2 KORINTH 4:5 - Rabu Athar New Testament (BSI)

⁵ Keini ning kan tak rang jak a kan lui ri chang mak, tak-ha Jisu Khrista hi kan puma ani hale keini hi nan suak kan ni Khrista jarra.

2 KORINTH 4:5 ပူးပေါင်းရင်းမြစ်များ

MATHIU 23:8

Tak-ha nang niko, Rabbi tia man kan kuimaru, ajarko nan oja khat jak Khrista ha ani, hale nang ni nan renga ulenai, nan ni.

MATHIU 3:11

Nanlungthul ha jet na rang kein tuija baptais ka na man tho tak-ha, kanuk a ahong pako a lian ranaknei ani, kein a kekok choi rang tenna rahui nei making. A ma ningko, nang ni ha Thavang Thiang le meija baptais namantho nati.

JOHON 7:18

A ma a bing a ajek a maha ning a binga lianpui na ranga ahong ani, tak-ha ama ahong tirpu lianpui rang a hong a maha chong ajui. Hale adik lui chuan iom neimak.

TIRLON 10:36

Israel naingai jiang chong hi a hong tir tihi nang nin nan jet, tiko Jisu Khrista jarra lunghip na asat a chong ha an ria, a mako i rakip karra Puma ke.

TIRLON 2:36

“Hiva jarra nang nin Khros chunga nan that Jisu ha Pathian ning Puma le Khrista a man chang jui tihi Israelngai insung rakip in a thianga jet rase u.”

TIRLON 5:31

Israelngai jiang lim kan sir nale siat thiang na pek na ranga Pathian ning ama hi lamkei le san ringpa aman changa, aman a kut chang tiang han a dom sang jui.

1 KORINTH 1:23

Keinin Jisu Khrista ha khros chunga alui thi tia kan lui ri ha Jiwngai ranga lung thak na aluini, jatdangai ngai rang lam a nem na bui chong aluini.

1 KORINTH 10:33

Kein i rakip ka tho, mirakip lungdo man tung na ranga. Kei ka tak nem na ranga tho making mirakip nem na ka tho han anmanin ring na mu nanti.

1 KORINTH 12:3

Hiva jarra Pathian Thavang tenna chong ri mi khat ning Jisu hi kho khong amu ani ti ma che u, hale Thavang Thiang jarra Jisu hi Pathian nai ani ti om ti tor ma che u, tia kein nang ni jiang ka na manjet ani.

1 KORINTH 15:47

Ramuol simleia an sin ha ko, ramuol simlei anga ani rang ke, Vanram ma an sin ha ko vanram ma ahong anga anti rang ke.

1 KORINTH 2:2

Ajarko kein nan karra a thei lui anga ka lui om ma Jisu Khrista ha thing khros chunga a thina jak ha ka lui ri ani.

1 KORINTH 4:15

Nang nin Khrista jiang che na ranga lam a tam nan nei nom, nan pa ko tammak. Hiva jarra kein nan pa ka ni jui Jisu Khrista a chongsat jarra.

1 KORINTH 8:6

Keini rang ko Pathian khat jak ani kan pa Pathian ama ning phur rakip hi alui sin hale Jisu Khrista tenna i rakip alui kan sin hale kein in ama jiang kan om.

2 KORINTH 1:19

Ajarko pathian nai Jisu Khrista ama rui ha kein nang ni jiang ka lui ri. Kei le Silvanus hale Timothi ning o lui ti masing tak-ha pathian ning o ajot aluiti ani.

2 KORINTH 1:24

Keini hi nang ni chunga puma jiang takngai mak jotma kan ti changma, tak-ha nangni le ningsat tak a chuan thochun mi kan ni. Nan takngai na ha a det tiha kan jet.

GALATIA 5:13

Ajarko nangni hi na masua ranga ana kui ani, u le naingai nang ni jiang a na masua ha tak sa lung khop na ranga nei man maru tak-ha lungsiat a khat le khat chunga kan sanru.

PHILIPI 1:15

Aninnom mi aviar inko kansual kanse jarra, aviar inko an lung angar jarra Khrista chong hi an sem.

PHILIPI 2:11

hale, a pa Pathian lianpui na ha Jisu Khrista hi puma ani tia, chong rakip in risuak na nei nanti.

2 TIMOTHI 2:10

Hiva jarra pong na rakip hi kein ka lui dui Pathian ning ana thang sa mi khat anga, hale Khrista Jisu tenna a hong kum sot ring na ha an mu thei na rang le ama lianpui na ranga ani.

TITAS 1:11

Anmani ha an bairuk rang hi a suak jui, hiva mingai hi ning peisa khel la an dei jarra, manchu lui rang suak chong ha an man chu a insung atam lam an ve khui jui.

2 PITAR 2:3

Hale anmani ning an pham rai jarra anmani ning ani lui chong lal an oul rang ke phat sot tak a anmani ha chong jen ranga an hong karra an mang rang ke, a mong ti om noning.