1 PITAR 4:18 - Rabu Athar New Testament (BSI)

¹⁸ Chong thianga hingahin a ti, “Mi sat ngai rang om san ring na a tat, han ko, siatnei ngai rang ko ija mo ani ta rang?”

1 PITAR 4:18 ပူးပေါင်းရင်းမြစ်များ

LUK NING A JIAK CHONGSAT 15:1

Hiva rakip suale khasana chom, ngai le siatneingai ning Jisu chongngai ranga an lui hong.

LUK NING A JIAK CHONGSAT 23:31

Ajarko thing kung a ring lai hin hingahin an tho aninko, thing kung a char karako imo ani tarang?”

TIRLON 14:22

Thiamruaingai lung ha an man ngarra, an takngai na han om chak na ranga anmani ha an mathok an hong ti; “Atam lam pong khodengthei le kan ruaia kein in Pathian rengram han kan lut rang ani.”

TIRLON 27:24

Paul chit maro, ajarko Kaisar a madonna ningir rang a nijui, hale enro, nang le na kan ruaia rokuang a chuang mirakip ha Pathian nin nang jiang a na pek jui.”

TIRLON 27:31

Paul ning ralmi reakhat neipu le ral mingai jiang avati, anmanin rokuang sunga an om mak inko nang ni ha ringna om noning.

ROM MINGAI JIANG PAUL NING A JIAK CHITHI 1:18

Ajarko mi dik annimak jarra adik ha anda, Pathian oilui mishamak rakip chunga Pathian rang na ha vanram tenna an phuong.

ROM MINGAI JIANG PAUL NING A JIAK CHITHI 5:6

Keinin siatna kan nei lai pha tak han, Khrista ning Pathian jet luingai ranga a thi jui.

ROM MINGAI JIANG PAUL NING A JIAK CHITHI 5:8

Tak-ha, keinin siatnei mi kan ni lai tak han Khrista ning keini ranga ina thi pe hanna Pathian ning keini tiang lungsiat ana mu jui.

1 KORINTH 10:12

Hiva jarra aringjot ama han athi mak na ranga ngaidon ta rase.

1 TIMOTHI 1:9

Hivahi kan ngaidon rang a suak tiko dan hi misat ngai ranga an lui sin nimak, chong jui luingai mi that Pathian jet lui ranga an lui sin ani.

HEBRU 4:1

Atunko ama le pong kan sak suom na rang Pathian in keini pong kan sak na mun na lut na ranga chong shakhi a na mak pe jui, hale pong kan sak na mun tung rang tute khat in ama sial mak na rang kan ning thei ri.

JEMS 5:6

Hiva jarra nang nin mi dik ngaiha siatna nei anga nan that, hale a man i jum na jiat lai mak.

1 PITAR 5:8

Ka ning theiru, en chakru, nang ni ana manmang jot seitan ning a chea, nong sha ning a khek ang han a khek a om, tu ang khat manmang ranga a en na a om.

2 PITAR 3:7

Tak-ha a tunna a om ramuol hi ko Pathian ning meija ka tor rang ke tia ala om ani hingahin Pathian jet lui ngaiha chong jen nikhuo hin man mangranga asiak jui.

JUD TENNA CHITHI 1:15

Anmani rakip chongtan na rang le Pathian don lui rakip an tho na chuan rakip ruia siat nei ngai ning Pathian ruia esella an ri na chunga man dik mak na ranga a man a hong.