1 KORINTH 3:13 - Rabu Athar New Testament (BSI)

¹³ Hale an sin in ngaiha iduk mo angar tiha nikhat ko a la kando rang ke. Mi ning dan an la en rang ke, asat satmak an chuan sin ha la kan dang nati.

1 KORINTH 3:13 ပူးပေါင်းရင်းမြစ်များ

MATHIU 10:15

A thianga kein nangni jiang kati ani, chongtan na nikhuo han hava khopui ha Sodom le Gomara nek a khel la a tat pe rang ke.

MATHIU 16:27

Ajarko Mi Pasalnai ha ning ama a pa mahok na han, ama thaneithiangngai le kanruoia hong nati, hava pha han mi rakip jiang an tak in an tho chuan nuk jui a tum rang ha a man pe nati,

LUK NING A JIAK CHONGSAT 2:35

Hale ama chemngai chemkolhan nan lung sunga sun nata, hale mitam ngaidon rakip hi an la hong kando rang ke.”

ROM MINGAI JIANG PAUL NING A JIAK CHITHI 2:16

Chong tanna nikhuo han pathian ning, kei ning ka lui sem chongsat ha a jui Jisu Khrista jarra miringngai lung sunga an thup ha chongtan nati.

ROM MINGAI JIANG PAUL NING A JIAK CHITHI 2:5

Tak-ha na lung angar, le na lung na thul jot jui nuk juia; Pathian rang nale adik chongtan na nikhuo han natak ranga hava rangna ha nabuk jui.

1 KORINTH 1:8

A man a torna nikhuo han nom na san na ta Jisu Khrista a hong karra nang ni ha a thianga asuaina buia om nanti.

1 KORINTH 3:12

Atunko mi aviar ning sana ruphaija an sin, mi aviar ning chaponna, aviar ning thinga an lui sin.

1 KORINTH 4:5

Hiva jarra puma a hong mak karje chong jenna nei maru, puman ajhinga a om ha a var na han ado rang ke hale an lung rilla an lui ngaidon rakip ha kando na ta mirakip ning Pathian tenna chong pek ha mu nanti.

2 TIMOTHI 1:12

Hiva jarra kein khodengthei na ka mu ani. Tak-ha kei hi ka lung a ngam ajarko kein ka jet tu mo tak ka ngai ha, hale kein ka jet tor a man kei hi ana ngam na jui, a man kei hi a torna nikhuo hin nom ana san tor.

2 TIMOTHI 1:18

Puma ning ama ha lungsiat mu rase a torna nikhuo hin, nang nin nan jet a man kei ranga Ephesia hin chuan adik khan alui tho.

2 TIMOTHI 3:9

Mirakip ning anmani hi iduk mo an pang tihi an la jet rang ke, ajarko Jannes le Jambres jiang alui suak anga ala ni rang ke.

2 TIMOTHI 4:8

Atunko kein pong man ha lui ranga ka om jui, hiva puma chong jen nikhuo hin, kei jak nimak puma ha lungsiat tak a alui ngak mingai ham hava lo man ha an mu rang ani.

HEBRU 10:25

Mi her khat an tho anga, kein in a ngai a kan kan chu chak hi bang marei, Puma hong na rang a nai jui tihi nan lui mu jarra a khel det an khat le an khat kan chu na ranga lung kan ma thok chak ri.

1 PITAR 1:7

Hivahi nan takngai a det mo ti jet na ha ani, sana ten nom a mang thei mei an halla an en sin, hiva jarra nan takngai hi ko sana nek a aman a tam det. Hiva jarra pongna a tam tak in nang ni chunga an na en sin rang ke ani. Hava suale nang nin Pathian lianpui na ha Jisu Khrista a hong phat han nan mu rang ke.

1 PITAR 4:12

Ka lungsiat ka sap ngai nang ni ngak maru, pong nale khodengthei na nan mu karra hale nang ni jiang om hui mak na a suak karra.

2 PITAR 3:10

Pathian nikhuo hi ko aruk anga jet lui thailuija a hong ani, hava nikhuo han vanram hi rasa suak na ta amang rang ke, vanram pumpui hi mei ning a kang rang ke hale ramuol la a om phur rakip hi om a mang ke ani.

2 PITAR 3:7

Tak-ha a tunna a om ramuol hi ko Pathian ning meija ka tor rang ke tia ala om ani hingahin Pathian jet lui ngaiha chong jen nikhuo hin man mangranga asiak jui.

MANJETNA 20:12

Hale kein a thi ngai ha ka mu, a lian le a sin le reng ong na madonna an ngirr ha ka mu, rabungai ha a kan longa hale a dang rabungai ham alui kan long hava ring na rabu alui ni, a thi ngai chunga chong an jen, anmanin an tho nuk juia rabu akan i ani.