1 KORINTH 13:2 - Rabu Athar New Testament (BSI)

² Hale kein Pathian chongringai ranak ka neija, hale a hong suak rang chong rakip ka jet nom, takngai na ka neija chingtum ka man kan thon tor aninom, lungsiat ka nei mak inko kei i om ni making.

1 KORINTH 13:2 ပူးပေါင်းရင်းမြစ်များ

MATHIU 13:11

A man anmani jiang a hong shanga a ti, “Ajarko vanrengram ruia a thuk chong jet na rang nang niko an napejui; tak-ha anmani ko pepe ma u.”

MATHIU 17:20

Han Jisun anmani jiang a ti, ajarko tak nanngai torlui jarra ani, hava jarra adik tak kein nang ni jiang kati, nang nin ancham ru khat tiatjak takngai na nan nei inko, nang nin hiva tangbung jiang tinanti, hiten nan phut sotenna kan thitro nantile kan thit nati, hale nang ni jiang anitor luirang ite om noning.

MATHIU 21:19

Hale lam sirra om theichang kung ha a mu, a man hava mun han alui hong, tak-ha ana nilui a dang lui mu demak, hale a man a hong ti, “Nang jiang a phat rakip a ra nei lui ha nita rase,” hale hava phat lai tak han thei chang kung ha alui char jui.

MATHIU 21:21

Han Jisun a hong shanga anmani jiang a ti, “A thianga kein nang ni jiang kari ani; nang nin takngai nan neia kei chi keiok nan nei mak inko, theichang kung a an tho jak ha nan tho rang nimak; tak-ha nang nin tangbung hi jiang kan thon in lang tuionglian na vakan peiro, nanti innom, hongni nati.”

TIRLON 13:1

Antiok biakrup sunga Pathian tashanthei le Oja lui chang Barnabas. Simion Niger om anti lusia Sairania a hong, Manian, Herod rengpa vaihomlian sunga han Saul an lui om.

ROM MINGAI JIANG PAUL NING A JIAK CHITHI 11:25

U le naingai nan man kan liana a ching a thei kan ni tia nan ngaidon mak na rang, hiva chong lut hi nan jet lui rang hi ka dei nimak; ti ko jatdangngai ning an kipdirra an hong lut mak kar je, Israelngai karra her khat in lung thak a an hong suak jui.

ROM MINGAI JIANG PAUL NING A JIAK CHITHI 15:14

Ulenaingai nang ni nan tak jiang asat le ching na theina nan mu jui, khat le khat om man kan chu kan tor jui tia kei ka tak khet in nan chong ha takngai na ka nei.

ROM MINGAI JIANG PAUL NING A JIAK CHITHI 16:25

Atunko kei ning chongsat ruia an khat om ri jot lui ha ka na manjet Jisu Khrista ruia ka lui sem chong nuk juia nang ni ha a det i na man om tor ama jiang kein nang ni ha ka na pek jui.

1 KORINTH 11:4

Pasal ning lam na a nei karra, Pathian chonga a ri karra a lu akhum inko, a lu ha chitlejak neimak.

1 KORINTH 12:28

Pathian a rapatak biakrup hin tirlon aluibe hale Pathian chong ri mi, hale, oja mi man chu hale chong rakip a jet mi, hale mi ning torlui chuan a tho tor mi, hale mi mandam a tor mi hale lam kaingai hale chong rakip a jet tor mingai ha aluibe ani.

1 KORINTH 13:1

Kein chong rakip le thaneithiangngai chong ka jet nom lungsiat ka nei mak inko, keihi a rasa tam thirbell anga ka ni.

1 KORINTH 13:3

Kanei rakip ka pek tor aninom, hale ka taksa mei chunga rovam ranga ka jot nom, kein lungsiat ha ka nei mak inko, kei i om ni making.

1 KORINTH 13:8

Lungsiat ko a mong ti om mak; Pathian chongsiat alui ri ngaiha an lamang rang ke, chong rakip alui jet ngai ha an lamang rang ke, chingna theina ham a mangrang ke.

1 KORINTH 14:29

Hale Pathian chong lui ri mi anni an thum ning ri rase u, hale a dangngai ning adik dikmak tiha ngaidon nanti.

1 KORINTH 14:39

Hiva jarra ulenaingai nang nin lung lut a Pathian chong riru hale mijet thei lui chong ri ngai ham khap maru.

1 KORINTH 14:4

Mi ning jet lui chong ari ama ha ko a tak rang jak a kansan ani. Hale mi jiang Pathian chongsat ari ama ha ko ramuol la biakrup rakip asan ani.

1 KORINTH 15:51

Aphat khat jak a, mitsing khat sunga atorna pengkul an hong tum karra, pengkul rasahan athi ngai rakip ha thi lui ranga an hong thui rang ani, hale keini hi ina man kan thul rang ke.

1 KORINTH 16:22

Tu khat ning Pathian lungsiat lui nan om aninko, puma ahong karra kho khong tungrase.

1 KORINTH 4:1

Keini hi Khrista a tirlon khat tia nang nin na jetru, puma chuan tho ranga a na pek jui.

1 KORINTH 7:19

Ajarko vuntan vuntan lui ning i om nem mak tak-ha Pathian chong pek a jui paha a lut tak ani.

1 KORINTH 8:4

Hiva kut a sin Pathian jiang chakpek ruia kan jet, tiko puma Pathian niluia a dang Pathian om mak.

2 KORINTH 12:11

Kein a pang khat anga ka om! Nang nin nan na manpang ani. A thianga nang nin keihi tirlon khat ani tia nan na ri selrang asuak kei Pathian tirlon ulian ka ni atingai ning an na khel na om mak. Kei ite om ka nimak nom,

GALATIA 5:16

Kein ka na ri ani, Thavang Thiang han nan chunga lam man kan keiru, hi aninko taksa ning a dei rakip ha tho torno ni che u.

GALATIA 5:22

Tak-ha Thavang Thiang ning a hong manra ha ko hi ani. Lungsiat, ningsat lungnem, khang thei, mi lungsiat, chuntho asat le takngai ha ani.

GALATIA 6:3

Ajarko mi khat ning ka thei det tia a om aninko, a maha ijom la jet mak. A thei jak a akan huang ani.

EPHESIA 3:4

Kei ning ka jiak rakip ha nan pa karra Khrista ning kei jiang ina manjet rakip ha jet nanti.

EPHESIA 6:19

Han kei rang om Pathian lam na na nei peru, Pathian chongsat ranak nei a ka ri torna ranga.

KOLOSIA 1:26

Tak-ha hiva chongsat hi mirual miruolla alui kan thup a alui om ha atunko ami thiang ngai jiang amanjet jui.

1 TIMOTHI 3:16

Pathian chong ruk a thiang ha mirakip ning adik tia an lui. A ma ning mi anga ahong kan lem ma, thavang thiang tenna chuan dik a man tho, thaneithiangngai ning om an lui mu. Phung rakip jiang le jat rakip jiang alui ripe jui, ramuol chunga tak an lui ngaija hale vanram hin alui lut jui.

1 JOHON 4:8

Lungsiat na a nei lui mi ha Pathian jet mak, ajarko Pathian ko lungsiat Pathian ha ani.