1 TIMOTHI 3:6 - Rabu Athar New Testament (BSI)

⁶ A ma ning Pathian takngai a det khat ha ni rase, animak inko man kan lian na ta seitan ning siatna a chul anga ni nati.

1 TIMOTHI 3:6 ပူးပေါင်းရင်းမြစ်များ

LUK NING A JIAK CHONGSAT 10:18

Han Jisun anmani jiang alui ti, “Vanram tenna an phut kolkanlet anga seitannin ramuol la a hong chul kan mu.

1 KORINTH 3:1

A thianga ulenaingai kein nang ni jiang Thavang Thiang anei mi anga na ri making, tak-ha ramuol la a om mi Khrista jiang takngai na alasin nai pang anga ka na ri ani.

1 KORINTH 8:1

Atunko kut a sin Pathian jiang chakpek ruia kein in kan jet jui. Chingna theina ning thuaina mankanliana a na pek tak-ha lungsiat ning asat chuan na a na mankanson.

2 KORINTH 12:7

Hale kei jiang ana manjetna chunga a sanga chong lian chong lian ka ri mak na ranga ka tak sunga seitan ning ling khat ana pek jui, kei khodengthei nale chong lian ri mak na ranga ani.

1 TIMOTHI 3:7

A man biakrup va ralla a om mirakip ning chit jak, an nei mi ha chang rase, hi aninko ama siatna chang kot a chul noning.

1 TIMOTHI 6:4

A maha i om jet lui man kan lian na a om hale chong le chonga mi man kan sual a dei hale mi en lal, mi a man kan nok le a salui jak a ngaidon ha ani.

2 TIMOTHI 3:4

An na enda mingai lam san nan ta, man kanlian nan ta anmani ning ramuol hui na lam Pathian nek a an lung a la siat rang ke.

1 PITAR 2:2

Nai a chang thar naite ngai anga phat rakip a Thavang Thianga tui ral la in ranga om ru. Hivahi nan in karra nang nin nan hong lian rang ke, kan san ring na hi om nan nei rang ke.

1 PITAR 5:5

Hingahin nang ni nai pangngai ning om nan chunga mingai an duk lutru, nang ni nan renga khat le khat ning chitlejak tak a kan sanru, ajarko Pathian chong thiangin a ti, “A man kan lian ngaiha Pathian ning jot mak, hale a man kan sin ngai chunga Pathian ning a san.”

2 PITAR 2:4

Ajarko Thavang Thiang ten nom siatna an tho karra Pathian ning a hui lui mei khurra atir, hale chong jen ranga an ngak ngaiha Pathian ning a jing na mun na a siak.

JUD TENNA CHITHI 1:6

Ngaidon ru thaneithiangai tak om an om na hi a mong ti om mak, tak-ha anmanin a tor pu ama chong ha an ngai mak inko amongtibuia khit na ta ajing karra a thuaija siak nati, hale a tor pu puma ning anmani ha thaneithiangngai ha Puma ning a torna chongtan nikhuo han an manmang rang ani.