1 PITAR 2:1 - Rabu Athar New Testament (BSI)

¹ Ajarko nangni a satlui rakip, ani lui ngaidon rakip, asat kan rol rakip mi ka lal hale a satlui chong jek rakip bang taru.

1 PITAR 2:1 ပူးပေါင်းရင်းမြစ်များ

MATHIU 15:7

A sat kan rol ngai, Isaia ning nang ni ruia asat alui ri a a ti.

MATHIU 23:28

Hi ang hin nang nin ma pal tiang ko mingai jiang, mi dik ang han nan man kan mu; tak-ha a sunga ko asat kan rol le dan chong jui lui ning ashiptit.

MATHIU 24:51

Hale ama ha abobong tan nati, hale asat kan rol ngai le ama a tum ha manmusuom nati, hava han chap le harialna chang nati.

MATHIU 7:5

A sat kan rol nang in a rapa na mit chok ha peibakro; hava suale nang in na u nanaingai mit ekchok om ha a thianga mu nati.

MARK 12:15

Khasana kan pek rang mo, kan pek lui rang mo? Namanjetro, anti. Tak-ha Jisun anmani sat ankanrolha a jet, anmani jiang, “Irangamo nan na en sin peisa an khat hongluiru enrong,” a ti.

LUK NING A JIAK CHONGSAT 11:44

Nang ni ranga ning dong a om! Nang ni ko mu lui than anga nan ni, ajarko mingain than chunga an lui che jet chil lui a.

LUK NING A JIAK CHONGSAT 12:1

Hingahin milishing lishing an kan chun na anomlaihan, Jisu ning a thiamruoingai jiang a ti, nang nin pharisingai tenna kan ning theiru; anmaningai ha asat kan rol anni.

LUK NING A JIAK CHONGSAT 6:42

Namit sunga a om a chok ha kelluia ija mo na u nanaingai mitsunga a om a chok ha na kel pek ati natitor? A sat kan rol jot ngai nang ni a rapatak kankel bakru, hava suale nang nin na u nanaingai mitda a om a chok ha na mu rang ani.

JOHON 1:47

Jisu ning Nathanael a kolla ihong ha alui mua ama chung changa chong alui ri, “Enru, adik tak Israel ngaimi khatso, a chunga adik lui ite khat om mak.”

ROM MINGAI JIANG PAUL NING A JIAK CHITHI 1:29

Adik chuan tho lui, a satlui, pham rai siat, mi en lal, mi risiat, mi thatjot, mi vejot, leiseiri, lung thak na chuan ning a sip mi rui ri kan sual kan se an lui nei.

1 KORINTH 14:20

Ulenaingai nan lung sung nai pang anga om maru; a salui chuan na nai pang ni ru tak-ha na lunga ulian ni ru.

1 KORINTH 5:8

Keinin ningsat a ut ha thotari, a tunna a satlui siat nale an tho ut anga nima rase, lung thianga adik tak a, ningsat na ut ha tho rei.

2 KORINTH 12:20

Kein ka chit, ka hong karra nangni hi kei ngaidon anga lui nimak a jot hale kei om nang nin nan ngaidon anga lui nimak a jot, nan karra kansual, kanse, kan en lal, pham rai kan ri siat, kan matek asalui rakip ha lui om a jot.

EPHESIA 4:31

Nang ni tenna lung tel lung hang enda, en lal lung nat rakip ha mak taru.

1 THESSALONIKA 2:3

Ajarko keini jang a om thavang rat na, hale nang ni jiang kan ri chongsat rakip ha adik lui tenna nimak.

1 TIMOTHI 3:11

An mu mei ngaiha omchan sat ha ni rase u an murtam ma rase, hale chuan rakip a lung thianga ngam na a jot mi ha ni rase u.

TITAS 2:3

Hingahin numei tar ngain nom an nun chan na Pathian chit le kan ruaija, siatna bule ju suak chang lui, asat tianga manchu thei an chang rang asuak.

HEBRU 12:1

Keini ranga takngai na jet thei na ranga sakhi lian atam tak in kan sir kan panga a na tan jui ani. Siatna a o tit na rang om a lam rakip kan nok na ngai deng jaun pet innang, kan madonna a om kan lungdo mun tiang jong innang risiat tho innang tanrei.

JEMS 1:21

Hava a thiang mak le adik mak omchan rakip an phut tan deru. Pathian jiang lutru, hale a na san ring tor rang chong nan lung shunga luiru.

JEMS 3:14

Tak-ha na lung shunga sat mak, pham rai siatna a om inko, man kan lian maru, hale adik chunga leisei tho maru.

JEMS 4:11

U le naingai, nang ni an khat le an khat kan risiat tho maru. Tu a chang innom a u anai a ri siat mi ha dan chunga chong a tan ani. Nang nin dan chunga chong nan tan a chang inko nang ni dan ajui ha ni lai ma che u.

JEMS 4:5

Pathian in kan shunga a na siak pe thavang ha adik khan na lungdo a nei ani; anti. Chong thiang ha i om ni lui a nan ngaidon mo?

JEMS 5:9

U le naingai, an khat le an khat kan ri siat maru! Hi aninko Pathian in nan chunga chong tan noning: chongtan rang phat a hong nai jui.

1 PITAR 2:16

Mi thiang khat anga nang ni hi a rong a om ru. Tak-ha a rong a na om ha siatna tianga ko nei man maro han Pathian a suak khat anga omro.

1 PITAR 2:22

A ma ning siatna lui tho mak ani luia satlui ite khat a murra a suak lui mu ma u.

1 PITAR 3:10

Ajarko a ringkhuo a lungsiat hale phat hui amu jot ama ning a mur ha kan khap rase.

1 PITAR 4:2

A tun na a om nang ni jiang a om ringkhuo ha miringngai ning atun an ring anga ni luia Pathian lungdo han ring na ranga ani.

1 PITAR 4:4

Atunko Pathian jet luingai ning pum ngak an ngak jui, han mi ning an ngaidon rakip nan tho pui lui jarra nang ni lam ha non tak an na pek jui.

MANJETNA 14:5

Anmani ha adik lui tho ma u, leisei hi lui jet ma u,