1 PITAR 2:11 - Rabu Athar New Testament (BSI)

¹¹ Ka lungsiat ka sap ngai kein nang ni ha ka na mathem, ramuol chunga khual mi khat anga nan taksa ning a dei ngai ha pek maru, hava ngaiha phat rakip a Thavang ning a jot lui ngaiha ani.

1 PITAR 2:11 ပူးပေါင်းရင်းမြစ်များ

LUK NING A JIAK CHONGSAT 21:34

Nang ni kan ning theiru; nantak ha chak le nek, ju ruia, ija mo kan om rang tia nan lung man kan nok maru, hiva nikhuo hi jet lui thai lui a chang a man kan khit mak na ranga kan ningru.

TIRLON 15:20

Tak-ha, anmani jiang hinga hin tinnang chongsan che thuonrei, nang nin kut an sin Pathian jiang an khat rakip le tak kan chur torlui, hale kan khit that shale thi sen rakip havangai tenna a lak a omru.

TIRLON 15:29

Hava jarra, kut a sin Pathian jiang an khat rakip, le thisen hale ani ninga kan khit that sha, chak maru; hale lung kan chur torlui rakip tenna a lak omru, hiva rakip hi nang nin asat nan tho aninko nang in iranga asat ha ninati, “Nang ni jiang a hui ha ni rase.”

ROM MINGAI JIANG PAUL NING A JIAK CHITHI 12:1

Hiva jarra ulenaingai, nangni taksa ha ringpum ma, Pathian lungdo tung na rang an khat phur anga nina rang kei ning Pathian manrit na khan na nang ni ha ka na ri, hivahi nang ni thavang chuan ke.

ROM MINGAI JIANG PAUL NING A JIAK CHITHI 7:23

Tak-ha ka lung in i jot dan chong pek ha a enda va an kan sual, ka tak sa sunga a om siatna chong pek nuk jui a ren inn sunga kei ha an na hong tuang ha ka sunga ka mu.

ROM MINGAI JIANG PAUL NING A JIAK CHITHI 8:13

Ajarko nang nin taksa lungdo nuk juia nan ring aninko nan thi rang ke, tak-ha thavang jarra nang ni taksa chuan ha nan man thi aninko ring na nan mu rang ke.

2 KORINTH 5:20

Hiva jarra keinin Khrista a rahut a chuan Pathian ning keini jiang ana man tho keini ning Khrista rahut Pathian le kan lungsiat khirna ranga kan ri ani.

2 KORINTH 6:1

Pathian jiang keinin chuan kan tho na hin ama ami lungsiat thei na phual ha a man buia ariampa ko manchang ma rei tia nangni jiang ka na ri ani.

2 KORINTH 7:1

Pathian ning keini jiang chongsan na alui nei ha kan mu jui, ka lungsiat ngai keini kan tak le kan thavang a man chok rang rakip ha man thiang tor hale Thavang a Pathian ha chit da om ru.

GALATIA 5:24

Atunko Khrista jiang a om ama ha taksa ning a dei ngai rakip ha khros chunga a that pet jui.

EPHESIA 2:19

Jatdang naingai nangni Pathian varal la a om mi ha nilai ma che u, tak-ha atunko Pathian inn sunga a om Pathian nai nan ni jui.

EPHESIA 4:1

Puma ama ruia ren inna ka om hi ka na manjet ani nangni hi ama han ana kui karra asat ringkhuo han lui om ru.

2 TIMOTHI 2:22

Rualthar khat changa nan dei ngaiha makru, ajarko chuan sat le takngai le lungsiat le lunghip na neiru, Puma ning a kui alung thiang mingai hale kan ruairu.

HEBRU 11:13

Hiva mingai rakip hi takngai na jarra an thi jui, tak-ha Pathian chong shakhi ha lui tum ma u, ha an in nom a lak tak anmuphak han an lui ani, hale ramuol la hin khual mi anga kan ni tihi anmanin an kan jet.

HEBRU 6:9

Tak-ha ae, lungsiat sap le jar ngai kein in hiva tunga kan lui ri jui aninom, nangni ranga ko jet thiang na kan nei jui, tiko ravansat nale, kan san ring na ha dan ta ani jui tihi keinin kan jet.

JEMS 4:1

Kan suol nale kan jei na rakipngai hi nang ni karra hon na an phut a hong suok mo? Hava ha nan tak sa shunga nan thei jak rang dei le ngai tui khop na rang ral a tho chak an phut nimak mo?

1 PITAR 1:1

Jisu Khrista atirlon Pitar ning Pontas, Galatia, kappadosia, Asia hale Bethania hin a om Pathian ning a thang mingai ning an thei an theia an lui om lai,

1 PITAR 1:17

Nangni ning Pathian jiang nan lam karra a pa nanti, ama ning mirakip hi a kan ang rip a atho, nuk juia chong ajen karra hin nom ramuol la nan om lai lim Pathian ranga a thianga om ru.

1 PITAR 4:12

Ka lungsiat ka sap ngai nang ni ngak maru, pong nale khodengthei na nan mu karra hale nang ni jiang om hui mak na a suak karra.

1 PITAR 4:2

A tun na a om nang ni jiang a om ringkhuo ha miringngai ning atun an ring anga ni luia Pathian lungdo han ring na ranga ani.

2 PITAR 3:1

Ka lungsiat ka sap ngai hivahi nang ni jiang atun veini tung na chong ka hong jiak ani, ka che jiak anni nihin kein nang ni lungai hi man thiang na ranga hale nan lung khat jak a ka na man ngaidon ani.