1 KORINTH 3:6 - Rabu Athar New Testament (BSI)

⁶ Kein thing kung ka ling, Apollos ning tui a chai, tak-ha Pathian ning a man kan son ani.

1 KORINTH 3:6 ပူးပေါင်းရင်းမြစ်များ

TIRLON 11:18

Han anmanin chong hi an jet karra, an om chian na, Pathian ha alian na an mahok anti, Pathian ning a dangjat mingai jiang om limkansirna an neija ring na nei na rang a jot pe jui.

TIRLON 14:27

Anmanin Antiok an hong tung han biakrup mingai ha an kuikhomma, Pathian in anmani le i kan ruaipuina, chuan ithopuina rakip, hale a dangjat mingai jiang takngai na lam hi Pathian in alongpejui tia anmanin anmani jiang an lui ripe.

TIRLON 16:14

Hava chong angaingai karra numei khat tiko; Thaijatira tenna ahong aming Lidia anti nu; Limon puansat juar nu, an khat om Pathian chubeibuk ama alung ha puma ning a longpe va Paul ning irirakip ha asat aluingai.

TIRLON 18:24

Apolo anti Aleksandria tenna maheithei Jiw pasal khat Ephesia hin a hong jui, hale ama ko rabu thei mi khat alui ni.

TIRLON 19:1

Apolo ning Korinth na a om lai, Paul ning sak ram tiang a hong kan na Ephesia a hong jui, han a man thiamruai aviar hi akan mupuijui.

TIRLON 21:19

Hava han a man anmani ha chubei a buk, a dangjatngai jiang a man Pathian chuan a sin lai han Pathian tho torna iman nei rakip ha adodonna alui ripe, hava chong ha an jet karra Pathian ha an lui manpak.

ROM MINGAI JIANG PAUL NING A JIAK CHITHI 15:18

Han chong le chuan ha a ngak angakpa jet na ranak thavang thiang ranak jarra, jatdang mingain chong ha an jui jarra Khrista ning kei ha ana neiman na a i tho chuan ha ni luia kein ite khat rina ranak nei making.

1 KORINTH 1:12

Kein ka jet, nang nin nanti ha, kei Paul jiang ka om, kein Apollos hale kei kephas jiang hale kein Khrista jiang ka om nanti.

1 KORINTH 1:30

Pathian ning nang niha Jisu Khrista jiang ana juang tuang jui, ama hi nan ringkhuo hong suak na ani, Jisu Khrista tenna ama han theina tangbung ha a sin, adik lam ma om na ranga ana manthianga ana sanring jui.

1 KORINTH 3:22

Paul mo Apollos mo, hale Kephas mo, ramuolla a om ringkho hi thi nale ring na a tun tak animakle nuk a aninom a renga nang ni ta ani.

1 KORINTH 3:7

Thingkung a ling ham, tui a chaiham i om nimak tak-ha thing kung a man lian pa Pathian ha a lut tak ani.

1 KORINTH 9:1

Keihi an na masua mi mo ni making? Kei hi tirlon mo ni making? Kan puma Jisu Khrista ha kila mu lui mo? Puma ranga nang ni jiang chuan kitho mo nimak?

EPHESIA 3:17

Hale nan takngai na jarra Khrista ning nan lung sunga om rase han lungsiat han a det tak a ngirru.

1 THESSALONIKA 1:5

Chongsat ha kein in nang ni jiang kan hong choi, Chongsat jak nilui a Pathian ranak ha adik chong ani tia nang ni le kan lui om lai han keini ijamo kan om tiha nang nin nan jui.