2 KORINTH 10:7 - Rabu Athar New Testament (BSI)

⁷ Nan madon namo a om enru, tu khat ning Khrista anga ka om tia akan ngaidon aninko, ama han asunga avon sunga kan ngaidon de rase, ajarko keini om Khrista jiang ama a om anga kan om.

2 KORINTH 10:7 ပူးပေါင်းရင်းမြစ်များ

MATHIU 23:5

Tak-ha anmanin an chuan tho rakip ha mi ning an mu na rang an tho, an raka an man paklong hale an puan si om an manchualdun.

LUK NING A JIAK CHONGSAT 16:15

Jisu ning anmani jiang a ti, nang nin mi mit enna ko adik nankansa, tak-ha Pathian ning nan lung sunga a jet pet, miring mitenna a lian phur ngaiha, Pathian mit enna ko a sin tak ani.

JOHON 7:24

Maisua en innang chongtan maru, tak-ha adik tak han chong tanru.”

1 KORINTH 1:12

Kein ka jet, nang nin nanti ha, kei Paul jiang ka om, kein Apollos hale kei kephas jiang hale kein Khrista jiang ka om nanti.

1 KORINTH 14:37

Tu ang khat ning Pathian chong ri ka ni akanti aninko animakle thavang kutchoi ka nei ati aninko, kein nang ni jiang ka hong jiak chithi hi Pathian chong pek ani tia ngaidon rase.

1 KORINTH 15:23

Mirakip ning adon don na hong thui khir nanti ajarko Khrista ning a rapatak alui thui jui.

1 KORINTH 3:23

Hale nang ni hi Khrista jiang om ru, Khrista om Pathian jiang a om.

1 KORINTH 9:1

Keihi an na masua mi mo ni making? Kei hi tirlon mo ni making? Kan puma Jisu Khrista ha kila mu lui mo? Puma ranga nang ni jiang chuan kitho mo nimak?

2 KORINTH 10:1

Paul kei ning nangni jiang Khrista lung nem le lungdai han ka na mathem. Kein nan karra ka om lai man kan sin na ka lui om, tak-ha nangni tenna ka che le ko chongar ka ri.

2 KORINTH 11:18

Mi atam lam ning taksa lam hin ma kan lian na an nei kei om ka ni.

2 KORINTH 11:23

Anmani ha Khrista asuak mo anni? kei lam asat suak ha ka ni. Chuan tho hin kein ka khel ren inna a om kein ka khel, tel tor luia mol ka tong hale ka lui thi de deng.

2 KORINTH 11:4

Ajarko keinin Jisu Khrista chongsat kan lui ri ha niluia Khrista a dang khat ruia midang khat ning an ri nom, animakle Thavang Thiang a dang khat ha nan lui jui achang nom, animakle Pathian chong dang khat an lui ri aninko nang nin ningsat tak a lui jot peru.

2 KORINTH 12:11

Kein a pang khat anga ka om! Nang nin nan na manpang ani. A thianga nang nin keihi tirlon khat ani tia nan na ri selrang asuak kei Pathian tirlon ulian ka ni atingai ning an na khel na om mak. Kei ite om ka nimak nom,

2 KORINTH 13:3

Khrista ning kei jiang chong a ri tihi nan jet jui. Puma ko nangni jiang sual mak, tak-ha nangni jiang ranak a rat a a om.

2 KORINTH 5:12

keinin nang ni jiang kan kan risel retko nimak, ajarko an sunga kan en luia ma pal tiang jak en na aman kan lian mingai jiang nang nin keini ruia man kan lian deru hale chongsang torna neiru.

GALATIA 3:29

Hale nang ni Khrista jiang nan om aninko Abraham a naingai ha nan ni jui, hale Pathian a chong san ha nan mu rang ke.

1 JOHON 4:6

Tak-ha Keini ko Pathian ta ke kan ni, tu ang mi ning kan chong ri a ngai ha Pathian ta ke Pathian ta ani lui mi han kan chong ri ngai ma u. Hingahin thavang adik le dik lui hi keinin kan jet tor ani.