1 TIMOTHI 3:1 - Rabu Athar New Testament (BSI)

¹ Hivahi chong adik ani tu ang khat ning biakrup a lamkai achang jot aninko ama ning chuan sat ha atho jot ani.

1 TIMOTHI 3:1 ပူးပေါင်းရင်းမြစ်များ

LUK NING A JIAK CHONGSAT 15:10

Hingahin kei ning nang ni jiang ka na ri ani, siatnei nai khat ning an lung anthulha thaneithiangngai madonna ningsat na khat ani.”

TIRLON 1:20

Ajarko La, Rabu sunga a kan jiak; ‘ama a ram ha tu khat om om ma rase u, ram char chang rase miring om mak na nirase, hale ama chuan mun ha midangkhat in lui rase u.’

TIRLON 20:28

Puma thisen tak in a chok jui Pathian biakinn ha don na rang le vaina ranga, nang ni nan masia le nan renga rup rakip in nan lung manlutru; Thavang Thiang in hava rup rakip lam kairuai ranga nang niha a na manchang jui.

ROM MINGAI JIANG PAUL NING A JIAK CHITHI 11:13

Kei ning jatdangmi nang ni jiang kari ani, ajarko kei ko a dangjatngai ranga tirlon kini jarra kei ning ka chuan sin na ha manrit na ka nei.

EPHESIA 4:12

Mi thiang ngai ning puma chuan tho rang le biakrup man thiang thei na ranga puman a nei man ani.

PHILIPI 1:1

Jisu Khrista Suak Paul le Timothi Philipi biakrup hin a om lamkei Ulianngai, Jisu Khrista mi thiang rakip jiang,

1 THESSALONIKA 5:14

U le naingai a tal mingai ham, a chit dop ngai ham, lung thok na tho peru, asual ngai ham sanru.

1 TIMOTHI 1:15

Hivahi a thiang chong lam ani, tak kan ngai rang asuak a renga kan lui rang asuak Jisu ning ramuol la alui hong hi siat nei ngai san ring ranga alui ni. Kei hi siat nei tak ha ka lui ni.

1 TIMOTHI 4:9

Hiva chong hi a renga lui rang a suak hale takngai rang a suak ani.

2 TIMOTHI 2:11

Kei ning chong thiang ka na ri ani, keini ning ama le kan thisuam inko ama le kan ring suam ret rang ani.

TITAS 1:7

Ajarko, lamkai ha ning Pathian chuan tho mi ani jarra, a bing rang jak ngaidon lui, alungnem, ju ruilui, kansual kan se na nei lui, peisa tianga pham rai siat lui,

TITAS 3:8

Hiva chong hi takngai rang a suak, hiva chong lam rakip jarra Pathian takngai mi rakip in asat chuan ha an thoa an lung a lut na rang nang in asat ana ripe rang hi ka dei, hiva chongngai hi asat le nem na rang khat ani.

HEBRU 12:15

Pathian manrit na an phut tute nuk tiang an kir mak na rang, hale, ramsul a kha anga a hong kei sua a turin mirakip a man chok mak na rang kan ching theiru.

1 PITAR 2:25

Nangni hi belramngai ning lam jet luia an chei anga nan lui ni, tak-ha a tun nan belramsel a nuk jui ranga ana hong kui khir jui, hale nan Thavang ana sel pe pa ha ani.

1 PITAR 4:15

Nangni tu ang khat ning khodengthei na nan mu karra, mi that ke, mi ruk ke a satlui tho mi ke, hale midang ruia a pong ke kan ti maru.

1 PITAR 5:2

Belramngai sel ranga Pathian ning belramsel ranga nang ni jiang a na pek jui hale asat a en ranga hivahi Pathian ning nang ni jiang adei ani, han lung lut lui ko tho maru; nan chuan ha a man rang jak nima rase, tak-ha athianga lung lut a nan tho jot ha ni rase.