1 PITAR 3:4 - Rabu Athar New Testament (BSI)

⁴ Hava nek a ko nangni kan sin hei ngaiha nan lung sung tianga ruk a lunghip, lungdai Thavang ranga a mang torlui puansat tho ha ni ru, hivahi Pathian mit en na a man tam tak ani.

1 PITAR 3:4 ပူးပေါင်းရင်းမြစ်များ

MATHIU 11:29

Ka ringkolpel nan chunga siakru, hale kei jiang kan churu, ajarko kei ko ka nun a hui, hale ka lung a nem an khat om nang nin nan lunga pong kan sak na mu nanti.

MATHIU 21:5

Zion charjuarngai jiang tiru, “Enru nan rengpa nang ni jiang a hong; alungnem, hale sakuarkap a chuanga a hong.”

MATHIU 23:26

Pharisi mitdel kok lai le kheng ha ma pal tiang om a hongthiang na rang; a rapatak a sung ha man thiangru!

MATHIU 5:5

Lungnem mingai ha ravansat anni; ajarko simlei hi anta ranga ani.

LUK NING A JIAK CHONGSAT 11:40

Mipangai; mapal tiang asin Pathian han asung tiang om a sin mo nimak?

LUK NING A JIAK CHONGSAT 16:15

Jisu ning anmani jiang a ti, nang nin mi mit enna ko adik nankansa, tak-ha Pathian ning nan lung sunga a jet pet, miring mitenna a lian phur ngaiha, Pathian mit enna ko a sin tak ani.

ROM MINGAI JIANG PAUL NING A JIAK CHITHI 1:23

Anmanin Pathian lianpuina ha mang ajot, va pia vahai, akebuija alon miring lungdo angahan anmannijui.

ROM MINGAI JIANG PAUL NING A JIAK CHITHI 2:29

Tak-ha a lung sunga Jiw ani ha Jiw ani hale i kan jiak ha ni luia thavang a lung sunga vuntan ha Vuntan takbal ani; a maha an manpak ha mingai tenna nimak Pathian tenna ani.

ROM MINGAI JIANG PAUL NING A JIAK CHITHI 6:6

Siatna tak sa hi lamang nata kein in siatna suak ha kan chang mak na rang keini a luisa miha a male kan ruoija Khros chunga kan thi suam jui tiha kein in kan jet.

ROM MINGAI JIANG PAUL NING A JIAK CHITHI 7:22

Ajarko, ka sunga i om mi hava nuk juia Pathian ning chong atan rang jarra ka ning asat.

2 KORINTH 10:1

Paul kei ning nangni jiang Khrista lung nem le lungdai han ka na mathem. Kein nan karra ka om lai man kan sin na ka lui om, tak-ha nangni tenna ka che le ko chongar ka ri.

2 KORINTH 4:16

Hiva jarra keinin kan lung man sin masing. Kan taksa ning nikhat nikhat a ahong chaar nom, kan sunga a om Thavang ha ko nikhat nikhat a ahong kan son me men.

GALATIA 5:23

Lung nem ma a om, a tak a kan khit tor, hiva ngai jiang chena dan ning a jot lui ite khat om mak.

EPHESIA 4:2

Lungnem, man kan rit, man kan sin le kan ruaia, lungsiat hin khat le khat chunga kan khangtheiru.

KOLOSIA 3:12

Nang ni Pathian mi ke nan ni, ama lungsiat jarra ami ranga ina thang jui ani, hiva jarra dui rat, lungsiat thei, mi lungsiat jet, manrit a khang rat ha changru.

KOLOSIA 3:3

ajarko, nang nin nan thi jui, han Pathian tenna Khrista le kan ruaia nan ringkho ha a kan thup jui ani.

1 THESSALONIKA 4:11

Nangini ahip adaija om ma, nan chuan tho ha lung lut a thoru. Hale nan kut a chuan tho nang chakru tia a rapa lai kan lui ri jui.

2 THESSALONIKA 3:12

Hava mingai jiang Jisu Khrista minga kan ri ani. Anmani ha ahip adaija an ring na ranga chuan sin rase u.

1 TIMOTHI 2:2

Ajarko rengngai le a dang alian arang ngaile Pathian ning a man thiang mingai le ahip adai ringkhuo hin adik tak a om thei na ranga ani.

2 TIMOTHI 2:25

Ana en dangai ha duk lut a kan jot pui rang a suak, ajarko Pathian ning ama chunga lung thul thei na ranga in khar a long pe.

TITAS 3:2

Tu khat jak chunga esella an ri mak na rang, ni jai tat ha man nimak na rang, mirakip chunga lunghip lung nem achang na rang ripero.

JEMS 1:21

Hava a thiang mak le adik mak omchan rakip an phut tan deru. Pathian jiang lutru, hale a na san ring tor rang chong nan lung shunga luiru.

1 PITAR 1:23

Nangni hi a tharra nai chang ha nan ni juia mang ranga a che ni luia a mang torlui rang ha nan ni, hivahi Pathian chong nan jui jarra ani,

1 PITAR 3:15

Tak-ha na lung sunga Pathian ha a thianga siakro, hale chitlejak ha neiro, phat rakip a kan ning chakro, mi ning na chunga Jisu Khrista ranga na lungdo na nei ruia, an na dingkel karra ripe theiro.