1 TIMOTHI 2:7 - Rabu Athar New Testament (BSI)

⁷ Hiva jarra kei hi Pathian chong sem ranga an na lui tir hale Jatdangngai karra oja anga an na lui man che ani. Pathian chong ri rang le adik tho rangle, takngai na ranga kein chong adik ha kari ani.

1 TIMOTHI 2:7 ပူးပေါင်းရင်းမြစ်များ

JOHON 7:35

Jiwngai anmani karra anluikanti, “Honmo achea keinin ama kan mu tor makrang? Jiwngai om na Grik khopuia a chea ihong manjet rang mo?”

TIRLON 14:27

Anmanin Antiok an hong tung han biakrup mingai ha an kuikhomma, Pathian in anmani le i kan ruaipuina, chuan ithopuina rakip, hale a dangjat mingai jiang takngai na lam hi Pathian in alongpejui tia anmanin anmani jiang an lui ripe.

TIRLON 22:21

Han a man kei jiang a ti, “Che taro ajarko kei ning nang ha hiva mun tenna a lak a om a dangjat mingai jiang ki na tir rang ke.”

TIRLON 26:20

A phut na tak-ha Damaskas mingai jiang, hale Jerusalemngai jiang le Jiw ram rakip, an khat om a dangjat mingai jiang, anmanin an lung anthulla Pathian tiang an hong kan hei rang hale an siatna tenna lung thulna an nei jarra chuan sat ha an tho rang tiruija kein ka lui ri.

TIRLON 9:15

Tak-ha Puman ama jiang a hong ti, Chero, ajarko amahi a dangjatngai, rengngai le Israel naingai an madonna kei kaming hi semrang rithang rang amahi kithang suaksa ki nei man rang ha ani.

ROM MINGAI JIANG PAUL NING A JIAK CHITHI 1:9

Ajarko kein lam na ka nei racham nang ni ha kana ngaidon chak tihi kein a pasalnai Khrista ruia ka lung lut a sepa kitho Pathian ning shakhi ani.

ROM MINGAI JIANG PAUL NING A JIAK CHITHI 10:14

Ha aninko anmanin takngai luia ama ha ijamo an kui rang? Hale an jet chil lui ama ha anmanin ijamo tak an ngai rang? Chong thiang ri pe luia anmanin ijamo an ngai rang?

ROM MINGAI JIANG PAUL NING A JIAK CHITHI 11:13

Kei ning jatdangmi nang ni jiang kari ani, ajarko kei ko a dangjatngai ranga tirlon kini jarra kei ning ka chuan sin na ha manrit na ka nei.

ROM MINGAI JIANG PAUL NING A JIAK CHITHI 15:16

Thavang thiang in iman thiangsa jatdangngai ha Pathian ning ana jot pe na rang kei ning thiampu anga Pathian asat chong ruia chuan ha ka tho.

ROM MINGAI JIANG PAUL NING A JIAK CHITHI 9:1

Kei ning Khrista a mi ka ni jarra adik ha kari, leisei ri making, Thavang thiang jarra kei adik dik lui jet na ka lung sunga keini le kan ruaia shakhi ka pek.

1 KORINTH 9:1

Keihi an na masua mi mo ni making? Kei hi tirlon mo ni making? Kan puma Jisu Khrista ha kila mu lui mo? Puma ranga nang ni jiang chuan kitho mo nimak?

2 KORINTH 11:31

Kan puma Jisu Khrista a pa pathian in phat rakip a phual a na pek leisei ni making tihi ama han a na jet.

GALATIA 1:16

Pathian ning keihi Khrista le ana man kan mu na ajarko, keihi jatdangngai jiang Khrista chongsat ri ranga ani. Kein tukhatle om lui kan siam making.

GALATIA 1:20

Kein ka hong jiak chithi hi chong dik ani, pathian ning a jet kei leisei ri making.

GALATIA 2:16

Jetru chuan sat chena dan ajui mihan Pathian jiang adik tak a om tor ma u, tak-ha Khrista jiang takngai na anei mi han ani, kein nom takngai na ka nei, Khrista jiang takngai ama han Pathian jiang a thianga a om tor. Chena dan ajui han nimak, ajarko chena dan ning kan taksa ten nom man thiang tor mak.

GALATIA 2:9

Pathian ning kei hi hiva chuan tho ranga ana pek jui, tihi pitar, Jems hale Johon ning om an jet. Hava jarra kei le Barnabas keini le kut kan tokna kan nei. Barnabas le kei ning Jatdangai ngai jang hale anmani ning Jiwngai jiang che rang hi kan lui kan jot.

GALATIA 3:9

Hiva jarra takngai na a nei mingai ha Abraham le phual an mu chun ani.

2 TIMOTHI 1:11

Pathian ning kei hi ama chong sem ranga le ama tirlon chang ranga ana hong tir jui.

2 PITAR 2:5

Pathian ning a tuan lai hin nom lui hoi mak, tuilian a hong ti ra Pathian jet luingai ranga, Noa a thei jak a le Pathian jet adik chuan tho mi sa ri jak ha an lui ring.