2 KORINTH 10:1 - Rabu Athar New Testament (BSI)

¹ Paul kei ning nangni jiang Khrista lung nem le lungdai han ka na mathem. Kein nan karra ka om lai man kan sin na ka lui om, tak-ha nangni tenna ka che le ko chongar ka ri.

2 KORINTH 10:1 ပူးပေါင်းရင်းမြစ်များ

MATHIU 11:29

Ka ringkolpel nan chunga siakru, hale kei jiang kan churu, ajarko kei ko ka nun a hui, hale ka lung a nem an khat om nang nin nan lunga pong kan sak na mu nanti.

MATHIU 21:5

Zion charjuarngai jiang tiru, “Enru nan rengpa nang ni jiang a hong; alungnem, hale sakuarkap a chuanga a hong.”

TIRLON 8:32

Hale a man iluipa chong thiang rabu mun ha hi ani, “Belramte ha that ranga an tuang ang han, animakle belram ning amul an eppema a ram lui anga; amannom a bai angmak.

ROM MINGAI JIANG PAUL NING A JIAK CHITHI 10:20

Han Isaia ning kan thi suak a alui ri, kei anatok luingain an na mu jui, kei jiang a na lam luingai jiang kei ning ka kando pe jui.

ROM MINGAI JIANG PAUL NING A JIAK CHITHI 12:1

Hiva jarra ulenaingai, nangni taksa ha ringpum ma, Pathian lungdo tung na rang an khat phur anga nina rang kei ning Pathian manrit na khan na nang ni ha ka na ri, hivahi nang ni thavang chuan ke.

ROM MINGAI JIANG PAUL NING A JIAK CHITHI 15:15

Han a dangjat mingai jiang kei hi Khrista Jisu a chuan tho mi na ni rang ke tia Pathian ning kei jiang ana pek manrit na jarra nang ni ha veikhat ka na ngaidon retle kan ruaia arui ajar aviar hi khel la lung lut a ka jiak ani.

1 KORINTH 2:3

Nan karra ka om lai asin na ka omma chit le kan ruaia ka lui kan nik.

1 KORINTH 4:10

Khrista jarra kei hi a pang ka ni jui, tak-ha nang niko Khrista jiang nan om hi nan ching, keini ko ranak nei masing tak-ha nang niko nan rat. Nangni ko mai pakna nan mu, keini lam enda ha kan mu.

1 KORINTH 4:21

Kei hi ija mo nang ni jiang hongro nanti? Kansual kanse le mo, animakle lung nemle a thiang Thavang le mo hongro nanti?

2 KORINTH 10:10

Mi ning anti paul chithi ko atam angar tak-ha a man kan karra a om le ko a nem, a chong ri ham i om nimak!

2 KORINTH 10:2

Khrista lung nem lungdai han ka na mathem ani. Kein ka hong karra chong a ngarra na man ri maru; keini hi ramuol la taksa lungdo a om ana ti mingai chunga kein chong a ngarra ka ri tor.

2 KORINTH 10:7

Nan madon namo a om enru, tu khat ning Khrista anga ka om tia akan ngaidon aninko, ama han asunga avon sunga kan ngaidon de rase, ajarko keini om Khrista jiang ama a om anga kan om.

2 KORINTH 11:21

Hiva ngaiha kei rang ko a shindet! ri ranga jak na a om. Tak-ha tu khat ning ite khat a aman kan lian aninko kei om apang anga chong lian ka ri thei.

2 KORINTH 11:30

Kein chong lian ka ri rang aninko kei ka sual na rakip jarra chong lian ka ri rang asuak.

2 KORINTH 12:5

A ma rahut a kein chong lian ri noning, kei ka sualna chong niluia.

2 KORINTH 3:12

Hiva jarra keinin a thianga hava lungdo ha kan nei, ranak neia kan om.

2 KORINTH 5:20

Hiva jarra keinin Khrista a rahut a chuan Pathian ning keini jiang ana man tho keini ning Khrista rahut Pathian le kan lungsiat khirna ranga kan ri ani.

2 KORINTH 6:1

Pathian jiang keinin chuan kan tho na hin ama ami lungsiat thei na phual ha a man buia ariampa ko manchang ma rei tia nangni jiang ka na ri ani.

2 KORINTH 7:4

Nang ni chunga kein lung ngam na ka nei, kein nang ni jarra man kan lian na ka nei, khodengthei ka luiduina rakip chunga lung khop na ka nei ka ning atam asat.

GALATIA 4:13

Nang nin nan jet, kei ka tak a salui jarra, ka nat jarra a rapatak nangni jiang Pathian chongsat ha ka lui ri ani.

GALATIA 5:2

Paul kein ka na manjet ani, nang nin vuntan ha nan la dei aninko Khrista hi nang ni jiang a nem na ite la om mak.

EPHESIA 3:1

Paul kei ning Jisu Khrista chongsat ruia jatdangai rahut a ren inn na ka om.

EPHESIA 4:1

Puma ama ruia ren inna ka om hi ka na manjet ani nangni hi ama han ana kui karra asat ringkhuo han lui om ru.

PHILIPI 4:5

Mirakip jiang lungtai ha doru puma a rak hong rang ani!

KOLOSIA 1:23

Vanram thuaija om phur rakip karra Paul kein nang ni jiang ka lui tho chuan rakip ha nan jet a chuan tho miha ka hong chang; chongsat ha nan jet a phut a dang takngai na khat a nan lung man che lai maru.

2 THESSALONIKA 3:17

Paul kei ning ka kut tak a ka jiak chithi chong hui ha ani: Hiva chithi chunga hin kein suai ka tho; Hingahin rong kein chithi ka jiak ani.

PHILEMON 1:19

“Paul kei ning hivahi ka kut tak a ka jiak ani” kei ning na male khier kati, tiko na tak khet in nom kei jiang tual lai ma che tina ani.

PHILEMON 1:9

hiva rahut lungsiat jarra Ulian khat kani nom Khrista tianga ren inn na om Paul kei ning nang jiang lam na ka na nei.

1 PITAR 2:11

Ka lungsiat ka sap ngai kein nang ni ha ka na mathem, ramuol chunga khual mi khat anga nan taksa ning a dei ngai ha pek maru, hava ngaiha phat rakip a Thavang ning a jot lui ngaiha ani.

MANJETNA 1:9

Johon kei hi Jisu Khrista a nuk jui nan u nan nai ha ka ni, kei hi nang ni le pong a dui suam hale, Pathian rengram hi khodengtheingai ranga ani; Kei hi Patmos tui sirra an na siak, ajarko, Jisu ning ana manjet, Pathian chong thiang ha ka lui ri.