1 TIMOTHI 1:15 - Rabu Athar New Testament (BSI)

¹⁵ Hivahi a thiang chong lam ani, tak kan ngai rang asuak a renga kan lui rang asuak Jisu ning ramuol la alui hong hi siat nei ngai san ring ranga alui ni. Kei hi siat nei tak ha ka lui ni.

1 TIMOTHI 1:15 ပူးပေါင်းရင်းမြစ်များ

MATHIU 1:21

A man pasalnai khat nei nati, a ming ha nang in Jisu tinanti, ajarko, a man a mingai ha an siatna tenna hongsanring nati.”

MATHIU 18:10

“Kan ning theiru, ashinngai khat nang nin tak tel lui ha tho maru ajarko, kein nang ni jiang, vanram ma anmani thaneithiangain vanram ma om ka pa mai an muchak.

MATHIU 18:11

Ajarko Mi Pasalnai ha ning a mangshangai san ring ranga a hong.

MATHIU 20:28

Hi anga Mi Pasalnai ha ning a tak sepa man kan tho ranga i hong nima tak-ha a man misepa tho ranga ahong ani, hale mirakip masua na man ranga a ringkhuo akanpek ani.

MATHIU 9:13

Tak-ha che u nang hivahi itenna mo vakan chubakru; “Kein manritthei ha ka dei, hale phurkat ha dei making,” ajarko midikngai kuirang ka hong nimak tak-ha siatneingai lung thul na ranga ka hong ani.

MARK 2:17

Jisun hava a jet pha, anmani jiang, “Adamngai ranga thiampungai mak, tak-ha anatngai ranga a ngai ani. Kei asatmingai kui ka hong nimak, tak-ha siatna neingai kuiranga kahongke a ti.”

LUK NING A JIAK CHONGSAT 15:2

Han pharisingai le a dang dan ojangai ning an lui risiatjui, “Hivapahi ijarra mo siat nei ngai le bukheng iban chun?”

LUK NING A JIAK CHONGSAT 19:10

Mi Pasalnai han amangsangai tok ranga le sanring ranga ahong ani”.

LUK NING A JIAK CHONGSAT 5:32

Kei ning Pathian jet sa ngai ranga ka hong chang mak, tak-ha siatnei ngai lung manthul na rang ka hong ani.

JOHON 1:12

Mi a lek inko a maha tak an luingai jarra, Pathian naingai an chang theina ranga a man ranak alui pek.

JOHON 1:29

Khuo ahon var suale, Jisu ni ning Johon a kolla a hongha amu a alui ti, “Enru, ramuol siatna achoi Pathian alungnem belramteha hin a om,”

JOHON 12:47

Tu ang mi ning ka chong a jet, a jui lui miha, kein ama jiang chong tan noning. Chongtan rang kei ramuol la ka hong nimak, tak-ha, sanring ranga ka hong ani.

JOHON 3:36

Tu a chang innom a pasalnai takngai mi han kum sot ring na nei nati; tu a chang innom a pasalnai takngai lui mihan ring na mu noning, tak-ha Pathian lung nat ha a chunga om nati.

TIRLON 11:1

Atun jatdang mingai nom Pathian chong hi an tum jui tihi tirlonngai le Judia sunga a om mingain an jet jui.

TIRLON 11:18

Han anmanin chong hi an jet karra, an om chian na, Pathian ha alian na an mahok anti, Pathian ning a dangjat mingai jiang om limkansirna an neija ring na nei na rang a jot pe jui.

TIRLON 3:26

Pathian ning a rapa tak nang ni jiang ama asuak ha a hong man suak jui, nang ni nan ma sialna nan siatna jarra mirakipngai ha an lung an hongthul rang han nang ni ravansat na ranga ama ha a hong tir jui.”

ROM MINGAI JIANG PAUL NING A JIAK CHITHI 11:14

Ka tor aninko ka sap ngai, Jiwngai hi man kan ra ot a aviar hi san ring na ka man nei jot.

ROM MINGAI JIANG PAUL NING A JIAK CHITHI 5:6

Keinin siatna kan nei lai pha tak han, Khrista ning Pathian jet luingai ranga a thi jui.

1 KORINTH 15:9

Hiva jarra kei ko tirlon karra a sin tak ha ka ni. Tirlon ti a an na kuirang hi om ka rahui chang mak, ajarko kein Pathian biakrupngai ha ka lui manmang.

EPHESIA 3:8

Keihi mi thiangai karra asin tak kani nom tok a mu torlui rang Jisu Khrista a chongsat ha jatdangai jiang ana manri.

1 TIMOTHI 1:13

A che sa phat a kei ning ani lui chuan ka lui tho a chang innom, Khristianngai manmang rang ka lui ti nom, kein Pathian ha tak ka luingai mak in nom, Pathian ning kei hi ana lungsiat ka tho ngaiha lui kan jet making.

1 TIMOTHI 1:19

Hale nang in na lung ril la na jet ha takngairo, mi aviar ningko an lung ril la an jet ha tak an ngai lui jarra mang pui na lam an nei.

1 TIMOTHI 3:1

Hivahi chong adik ani tu ang khat ning biakrup a lamkai achang jot aninko ama ning chuan sat ha atho jot ani.

1 TIMOTHI 4:9

Hiva chong hi a renga lui rang a suak hale takngai rang a suak ani.

1 TIMOTHI 6:13

Pathian madonna hiva rakip hi tu i pek mo? Hale Jisu Khrista madonna tu ning mo ama chuan hi takngaija pontias Pilat madonna a tho?

2 TIMOTHI 2:11

Kei ning chong thiang ka na ri ani, keini ning ama le kan thisuam inko ama le kan ring suam ret rang ani.

TITAS 3:8

Hiva chong hi takngai rang a suak, hiva chong lam rakip jarra Pathian takngai mi rakip in asat chuan ha an thoa an lung a lut na rang nang in asat ana ripe rang hi ka dei, hiva chongngai hi asat le nem na rang khat ani.

HEBRU 7:25

Hale aman tu nom kum sot ama jiang an phut Pathian jiang a hong nan ta kum sot ring na a tho tor, ajarko ama kum sot aring chak jarra anmani ranga Pathian jiang a lam pe chak jui.

1 JOHON 3:5

Nang nin nan jet nan siat tho na rakip choi ranga, puma ning a hong kando jui ama chunga siatna i te om mak.

1 JOHON 3:8

Tu a chang innom siatna ala tho ala jui chak mi ha Seitan take ani, ajarko Seitan ko a phut na lai tenna siatna alui tho ani. Seitan chuan tho ngaiha manmang ranga Pathian pasalnai a hong kando ani.

1 JOHON 5:11

Hiva jarra keini kum sot ring na a na pek jui, hivahi a pasalnai tenna ring na a hong suak tia jet na ani.

MANJETNA 21:5

Hava suale reng ong na mun na a ong han a ti, “Atunko kei ning phur rakip hi ka man thar jui!” a man kei jiang om a ti “Jiakro hiva chongngai hi adik ani tia ngairo.”

MANJETNA 22:6

Han thaneithiang in kei jiang ana ti, “Hiva a hong ngaihi adik ani, takngairu, han Puma ning Pathian chong lui ri ngai jiang thavang a pek a mingai jiang sotluija, a hong suak rang chuan ngai ha a manjet jui.”

MANJETNA 5:9

Anmani ning la a thar khat an thoa an lui ti, “Nanghi hiva che chun long ranga rahui na ni, nang in thina na neija na thisen tenna jat rakip le phung rakip chong rakip a chok jui.