1 PITAR 4:17 - Rabu Athar New Testament (BSI)

¹⁷ Ajarko Pathian ning chong a jen na ranga phat a hong nai jui, hivahi keini tenna an hong phut aninko Pathian chongsat ha a jui luingai rang ko ija mo ani rang?

1 PITAR 4:17 ပူးပေါင်းရင်းမြစ်များ

LUK NING A JIAK CHONGSAT 23:31

Ajarko thing kung a ring lai hin hingahin an tho aninko, thing kung a char karako imo ani tarang?”

ROM MINGAI JIANG PAUL NING A JIAK CHITHI 1:1

Jisu Khrista suak, tirlon ranga an kui jui, Pathian Chongsat ha ri ranga an thang suak Paul kei hi ana thang suak jui.

ROM MINGAI JIANG PAUL NING A JIAK CHITHI 2:9

A satlui tho mirakipngai ning takngai rang rahut rangna le khodengthei na om nati, a rapatak Jiws jiang hale Grik jiang om nati.

GALATIA 3:1

O, a pang Galatia mingai! Nan madon tak a Jisu khrista ha khros chunga an that a om ha tu ning mo nan mitngai ha a na man vet pe jui?

GALATIA 5:7

Nang nin asat a nan lui om tu ning mo an na khap chuan sat le adik an jui ha?

GALATIA 6:10

Hiva jarra keinin phathui a om rakip hin chuan sat ha mirakip jiang tho tarei, achung chuanna takngaija a om Pathian mingai jiang tho rei.

2 THESSALONIKA 1:8

Jisu Khrista a chong jui lui mi ha ko mei chunga, Pathian tenna a laak a om nati.

1 TIMOTHI 3:15

Han kein ka hong sot aninko, nang ni jiang chong jiak na hin ka na hong manjet rang ke. Biakrup sunga ijamo kan om rang? Hivahi a ring Pathian in ha ani, adik ngai ngir thei na ranga ranak a om.

HEBRU 11:8

Pathian in Abraham ha a kui pha, a man a takngai jarra achong a juia, Pathian in a pek na ram ha a jonga ache jui, a man a tung rang mun ha lui jet chil luia a ram a mak jui.

HEBRU 2:2

Vanram thaneithiangngain chong an ri man tharra adik ando ani, hava chong jui lui mirakip tanti an mu rang ani.

HEBRU 2:4

Hava lai han Pathian in tho torna at om tak le a dang dang manjetna ngai ranak rat na han anmani chunga a tho de ani, hale a man a lungdo nuk juia Thavang Thiang kutchoi ha an chunga a sem de jui.

HEBRU 3:6

Aninom Khrista ha Pathian in sunga put ranga takngai jot nai an khat ani, keinin kan ngaidon na chunga tak kan ngai le kan ningsat na jak ha a torna tunga kan otit inko, keni hi a inn sung kan ni.

HEBRU 5:9

A ma irakip a lungdo tunga chuan a sin Suapha ama a tak a ngai rakip ranga irakip kan san ring na kung ha a chang jui.

1 PITAR 2:5

Jisu Khrista jarra Pathian jiang lut thei na ranga Thavang ranga kan pek theiru, a thianga Pathian chuan tho ha changru, nang ni nan taksa a ring lungpui anga Thavang Thianga in ha sinru.

1 PITAR 2:8

Chong thiang mun khat hin a ti, hiva lung hin mi kan lum na khat a man chang, ajarko anmani ning an kan lum na hin Pathian chong ha tak a luingai lui jarra ani, hiva ngai hi Pathian lungdo ani anmani ranga.