1 PITAR 3:8 - Rabu Athar New Testament (BSI)

⁸ A torna hin nangni nan renga lung khat jak changru na u na nai anga lung kan siatru, Lunghip le lungdaija om ru.

1 PITAR 3:8 ပူးပေါင်းရင်းမြစ်များ

MATHIU 18:33

Kein nang jiang ka na lungsiat anga, nang innom na sap suak nan chang suam jiang lungsiat tor noni che mo?

LUK NING A JIAK CHONGSAT 10:33

Hava suale ramchei che Samaritan mi an khat hava lam lian tiang han a honga a man mipaha a mu karra a lung asiatjui.

TIRLON 2:1

Pentikos nikhuo a hong tung pha han anmanin mun khat hin an renga an kanchun laitak,

TIRLON 27:3

Jing anga nikhuo han keinin Sidon mun han kan hong tunga Julia ning Paul ha manrit lungsiat a mua, ama asapngai jiang a chea an lung man hui pe na rang ama ha a masua jui.

TIRLON 28:7

An khat om hava ram ma om ram neipu ning keini ha lungsiat le manrit tak nithum khan a na lui man om.

TIRLON 4:32

Atakngai mirakip ning an lung le an thavang khat jak changa an lui om, hale tun nom an nei phur rakipngai ha kabing kaphurke luiti ma u, tak-ha mitam taranga an lui nei man.

ROM MINGAI JIANG PAUL NING A JIAK CHITHI 12:10

Inn sung mi nikan lungsiat ang han, khat le khat kan lungsiatru; ankhat in an khat ha man kan ritru.

ROM MINGAI JIANG PAUL NING A JIAK CHITHI 15:5

Lung kan rual le kan ruaia nangni khat jak changa keini kan Puma Jisu Khrista a pa ichang Pathian nom i chang ha manpak na ranga,

1 KORINTH 1:10

U le naingai kein Jisu Khrista minga ka na mathem hi nan renga na jot peru, nan karra kan senna a bing a binga om maru, tak-ha nangni lung khat changa ngaidon khat jak hin om ru.

1 KORINTH 12:26

Takruang khat ning a nat inko tak ruang rakip ning a nat an dui pet. An khat ning a ning asat karra an renga an ning aluisat.

EPHESIA 4:2

Lungnem, man kan rit, man kan sin le kan ruaia, lungsiat hin khat le khat chunga kan khangtheiru.

EPHESIA 4:31

Nang ni tenna lung tel lung hang enda, en lal lung nat rakip ha mak taru.

EPHESIA 4:32

Hale nang ni khat le khat chunga kan lungsiat nale kan ngaidam na neiru, Pathian ning Jisu Khrista tenna ina ngaidam anga kan ngaidomru.

PHILIPI 2:3

A bing rang jak a ngaidon, chong na pal ite khat tho maru, hava rahut a nan lung man rem in lang kei nek a dang mi ning an sat ke tia kan lui ru.

PHILIPI 3:16

Ha aninom, kan lon na lam han hangan han cheirei.

KOLOSIA 3:12

Nang ni Pathian mi ke nan ni, ama lungsiat jarra ami ranga ina thang jui ani, hiva jarra dui rat, lungsiat thei, mi lungsiat jet, manrit a khang rat ha changru.

HEBRU 13:1

Khrista minga ulenaingai a chang nangni ankhat le an khat kan lungsiat chakru.

JEMS 2:13

Ajarko lungsiat na nei lui mi ha Pathian in chong a tan pha han lungsiat mu noning tak-ha manrit na a nei mi han chongtan na ranga chit na nei lai noning.

JEMS 3:17

Tak-ha chung tianga ching na ha ko, ama sat tak a thiang hale lunghip dei, sap le jar chang hi ani; asat kan rol om chil luia, lungsiat nale chuan sat tho na ara a tam tak a sip jui.

JEMS 5:11

Anmanin anrat jarra ravansat tia kan kui. Job a dui rat ha nang nin nan jet jui, hale a torna Job ranga imo Pathian in a siak pe ham nan jet jui. Ajarko Puma manrit nale lungsiat na a sip ani.

1 PITAR 1:22

Nangni ning adik chong ha nan jui jarra nan man kan thiang jui, hale nang ni khat le khat adik khan na kan lungsiatru.

1 PITAR 2:17

Mirakip hi chitlejak neiro, na u na naingai ha lungsiat petro. Pathian hi chitlejak neiro, hale rengpa ham chitlejak neiro.

1 PITAR 5:5

Hingahin nang ni nai pangngai ning om nan chunga mingai an duk lutru, nang ni nan renga khat le khat ning chitlejak tak a kan sanru, ajarko Pathian chong thiangin a ti, “A man kan lian ngaiha Pathian ning jot mak, hale a man kan sin ngai chunga Pathian ning a san.”

2 PITAR 1:7

Nang ni Pathian nan jet han na u na nai anga asat a thoru. Na u na nai anga asat a na tho na han na lungsiat ha hap dero.

1 JOHON 3:14

keinin kan sua pui ngai kan lungsiat; han ko thina ha kan mak a ring na hin kan hong lut jui tihi kan jet. Tak-ha a u a nai a sua pui lungsiat lui mi ha thina ranak han ala om ani.