1 KORINTH 4:7 - Rabu Athar New Testament (BSI)

⁷ Tu ning mo nang ni ha nan kan khel anti? Nang ni jiang a om rakip ha pumman ana pek mo nimak? Ijarra mo Pathian kutchoi ha nan mu bak hin a mu lui anga nan om?

1 KORINTH 4:7 ပူးပေါင်းရင်းမြစ်များ

LUK NING A JIAK CHONGSAT 19:13

A man a che tiang han a suak som ngaiha akuia anmani jiang sana peisa som alui pek a ti, “Kein kava kan le mak kar je hivahin lal luiuolru”.

JOHON 1:16

A ma, manritna chung changa a khella manrit naham keini rakip in kan tum jui kan mu jui.

JOHON 3:27

Johon nin a sang, “Chungvanna an phut Pathian in ihongpek ni lui a mi ha ning i om tho tor noning.”

ROM MINGAI JIANG PAUL NING A JIAK CHITHI 1:5

A ma jiang tenna keinin ama a ming ha jat rakip karra takngai na rang le chong jui manchang na rang manrit nale tirlon chuan ha kan tum jui.

ROM MINGAI JIANG PAUL NING A JIAK CHITHI 12:3

Nang ni nan renga nan tak in, kei ko ka jet ka thei tia na tak in i kan jet nek khel la ngaidon mak na rang; tak-ha mirakip jiang Pathian ning ina pek takngai dan han an lung an kan churra om na rang, kei jiang ina pek manrit na jarra ka na ri ani.

ROM MINGAI JIANG PAUL NING A JIAK CHITHI 12:6

Hale keini jiang ina pek manrit na han kutchoi dadang ka nei manrang, Pathian chong ri kan ni anin nom, kan takngai na dan nuk juia rirei.

1 KORINTH 15:10

Tak-ha kein hingahin ka om hi Pathian a mi lungsiat thei jarra ani. Kei chunga a na lungsiat na rakip hi a man bui ko nimak, hiva rahut a a dang tirlonngai nek a kein a khel la chuan ka tho. Kei ka tho chang mak, puma a mi lungsiat ha kei jianga a om jarra ani.

1 KORINTH 3:5

Apollos ha i rang mo ani? Paul ha tu rang mo ani? Pathian in a na man tho nuk jui a ama chuan ha kan tho hale nang nin takngai na nan nei.

1 KORINTH 5:6

Nang nin man kan lian maru. Dei rang om lui omchan aviara a renga a man kanset tiha nang nin nan jet mo nimak?

1 KORINTH 7:7

A thianga nang nin kei anga nan om rang hi ka dei, tak-ha Pathian kutchoi mirakip jiang alui kan khel.

JEMS 1:17

Kutchoi pek asat rakip le lungdo kutchoi pek rakip vanram an phut a hong ani; hava ha vanram ma varngai a sin Pathian na an phut a hong ani. A man var ngaiha thul chil lui a man jing luia a man var.

1 PITAR 4:10

Nang ni rakip ning kutchoi nan mu nuk juia Pathian chuan tho tianga kutchoi ha ni ru.