1 KORINTH 1:6 - Rabu Athar New Testament (BSI)

⁶ Jisu Khrista aruia chongsat ha nan chunga a det tak a, a om jui.

1 KORINTH 1:6 ပူးပေါင်းရင်းမြစ်များ

MARK 16:20

Anmani mun rakip a ansemma, Puma ning a san na, manjetna han anchongriha a mandetjui. Amen.

TIRLON 11:17

Aninko kein in Puma Jisu Khrista ha tak kan ngai laia ina pek ang han, a kan ang rip Pathian ning anmani jiang om kutchoi hi a pek inko, kein imo kania Pathian ha kikhap tor rang?

TIRLON 11:21

Han Puma kut ha ning anmani ha alui kan ruaipui jarra, takngai mitam lam Puma tiang an lui hong kan hei.

TIRLON 18:5

Sailas le Timothi ning Makidonia an hong tung pha han Paul ning Jisu ko Khrista ke tia Jiwngai jiang shakhi a pek a chong alui ri.

TIRLON 20:21

Jiwngai le Grikngai jiang an siatna tenna Pathian tiang an hong kan hei na ranga le kan Puma Jisu an takngai na rang a kan ang rip shakhi ki pek ani.

TIRLON 20:24

Aninnom kei ka chuan ko Pathian manrit na han asat chong ha shakhi pek ranga Puma Jisu tenna ka mua chuan tho ha torthei na ranga kei ka thavang lam hi kein nar making.

TIRLON 22:18

Jerusalem tenna a rak suak taro, ajarko nang in kei ka ruia shakhi na pek rang ha anmanin na lui peno ni u, tia Puma ning kei jiang a ti ha ka mu jui.

TIRLON 23:11

Hava jannihan puman a sirra a ngirra ama jiang a ti; “Nathouna mansatro, chit maro ajarko Jerusalem ma kei ka shakhi nipek ang han Rom han nom nang in ka shakhi nipek rang a nijui.”

TIRLON 28:23

Anmanin nikhuo dang khat Paul le an renga kanchun thei na rang nikhuo an ngirjui, hava nikhuo han mitam tak an hong kan chun na; Paul ning a hong ti, “Pathian rengram ruile, Jisu Khrista ruia chongsina alui nei han a man Mousi dan chong pek le tashantheingai an lui chong ngaiha a nei man na anmani ha manjetna rang jin tiang tenna nitak khan chong alui ri.”

ROM MINGAI JIANG PAUL NING A JIAK CHITHI 15:19

Hingahin Jerusalem tenna ka honga Ilurikam kahongsuak thenga kei ning Khrista chongsat ha a kip dirra ka hong ri jui.

2 KORINTH 12:12

athianga tirlon khat ka ni ti jetna nan karra ka om lai khang thei le kan ruaia, angakpa chuan mi ning an torlui rang chuan atam tak ka lui tho.

GALATIA 3:5

Hiva jarra puman nang ni jiang Thavang Thiang ana pek a nan karra tho torlui rang chuan nan tor ngaiha chena dan nan jui han mo aninmakle Pathian chong nan jet a nan jui han mo ani?

2 THESSALONIKA 1:10

Puma ning ahong karra a thiang mingai ning ama lurna an mu anga, nangni om puma lurna ha nan mu rang ke. Ajarko Pathian chongsat ngaiha nang nin takngai na nan lui nei jui.

1 TIMOTHI 2:6

A ma a tak tak ning miring ngaiha sanring na anei hava ha Pathian in ana lungsiat na jet na ani. Aphat chap chalai tak hin Pathian ning miring ngaiha asan ring jot.

2 TIMOTHI 1:8

Nang in Pathian chong ri rang hi jak maro, kei ning Pathian ruia pong na ka mu hi om na jak pui maru, hiva rahut a Pathian chongsat ruia nang ni om kan chelru, Pathian ning nan chunga ranak ana pek.

MANJETNA 1:2

Johon ning a mu rakip ha alui ripe jui. Hivahi Jisu ning Pathian chong thiang ruia ana manjetna le adik ha a na manjet ani.

MANJETNA 1:9

Johon kei hi Jisu Khrista a nuk jui nan u nan nai ha ka ni, kei hi nang ni le pong a dui suam hale, Pathian rengram hi khodengtheingai ranga ani; Kei hi Patmos tui sirra an na siak, ajarko, Jisu ning ana manjet, Pathian chong thiang ha ka lui ri.

MANJETNA 12:11

Anmanin ama ha belram thisen le chong dik jarra ral tho torna alui nei, anmanin an ringkhuo ngaiha thina rang khan na an kan pek.

MANJETNA 12:17

Ri reng ning numeinu jiang lung thak na a neia ramuol chunga a om a naingai rakip manmang ranga alui hong, Pathian chong jui ngai rakip le adik chong, Jisu ning i man jet rakip ha manmang rang ati jui.

MANJETNA 19:10

Kein a ke kung a chubeibuk ranga ka kiak jui, tak-ha a man kei jiang tho maro a ti, kei hi na sap khat ka ni hale na u na nai ha ka ni, Jisu ning a ti “Adik a om rakip ning Pathian chubei an buk ani, ajarko adik chong Jisu ning i naman jet rakip ha Pathian chong lui ri ngai jiang a manjet ani.”

MANJETNA 6:9

Hale belram ning che chun ranga chang na ha a long karra, kein ka mu, Pathian chong sem man na a thi thavangngai ha, a thiang phur pek na a thuaija ka lui mu.