung ril mit ham puma jiang a om a var ham mu nanti hale a man ina kui na a jar ham jet nanti, iduk a aman tam mo ini, mithiang ngai ning an mu rang ha.

EPHESIA 5:8

Ajarko phat khat a nangni a jing na inna nan lui om tak-ha a tun ko Pathian a varna hin nan om jui.

PHILIPI 2:6

Khrista ning Pathian anga a om aninom, Pathian le ka kan ang rip tia ngaidon mak.

KOLOSIA 1:15

Khrista ko mit a mu thei lui Pathian mel ha ani.

1 THESSALONIKA 2:12

Hale ringkhuo asat chang na ranga ana kui hi ama rengram lian nale lur na ranga ani.

HEBRU 1:3

A ma ning Pathian lurna varna rakip le Pathian mi tak ha ama jiang a om hale Khrista ning ramuol a pumpui hi ama chong thouija a man om. A ma ning miringai siatna rakip ha a ngaidam suale vanram ma puma Pathian a kut chang tiang han ranak nei tak a a ong jui.

HEBRU 6:4

Ajarko vei khat an kan lum sa mingai ha hongan mo an lung an hong kan hei na rang an hong thui khir ret rang, Pathian va ralla an om jui; anmanin vanram kutchoi Thavang Thiang ha an mu va an lui jet jui.

1 PITAR 1:12

Pathian ning a luiti hiva rakip hi Pathian tashantheingai lian na ranga nimak nang ni ranga ani, anmani ning an lui ri, nang ni ning a tun nan jet ngai hi, vanram tenna Thavang Thiang ngai ning an hong choija hale Pathian tashantheingai ning an na manjet ani.

1 PITAR 2:9

Tak-ha nangni ha a jing kar tenna puma ama ning a var na han ana kui, puma ama alian na rakip ha nang ni ri ranga ana thang sa jat phung ha nan ni, puma ranga a ngir mingai ha nan ni.

2 PITAR 1:19

Hiva jarra keini ning a khel la chit lai masing Pathian, tashantheingai ning an lui ri ha nang ni nan lung a lut inko asat a nan jet rang ke, ajarko hivahi a jing karra mei var ning khua a varmaje a om anga ani, hale jing tianga khovar ning nan lung sunga a man var.