1 PITAR 2:12 - Rabu Athar New Testament (BSI)

¹² Nan omchan ngaiha asat a om ru, Jatdangngai karra, han anmani ning adik lui nan tho tia an na ri siat in nom, nan chuan sat ha an mu karra Pathian a hong nikhuo han puma manpak nanti.

1 PITAR 2:12 ပူးပေါင်းရင်းမြစ်များ

MATHIU 10:25

Thiamruoi khat in oja anga, suak khat in a neipu anga anile a jot jui, anmanin inneipu ha Belzabul an tinko, ama a inn na omngai ha ko i duk a mel siat a an kui rang mo?

MATHIU 5:11

“Kei ruia mingai in an naran, khodengthei jak na, hale non tak nan chunga chong tam tak an narisiat ha ravansat nan ni, nang ni ha kei ka nuk jui nan ni.

MATHIU 5:16

Ha ang han nan var ha mingai mai kunga var rase, hale nan chuan sat tho ha an mu a, vanram ma nan Pa ha manpak na rang ani.

MATHIU 9:8

Hava hanna mitamin an mu pha, an ngak ban, hale miring jiang hi ang rarak a pek; Pathian ha an manpak jui.

LUK NING A JIAK CHONGSAT 1:68

“Pathian ha manpak tarei, Israelngai Puma ha a hong jui, a mingai pong khodengthei san ranga!

LUK NING A JIAK CHONGSAT 19:44

Hale nang le nasunga a om na nai le simleia na man kiakrang anni jui, na chunga lung khat ning lung khat chuanga anmanin man om lai noni u, ajarko Pathian ning nasan ring ranga mit en analut lai han nang jet lai mache.

LUK NING A JIAK CHONGSAT 6:22

Miringnai pasal ruia mi ning an na ma tir, asat an na beluingai nang ni ravansat nan ni!

JOHON 13:31

Juda ning a suak suale, “Jisun a ti Mi Pasalnai le Pathian lianpui na ha a tun amaten mu rang anni jui.

TIRLON 15:14

Simon ning arijui, hako, Pathian ning ama a ming ha a dangjat mingai jiang choi rang miha a masat anmani kar tenna a kui suokjui.

TIRLON 24:13

Atunhin anmanin kei an na enda jarra chong an ri rakip hi nang na mai kunga adik tak balke tia praman na pek tor noni u.

TIRLON 25:7

Paul ning a hong tung pha han Jerusalem tenna an hong Jiwngain a maha ankuoi tongjiak an ngirra ama chunga lung tok rang om tak praman ko pek tor luija chong tam tak an lui ri.

TIRLON 28:22

Aninnom nang na lungdo ha imo a om tia kan jet jot, ajarko hiva rup ruia mitam lam ning jot maua an jek tihi kan jet.

ROM MINGAI JIANG PAUL NING A JIAK CHITHI 12:17

Nang jiang a satlui an tho jarra, a satlui tianga ma le maro; mirakip mit en na asat ha tho torna ngaidonro.

ROM MINGAI JIANG PAUL NING A JIAK CHITHI 13:13

keinin sunna kan che ang han a adik lonrei, nun chan nei lui, ju rui, a rang siat, mi risiat le mi en lal ha tho ma rei.

ROM MINGAI JIANG PAUL NING A JIAK CHITHI 14:18

Hiva jarra Khrista jiang hangan i ngaidon amaha Pathian ning a lungdo a tung hale mi ning om an jot pe ani.

ROM MINGAI JIANG PAUL NING A JIAK CHITHI 15:9

Pathian dik na jarra Khrista ha vun tanngai chuan tho mi a man chang, a kan jiak sa anghin ani, “Hiva jarra kei ning jatdangngai karra nang ha ka na manpak rang ke.”

1 KORINTH 14:25

A lung ril la a om a salui ngaiha a hong kando rang ke hale a lu kun na ta ama han Pathian chubei a buk rang ke hale pathian hi nan karra a om tia a man ati rang ke.

