1 KORINTH 13:12 - Rabu Athar New Testament (BSI)

¹² Ajarko, mel le mel kan kan mu nek a meng sialla kan kan mu lam a thiang a vat det. Atunko aviar jak ka jet ani, tak-ha nuk a ko kein a renga jet rang kani. Ajarko ama han kei hi a thianga a na jet jui.

1 KORINTH 13:12 ပူးပေါင်းရင်းမြစ်များ

MATHIU 18:10

“Kan ning theiru, ashinngai khat nang nin tak tel lui ha tho maru ajarko, kein nang ni jiang, vanram ma anmani thaneithiangain vanram ma om ka pa mai an muchak.

MATHIU 5:8

Lungthiang mingai ha ravansat anni; ajarko Pathian an la mu rang ke!

JOHON 10:15

Ka pa ning a na jet kein nom ka jet, ha ang han belramngain nom an na jet, hiva jarra anmani ranga ka ringkhuo ka pek tor.

ROM MINGAI JIANG PAUL NING A JIAK CHITHI 8:18

Ajarko, a tun pha hin kan pong khodeng kan thei hi keini jiang an na pek rang lianpui na hale khide rang phur hi om ma tihi kei ning ka ngaidon.

1 KORINTH 13:11

Kein nai pang kani lai nai pang anga ka lui om, nai pang anga chong ka lui ri, kein ulian kani karra nai pang nun chan ha ka mak.

1 KORINTH 8:3

Tak-ha tu khat ning Pathian ha a lungsiat inko, ama ha Pathian ning a jet.

2 KORINTH 3:18

Keini kan renga maikhu puan tho luia puma lurna han ana man varjui, hale hava lurna ha Pathian a tak tenna a thavanga a hong mankonthul anga keini om ama mel anga ana man kan thul jui.

2 KORINTH 5:7

Ajarko keini takngai jarra kan ring ani, kan mit a kan mu jarra nimak.

PHILIPI 3:12

Kei chung suak na ka nei jui, animakle lungdo tung ha ka ni jui kan ti making tak-ha Khrista ning kei ha ina chur na pong lo muna ranga risiat ka tho.

JEMS 1:23

Ajarko chong an jet a chong jet nuk juia chaun a tho mak mi ha tu a chang innom meng sial la amel akan en na a en suale a mel ha ijamo a ti ha a theini len anga ani.

1 JOHON 3:2

Ka manrit ka sap ngai a tunko keini hi Pathian a mi kan chang jui tak-ha imo kan la hong chang rang tihi keinin la jet masing, tak-ha keinin kan jet khat ko. Khrista a juang kando rang pha han keini om puma ama anga ni rang ka ni, ajarko ama a kan sin hei na ang han keini om ni kanti.

MANJETNA 22:4

Anmanin Puma mai suo ha mu nanti, hale Puma a ming ha an chal la jiak pe nati.