Hijak niluia Epikura le Stojingai ching na thei na mingai le chong kan kherna aluinei. Mi alekning an hong ti; “Amur imanchokjel ha ning imo irijot?” Adangngai ning an hong ti, mi ramma Pathian ruia chongringai om a pua, ajarko a man Jisu an khat om ringkhir ruia a ri.
Han Athen na om mingai le ram danga khuol mingain chongthar an ri animakle an ngai hivajak hi an chuan an man changa, a dang ite khat sinluija om hi an dei.
Kein chingna theina ruia Pathian a jet mingai jiang ka lui ri, tak-ha hiva chingna hi ramuol la vaihomngai alian arangngai ranga chingna ha nimak. Ramuol la chingna ngai hako a mang so jui.
Ajarko hiva ramuol la ching na ngai hi puma jiang ko a nem na bui ani. Hingahin chong thianga alui kan jiak aching atheingai lungdongai rakip puman a churpet.
Vanram thaneithiangngai chubeibuk na rang lo man ha, tu khat innom nang niha na sut ma rase u; Hiva jarra a man a mu phur nuk juia a taksa lungdo han a man kan lian na rakip ha anemna bui rong alui ni.
Hiva jarra, ching le thei tak a omru, Khrista jiang ni luia ramuol chunga thavang satlui in miringngai chingna theina chunga, a nem na an man om miring manmang ranga chingna thei na tenna kan ning theiru.
U le naingai nan lung mandetru, hale kan na lui ri chong han aninom, chithi hin aninom, a tuan lai nan lui che na kan chong pek chongsat ha ko mak maru.
nang nin mingai jiang riperu, mingai ha amongtibui mirual mirual chong ngaile ani lui chong rochi ngaiha man ri maru. Ajarko, anmani ning Pathian lungdo ha tho ma u, hale anmani ning an tho jak ha adik tia an lui ani.
Hale adik man chu tianga lung lut, chong kan kher dei ngai ha, man chu tor, hiva man chu ngaihi, takngai jot mi khat chang na ta a det a ijui rang ani jui.
Tak-ha mi am chong ri, chong thon jel, kungle rel dei, kan sual kan se, dan chong ruia kan sual kan se, ha vangai kar tenna kan khelro, ajarko hiva rakip hi nemna bui ani.
Nang jiang ka na manjet ngaiha ngaidon khir taro, imo na jet ha juiro, na siatna ha mak nang na thui mak aninko kein a ruk anga ka hong rang ke, ka hong rang a pha nang in jet noni che.