2 KORINTH 1:12

Kein ka thuaitor nako hi ani. Kalungril la Pathian shakhi kachoi hale Pathian kan chella a thianga chuan ka tho ani, ramuolla chingna han ni luia Pathian ami lungsiat thei na jarra ani, kan omchan hi ramuolla kan lui dojui, a chung chuan na nang ni jiang ani.

2 KORINTH 13:7

Pathian jiang lamna kan na neipe nang nin siatna nan tho mak na ranga. Keinin lulian na kan nei jui ti ni luia, nangni adik ha thoru, keinin kan suai na a om nom.

2 KORINTH 8:21

Pathian madonna le miring madonna adik tak a nei man rang hi keini lungdo ani.

EPHESIA 2:3

A thianga keini om hava mingai angnga ramuol la lungdo nuk juia taksa lungdo rakip ha kan lui tho, taksa lingdo ngaiha ko keini khodengthei nale puma lung thok na alui chang.

EPHESIA 4:22

Atunko nangni chunga a salui nun chan ngai rakip mi en lal leisei chong, taksa ning adei rakip ha mak taru.

PHILIPI 1:27

Atun nang ni nan ringkhuo pal ha Khrista chongsat jarra asat a palru, kein ka honga nang ni le kan kan mu nom, kan kan mu mak in nom, nang ni lung khat jak nan chang a chongsat chunga takngai nan nei ha kan siam in lang, thavang khat jak nan ngir tihi kein ka jet thei na ranga om ru.

PHILIPI 4:8

A torna han u le naingai, asat phur manpak rang suak ha ngaidon ru: hale, adik nunchan sat, a thiang lungsiat chitlejak nei rang suak ha nan lung sunga omchak rase.

1 THESSALONIKA 4:12

Hingahin nang ni jiang Pathian takngai mingai ning chitlejak na nei nanti, hale mi jiang tok lui a ring tor nanti.

1 TIMOTHI 2:2

Ajarko rengngai le a dang alian arang ngaile Pathian ning a man thiang mingai le ahip adai ringkhuo hin adik tak a om thei na ranga ani.

1 TIMOTHI 4:12

Hale tu khat om man kan ea sel maro, nai pang na chang jarra, hale na chong ri ha na omchan na, na lungsiat han tak na ngai na han, a thianga man jetro.

1 TIMOTHI 5:10

Chuansat jak alui tho numei ha ni rase, hale a naingai ha asat a alui don numei, hale a pong mingai alui san na chuan sat jak alui tho numei alui ninko ama ha mei thai karra kan chel a jot.

HEBRU 13:18

Keini ranga lam na na nei pe chakru, pha rakip irakip kein in chuan adik ha kan tho jot tihi jet thei na ranga,

HEBRU 13:5

Peisa ruphai dei na ning ringkhuo chunga vaihom ma rase, na nei sa lep ha nan lungdo tung ha man changru. Ajarko Pathian ning a ti, “Kein nang ni ha na mak chil noning.”

JEMS 3:13

Nan karra aching a jet nan om mo? a man ching nale kan ruaia lung nem chaun sat ha tho sen lang, a ringkhuo omchan adik do rase.

1 PITAR 2:15

Hivahi Pathian lungdo ani nan chuan sat tho han mi pangngai ham om chian rase u.

1 PITAR 3:16

Nang in chitlejak neinang lung nem tak a thoro, hale na lung ha man thiangro, ha aninko anmani ning nang ha non tak an na pek karra Pathian nuk jui ngai jiang a satlui chong ri ngaiha an chong ri dan na jak na an mu rang ke.

1 PITAR 4:11

Tu ang khat ning chong thiang a ri jot inko Pathian chong thiang ha ri rase. Tu ang khat ning Pathian chuan a tho inko Pathian ning a pek a rat na rakip han chuan tho rase.

2 PITAR 3:11

Hingahin phur rakip mang rang ani jui, nang ni hi ho anga mi mo nan ni rang? Nan ringkhuo ngaihi Pathian jiang a thianga kan pek lutru.