1 PITAR 1:3 - Rabu Athar New Testament (BSI)

³ Keini puma Jisu Khrista a pa Pathian ham kan manpak, puma ama ning ana lungsiat thei jarra, a thi ngai karra Jisu Khrista ning a hong ring khir jarra, ringkho thar ana pek a hivahin keini hi ring na ranga lungdo a na pek jui.

1 PITAR 1:3 ပူးပေါင်းရင်းမြစ်များ

JOHON 1:13

Anmani ngaiha ko miring ngai omchan nukjuia taksa le thisennai ni mau, Pathian lungdoa naichang Pathian jak ha an pa anijui.

ROM MINGAI JIANG PAUL NING A JIAK CHITHI 12:12

Nan ngaidon lungdo ha jet chiak ningsat na neiru, pong na pha han a dui ratru, hale a pha rakip lam na neiru.

ROM MINGAI JIANG PAUL NING A JIAK CHITHI 15:13

Thavang thiang ranak han nang ni jet chichiak nan lungdo ha hong khel na ranga Pathian ning nan takngai na ha ningsat nale lunghip na rakip nangni ha na mansip rase.

ROM MINGAI JIANG PAUL NING A JIAK CHITHI 4:25

Jisu ha keini kan siatna jarra an pek jui hale keini ha mi dik chang na ranga a ring khierjui.

ROM MINGAI JIANG PAUL NING A JIAK CHITHI 5:10

Ajarko kein in ama le kan enda na kan nei lai han ama a pasalnai ha ana thi pe jarra keini ha Pathian le veikhat a na man kan jot jui; ana man kan jot jarra keini ha veikhat ama ringna mun han na san ring nati.

ROM MINGAI JIANG PAUL NING A JIAK CHITHI 8:11

Ha an in nom Jisu ha a thi ngai kar tenna i man ringkhir ama thavang ha ning nang ni jiang a om aninko, Khrista Jisu ha a thi ngai kar tenna a ringkhir ama ning nang ni jiang a om ama thavang jarra a thi rang suak kan taksa ha na manring pe nati.

ROM MINGAI JIANG PAUL NING A JIAK CHITHI 8:24

Ajarko keinin kan jet chiak kan ngaidon jarra a na san ring jui, tak-ha mubak ngaidon ha jet chiak ngaidon ha nima; ajarko ama ning a mu jarra jet chiak ngaidon na nei nati mo?

1 KORINTH 13:13

Hingahin lungsiat, takngai, lungdo an thum sunga alian chung nung ko lungsiat ha ani.

1 KORINTH 15:20

A thianga pathian in Khrista ha thina tenna a kei thui jui. Khrista ning athi ngai karra a rapatak athui ha ani jui.

2 KORINTH 1:3

Kan puma Jisu Khrista a pa Pathian ha manpak tarei, mi lungsiat puma Pathian ama tenna phual rakip alui hong.

GALATIA 6:16

Hiva chong lam a jui mirakip jiang Pathian lungsiat le lunghip ha pathian nai Israelngai jiang sip rase.

EPHESIA 1:17

Jisu Khrista pa Pathian jiang kein ka lam, a man Thavang Thiang na pek nata chingna nei nanti hale Pathian ha nangni jiang hong kando na ta jet nanti.

EPHESIA 1:3

Pa Pathian Jisu Khrista a pa amaha man pakru. Jisu Khrista tenna keini hi Thavang lam ma phual rakip ramuol hin ana pek jui vanram anga.

EPHESIA 1:7

Jisu Khrista thisen han keini anatan ring jui puma lurna le ana lungsiat theina han kan siatna rakip hi ana ngaidam jui.

EPHESIA 2:4

Tak-ha Pathian ning kan chunga ina lungsiat na hi a mongti om mak.

EPHESIA 3:20

Puma ama ranak han kan sunga a om kan lui ngaidon phak lui tho torlui rakip ha kan tho tor jui.

KOLOSIA 1:23

Vanram thuaija om phur rakip karra Paul kein nang ni jiang ka lui tho chuan rakip ha nan jet a chuan tho miha ka hong chang; chongsat ha nan jet a phut a dang takngai na khat a nan lung man che lai maru.

KOLOSIA 1:27

Pathian ning hiva chong ruk hi jatdangngai jiang a manjet jot, nangni hi Khrista ranga lianpui na ha nan ni.

