1 PITAR 5:5 - Rabu Athar New Testament (BSI)

⁵ Hingahin nang ni nai pangngai ning om nan chunga mingai an duk lutru, nang ni nan renga khat le khat ning chitlejak tak a kan sanru, ajarko Pathian chong thiangin a ti, “A man kan lian ngaiha Pathian ning jot mak, hale a man kan sin ngai chunga Pathian ning a san.”

1 PITAR 5:5 ပူးပေါင်းရင်းမြစ်များ

LUK NING A JIAK CHONGSAT 22:26

tak-ha nang niko hangahan nimak, tak-ha nang ni karra a liantak ning a sintak anga om rase, hale asin tak amaning aliantak ha ni rase”.

ROM MINGAI JIANG PAUL NING A JIAK CHITHI 12:10

Inn sung mi nikan lungsiat ang han, khat le khat kan lungsiatru; ankhat in an khat ha man kan ritru.

ROM MINGAI JIANG PAUL NING A JIAK CHITHI 13:14

Tak-ha nang nin Puma Jisu Khrista ha puan si diar kei anga kairu, hale taksa ning i dei ha man tung na ranga taksa rang var maru.

EPHESIA 5:21

Nangni khat le khat chitlejak a Khrista jiang man kan ritru.

PHILIPI 2:3

A bing rang jak a ngaidon, chong na pal ite khat tho maru, hava rahut a nan lung man rem in lang kei nek a dang mi ning an sat ke tia kan lui ru.

KOLOSIA 3:12

Nang ni Pathian mi ke nan ni, ama lungsiat jarra ami ranga ina thang jui ani, hiva jarra dui rat, lungsiat thei, mi lungsiat jet, manrit a khang rat ha changru.

1 TIMOTHI 5:1

Ulianngai ha ran maro, hale nang na pa tak anga ngaidonro, han na thuai tianga naipangai ha na nai pang tak anga thoro.

HEBRU 13:17

Nan lam kaingai chong jui le kan ruaia an chong na be ha juiru, anmanin an sepa tho na chung changa Pathian jiang an la pek rang ani jarra anmanin pong kan sak chil luia nan thavang chunga an na en chak ani, nang nin chong nan jui aninko anmanin ningsat tak chuan nan tho rang ani, hava ni luia an lunga ning dong pumma chuan an tho aninko nang ni ranga a nemna om noning.

JEMS 4:6

Tak-ha Pathian a na pek manrit na ha angar det jui. Ajarko chong thiang in hingahin a ti, “Pathian in a man kan lian ngai a enda, tak-ha a man kan sin ngaiha a manrit ani.”

1 PITAR 3:8

A torna hin nangni nan renga lung khat jak changru na u na nai anga lung kan siatru, Lunghip le lungdaija om ru.

1 PITAR 4:1

Khrista ning a taksa pong na ana dui pe jarra nangni ning om nan lung hi man ngirru, hale ral ranga puan ratuk tho taru, ajarko taksa hin pong na a dui ni han siatna rakip a mak tor rang ani.

1 PITAR 4:5

Anmani a ring ngai ning om a thi ngai ning om chong jenna phat han ko puma jiang an tho rakip ha an manjet rang ani.