1 TIMOTHI 3:3 - Rabu Athar New Testament (BSI)

³ Ju rui lui, kansual kanse om lui, lung nem ni jai tat lui, hale peisa dei rei lui mi ani rang asuak.

1 TIMOTHI 3:3 ပူးပေါင်းရင်းမြစ်များ

MATHIU 21:13

A man hava mingai jiang a ti, “Hivahin alui kan jiak sake ani; kei ka inn ha lam na ranga inn anti rang ani, tak-ha nang nin arukngai om na lam nan manchang jui.”

TIRLON 20:33

Kein tu ang khat jiang om Ruphai Sana animakle Puan le diar ra ot making.

ROM MINGAI JIANG PAUL NING A JIAK CHITHI 16:18

Ajarko ha ang chat mi ngaiha keini kan puma Khrista a suak nima u, anmani ko an von rang jak ke, Hale an chong ri thei an chong hui han mi chamngai lung ha an huang ke.

EPHESIA 5:18

Hale ju inna rui maru nangni mang na rang ke, tak-ha Thavang Thiang ha nan sunga mansipru.

1 THESSALONIKA 5:14

U le naingai a tal mingai ham, a chit dop ngai ham, lung thok na tho peru, asual ngai ham sanru.

1 TIMOTHI 3:8

Hale biakrup a dikonngai om omchan asat mi ha ni rase u. Anmani ning ju in ma rase u, hale peisa tianga a tam ka ram ma rase u.

2 TIMOTHI 3:2

Mingai ning an tak jak ha an lung a kan siat rang ke, an karam rang ke, an man kanlian rang ke. Chong khel la khel rinan ta an nu an pa enda mingai ha an la hong ni rang ke.

TITAS 1:11

Anmani ha an bairuk rang hi a suak jui, hiva mingai hi ning peisa khel la an dei jarra, manchu lui rang suak chong ha an man chu a insung atam lam an ve khui jui.

TITAS 1:7

Ajarko, lamkai ha ning Pathian chuan tho mi ani jarra, a bing rang jak ngaidon lui, alungnem, ju ruilui, kansual kan se na nei lui, peisa tianga pham rai siat lui,

TITAS 2:3

Hingahin numei tar ngain nom an nun chan na Pathian chit le kan ruaija, siatna bule ju suak chang lui, asat tianga manchu thei an chang rang asuak.

TITAS 3:2

Tu khat jak chunga esella an ri mak na rang, ni jai tat ha man nimak na rang, mirakip chunga lunghip lung nem achang na rang ripero.

HEBRU 13:5

Peisa ruphai dei na ning ringkhuo chunga vaihom ma rase, na nei sa lep ha nan lungdo tung ha man changru. Ajarko Pathian ning a ti, “Kein nang ni ha na mak chil noning.”

JEMS 4:1

Kan suol nale kan jei na rakipngai hi nang ni karra hon na an phut a hong suok mo? Hava ha nan tak sa shunga nan thei jak rang dei le ngai tui khop na rang ral a tho chak an phut nimak mo?

1 PITAR 5:2

Belramngai sel ranga Pathian ning belramsel ranga nang ni jiang a na pek jui hale asat a en ranga hivahi Pathian ning nang ni jiang adei ani, han lung lut lui ko tho maru; nan chuan ha a man rang jak nima rase, tak-ha athianga lung lut a nan tho jot ha ni rase.

2 PITAR 2:3

Hale anmani ning an pham rai jarra anmani ning ani lui chong lal an oul rang ke phat sot tak a anmani ha chong jen ranga an hong karra an mang rang ke, a mong ti om noning.

JUD TENNA CHITHI 1:11

Anmani ranga pong khodengthei a om! Ajarko anmani ning ken a nuk lam an jui jui, Balaam chunga lam mo an lui pek, anmani ha ruphai an dei anga hava lam tiang an che jui, kora, ning a rang rat, mi sa mak anni jarra i mang pui ang han, anmani om an mang jui.

MANJETNA 1:9

Johon kei hi Jisu Khrista a nuk jui nan u nan nai ha ka ni, kei hi nang ni le pong a dui suam hale, Pathian rengram hi khodengtheingai ranga ani; Kei hi Patmos tui sirra an na siak, ajarko, Jisu ning ana manjet, Pathian chong thiang ha ka lui ri.