1 KORINTH 1:9 - Rabu Athar New Testament (BSI)

⁹ Pathian ko takngai rang asuak, nangni hi a nai kan puma Jisu Khrista le om suam ranga a na kui ani.

1 KORINTH 1:9 ပူးပေါင်းရင်းမြစ်များ

MATHIU 24:35

Vanram le simleiko lamang nati, tak-ha ka chong ngai hiko manglai noning.

JOHON 17:21

Anmani an renga pum khat jak anchangthei na rang ka na lam Puma kei hi ramuol na na hong tir tihi an jet tak annangai na rang, O A pa! Puma nangkei na na om pui ang han, anmanijom kei jiang an om chak na rang ka na lam ani.

ROM MINGAI JIANG PAUL NING A JIAK CHITHI 11:17

Tak-ha thingchang aviar ha a kiak inko, hale nang in ramcholopho akung na lui nia, anmani karra nang ha a chiak an nasuia ni tui ha anmani le na om suam.

ROM MINGAI JIANG PAUL NING A JIAK CHITHI 8:28

Pathian a lungsiat mingai ha ama lungdo nuk juia akei suakngai jiang sat na ranga chuan rakip a tho pui suam tihi kein in kan jet.

ROM MINGAI JIANG PAUL NING A JIAK CHITHI 8:30

Pathian ning a rapa alui varsa anmani ha a kui jui, a kuisa anmani ha a man dikjui, hava suale anmani ha lianpui na a pek.

ROM MINGAI JIANG PAUL NING A JIAK CHITHI 9:24

manmang a rahui suak Jiws le jatdangngai rakip ha lungsiat a ina thang suaksa ani jarra, a lung a kan churra a om ani.

1 KORINTH 1:30

Pathian ning nang niha Jisu Khrista jiang ana juang tuang jui, ama hi nan ringkhuo hong suak na ani, Jisu Khrista tenna ama han theina tangbung ha a sin, adik lam ma om na ranga ana manthianga ana sanring jui.

1 KORINTH 10:13

Nang ni chunga a om siatna mathemna ha mirakip chunga a om, hale pathian ko a ri ha a tho. A ma ning nan torlui chuan na mathema na pek noning, nang in na khang tor rang le na dui tor ranga mathemna a na pek rang ke.

1 KORINTH 10:16

keini ning phual kan pek kheng kam han Jisu Khrista a thi sen ha a kan chel lui mo? keinin phual kenpek tal han Jisu Khrista a tak sa a kanchel lui mo?

2 KORINTH 1:18

Kein nang ni jiang ka ri chong ha o timaking, nimak om timaking, pathian ko tho rang ati ha a tho tor, takngai rang asuak.

GALATIA 1:15

Tak-ha Pathian ama ami lungsiat theina jarra, nai ka chang madonna keihi ana lui thang suak ani, hale ama chuan tho ranga ana lui kui.

GALATIA 2:20

Keihi Khrista le khros chunga ka luithi jui, hale keihi a ringa a om ni lai making, tak-ha Khrista ning ka sunga a ring jui, hale a tunna ka ring taksa ringkho hi Khrista jiang takngai ja a om ringkho ha ani, aman lungsiat tak a aringkhuo hi kei ranga ana pek jui.

EPHESIA 3:6

Pathian chong ruk ha ko, nang ni jatdangai ngaihi, Jiwngai le tak khat anga ana man om jui, Jisu Khrista chongsat jarra Pathian phual rakip ha Jiwngai le a kan ang rip amu rang nan ni.

KOLOSIA 1:24

A thianga kein nang ni ruia pong khodengthei na ki nei hi Ka ning asat, hale, puma ning pongna amu rakip ha kei ning om ama anga pongna ka nei hi puma taksa biakrup ranga ani.

1 THESSALONIKA 2:12

Hale ringkhuo asat chang na ranga ana kui hi ama rengram lian nale lur na ranga ani.

2 THESSALONIKA 2:14

Hiva jarra puma chongsat tenna nang ni hi ana kui ani, hale nang nin Jisu Khrista a lurna le alian na ha mu nanti.

2 THESSALONIKA 3:3

Tak-ha puma jiang takngairu, Puma ning mi saluingai tenna na san nati.

2 TIMOTHI 1:9

Puma ning keini hi a mi khat chang ranga a na kui keini kan chuan tho jarra chang mak tak-ha ama a na lungsiat na jarra ani, ama ning Jisu Khrista jiang a rat na ha a phut na tenna alui hong tir.

2 TIMOTHI 2:13

keini ning ama hi kan jui inko, a man nom keini hi na jui nati, ajarko a man ani lui ha tho noning.

TITAS 1:2

A torti bui ngaidon ha ko, leisei kan chel lui, Pathian ning a tuan lai na pek kati tia chong sam na alui nei.

HEBRU 10:23

keinin kan lung ngampui ha a det otit rei, ajarko chong shakhi a na pek pe Pathian ha takngai rang a om tak ani.

HEBRU 11:11

Takngai na han Abraham a tar a chang innom hale Sara ha nai a nei rang rahui a chang mak innom, a man Pathian chong shakhi ha a tung chiak rang ke tihi tak a ngai jarra a man pa an khat a hong chang tor ani.

HEBRU 2:17

Hiva tina ko mingai siatna ha ngaidam na rang, Pathian mai kung a sepa a tho thiampu chung nung manrit na a sip takngai a om tak a chang thei na rang, a lam rakip a sap a jar ngai a man alui chang jui.

HEBRU 3:1

A e sap le jar, Pathian in a na kui Khristianngai, Pathian a hong tir thiampu chung nung, kan takngai Jisu hi enru.

HEBRU 3:14

Ajarko a phut lai tenna kein in tak kan ngaiha kan otit inko, keini kan renga Khrista le tum kan neisuom ani.

HEBRU 6:18

Hingahin a kan thul thei lui rang anni a om, hava ruia Pathian ko a leisei mak, hiva jarra keini ama le kan ruaia ringna kan mu jui keini mai kunga lungam na ana siak pe ha, a det tit kan o na rang ranak a na pek.

1 PITAR 5:10

Hale Pathian lianpui na ranga Khrista ning nang ni ha a na lui kui ani, hiva phat bongkhat hin nang ni ning khodeng nan thei suale nang ni ha na man rat rang ani, hale na man lian na ta na man ngir rang ani jui.

1 JOHON 1:3

A pa le a nai Jisu Khrista le kan kan chun na ha nang ni jom kan chel thei na ranga, kan mu kan jet ngaiha nang ni jiang kan na ripe ani.

1 JOHON 1:7

Tak-ha ama hi a varra a om anga, keini om a varra kan om a chang inko, Keini an khat le an khat kan kan chun jui, han a pasalnai Jisu Khrista thisen tenna keini ana rasuk thiang jui ani.

1 JOHON 4:13

Pathian ning a na pek sa Thavang han, keini Pathian le kan om chun jui Pathian ning keini a na om pui chak tihi kan jet.

MANJETNA 19:11

Hiva suale kein vanram kot inn khar a kan long ha ka mu, han sakor ngui khat alui om, hava sakor a chuang pa ha chong ngaile adik anti, adik lam ma a man ral a tho.