1 KORINTH 1:7 - Rabu Athar New Testament (BSI)

⁷ Hava jarra nang nin thavangai kutchoi Jisu Khrista tenna nan lui ngak ha nan mu pet jui.

1 KORINTH 1:7 ပူးပေါင်းရင်းမြစ်များ

MATHIU 25:1

Hale vanrengram ko anmani thangmei anlek, muipa le kan mu na rang an hong suak dongma somngai anga ani.

LUK NING A JIAK CHONGSAT 12:36

Ajarko muiruai na mun na kholai khang a che anmani rengpa ning a hong kan le karra anrengpa han Inn khar kot akil karra a rak a long ranga angakchak a om anga ni ru.

LUK NING A JIAK CHONGSAT 17:30

Hanga han Mi Pasalnai ham ikando suak rang nikhuo han nom hiva anga lani nati.

ROM MINGAI JIANG PAUL NING A JIAK CHITHI 8:19

Pathian naingai ha do na ranga a ring rakip in ngak lal tak a an om.

ROM MINGAI JIANG PAUL NING A JIAK CHITHI 8:23

Hale havajak ni luia a rapa thavang phual mu keini om a naingai kan ni tiko kan taksa sanring ranga kan ngak kan taksa sunga a om ma a nai ana man changa ana ma suajui.

1 KORINTH 4:5

Hiva jarra puma a hong mak karje chong jenna nei maru, puman ajhinga a om ha a var na han ado rang ke hale an lung rilla an lui ngaidon rakip ha kando na ta mirakip ning Pathian tenna chong pek ha mu nanti.

2 KORINTH 12:13

Nang ni jiang ijamo kein biakrup a dangngai nek a nang ni ha a salui a khella ka na thona mo a om? Nan chunga pongna mo ka na lui pek? Ka lui lal achang nom na ngaidamru.

GALATIA 5:5

Ajarko Thavang Thiang tenna takngai na kan nei jarra kan ringkhuo hi man kan thiang thei na ranga kan ngai tui ani jui.

PHILIPI 3:20

keini ko vanram mi ha kan ni, hajak ni luia kan puma Jisu Khrista ham kan ngak lal la kan om.

KOLOSIA 3:4

Nang ringkhuo adik tak ha ko Khrista ke ani, a man a hong kando pha, nang ni jom nan kando rang ke, hale ama lianpui na ha nan tum suam rang ke.

1 THESSALONIKA 1:10

Hale Pathian anai Jisu Khrista vanram tenna a hong rang ha nan lui ngaak. Puma ning thina tenna a hong ringkhir hale Pathian lung thak na tenna keini, ana tan ring jui.

2 THESSALONIKA 1:7

Khodengthei tak a alui om mingai le keini chunga pathian in pong kan sak na ana pek rang ke. Jisu Khrista ning vanram tenna a hong chum pha han Pathian chuan a tho rang ani.

2 TIMOTHI 4:8

Atunko kein pong man ha lui ranga ka om jui, hiva puma chong jen nikhuo hin, kei jak nimak puma ha lungsiat tak a alui ngak mingai ham hava lo man ha an mu rang ani.

TITAS 2:13

Hiva jarra Pathian ni khopui keini na san ringpa puma Jisu Khrista lianpui na a thianga ana man mu rang ha ravansat ha kein in kan mu jui.

HEBRU 9:28

Hava ang ha Khrista ning mitam tak siatna tenna kei sua ranga vei khat alui kan pek jui. Siatna chunga chuan tho rang chang luia ama a ngak chak a omngai ha san ring na rang veini chang na ila hong kando rang ani.

1 PITAR 1:13

Hiva jarra ring na ranga nang ni ning nan lung kan chur theiru ajarko Jisu Khrista a hong karra nan chunga phual a na pek rang ke.

1 PITAR 4:13

Hiva rakip hin nan ning man satru, nang ni ning Khrista a pong ha nan san ani, hi aninko nang ni ning ningsat na ha nan mu rang ani, puma ning mahok lian na a hong karra.

1 PITAR 5:4

Belramsel a lu tir Pahan a hong karra nang ni ning ama lianpui na nan mu rang ke, ama a var ha mang chil noning.

2 PITAR 3:12

Hiva nikhuo ranga kan ning taru vanram hi mei ning kang mangrang ani jui, hale phursat rakip ham kang noirang ani jui.

1 JOHON 3:2

Ka manrit ka sap ngai a tunko keini hi Pathian a mi kan chang jui tak-ha imo kan la hong chang rang tihi keinin la jet masing, tak-ha keinin kan jet khat ko. Khrista a juang kando rang pha han keini om puma ama anga ni rang ka ni, ajarko ama a kan sin hei na ang han keini om ni kanti.

JUD TENNA CHITHI 1:21

Hale, puma Jisu Khrista manrit na han nang ni amongtibui ring na na pek rase hale ama hong na rang nan ngak kar han, Pathian lungsiat na ha nan tak chunga man om ru.