1 THESSALONIKA 1:3

Nang nin Pathian madonna takngai na iduk mo nan nei, hale chuan ha adik khan na nan tho hale Jisu Khrista jiang nan siak lungdo ha a det tia kein in kan ngaidon.

1 THESSALONIKA 4:13

U le naingai adik tak a kan na manjet jot, nang nin a thisa mingai ranga ning dong na nei maru anmani ko lungdo ha om lui ha an ni jui.

2 THESSALONIKA 2:16

A tunko puma Jisu Khrista le pa Pathian lungsiat na han amongtibui ningsat nale lungdo tung na han.

1 TIMOTHI 1:14

Puma ning kei chunga amongtibui lungsiat ha ana pek jui, Khrista Jisu le kan chun thei na ranga lungsiat le takngai hi keini ranga ani.

TITAS 2:13

Hiva jarra Pathian ni khopui keini na san ringpa puma Jisu Khrista lianpui na a thianga ana man mu rang ha ravansat ha kein in kan mu jui.

HEBRU 3:6

Aninom Khrista ha Pathian in sunga put ranga takngai jot nai an khat ani, keinin kan ngaidon na chunga tak kan ngai le kan ningsat na jak ha a torna tunga kan otit inko, keni hi a inn sung kan ni.

JEMS 1:18

A kut sin rakip karra keini ara ma sat tak-ha kan chang thei na rang, chong dik han a lungdo tak keini ha a na hong tuong jui.

1 PITAR 1:13

Hiva jarra ring na ranga nang ni ning nan lung kan chur theiru ajarko Jisu Khrista a hong karra nan chunga phual a na pek rang ke.

1 PITAR 1:21

A ma tenna nang ni ning Pathian ha takngairu, ama ning a thi tenna alui kei thuija ama lianpui na aluipek, hava jarra nan takngai nale nan lungdo ngaiha Pathian jiang siakru.

1 PITAR 1:23

Nangni hi a tharra nai chang ha nan ni juia mang ranga a che ni luia a mang torlui rang ha nan ni, hivahi Pathian chong nan jui jarra ani,

1 PITAR 2:2

Nai a chang thar naite ngai anga phat rakip a Thavang Thianga tui ral la in ranga om ru. Hivahi nan in karra nang nin nan hong lian rang ke, kan san ring na hi om nan nei rang ke.

1 PITAR 3:15

Tak-ha na lung sunga Pathian ha a thianga siakro, hale chitlejak ha neiro, phat rakip a kan ning chakro, mi ning na chunga Jisu Khrista ranga na lungdo na nei ruia, an na dingkel karra ripe theiro.

1 PITAR 3:21

Tui han hava anga jet thei na ha ani. Ti ko baptais nan tho jarra san ring na nan mu jui, taksa a chok ha man thiang na rang jak nimak, Jisu Khrista a hong ringkir jarra ani, Pathian jiang adik dik lui jet na ranga lungdo a tok ha ani.

1 PITAR 3:5

Ajarko hingahin a tuan lai Pathian a jet a alui om numeingai ning ngom an pasalngai thuaija an lui om ma an duk an lut a asat an lui om.

1 JOHON 2:29

Khrista ko mi dik ke ti a nang nin nan jet, hava jarra adik tho rakip ha tu a chang innom Pathian nai ke anni.

1 JOHON 3:3

Khrista ning a thiang ang han tu a chang innom Khrista ha lungdo a nei mi ha, ama a bing jak kan rasuk thiang rase.

1 JOHON 3:9

Tu ang ning Pathian nai a chang sa mi han siatna han om khir lai noning, han a man siatna tho ret lai noning, ajarko Pathian ha a pa a chang jui a chunga Pathian a om chak.

1 JOHON 4:7

Ka sap manritngai, Keini khat le khat kan lungsiat rei, ajarko lungsiat hi Pathian tenna ani, tu ang mi khat ning lungsiat a nei mi ha Pathian nai le Pathian jet ha anni.

1 JOHON 5:1

Tu a chang innom Jisu hi Khrista ke tia takngai mi ha Pathian nai ke anni, Pathian lungsiat miha anai ham a lung a siat.

1 JOHON 5:18

Pathian mi a chang sa miha siat nan jom lai noning tihi kein in kan jet, ajarko a satlui an khat han ama siatna a chul mak na rang Pathian pasalnai han a san ring ani.

1 JOHON 5:4

Ajarko Pathian naingai rakip ning ramuol hi ral an tor thei ani, keini takngai le kan ruaija ramuol hi kan tor jui.