1 KORINTH 1:18 - Rabu Athar New Testament (BSI)

¹⁸ Khrista a chongsat le thing khros chunga athina ha a mangsha mingai rang ko a nem lui ani, tak-ha sanring na a mungai keini rang ko Pathian ranak ani.

1 KORINTH 1:18 ပူးပေါင်းရင်းမြစ်များ

TIRLON 13:41

Enru; nang ni taktelluingai, ngak om ngakru, thi om thiru, ajarko, kein nang ni jiang ve enni chuan khat ka tho, hivahi tu ang khat in nang ni jiang an naripe innom takngai noni che u.

TIRLON 17:18

Hijak niluia Epikura le Stojingai ching na thei na mingai le chong kan kherna aluinei. Mi alekning an hong ti; “Amur imanchokjel ha ning imo irijot?” Adangngai ning an hong ti, mi ramma Pathian ruia chongringai om a pua, ajarko a man Jisu an khat om ringkhir ruia a ri.

TIRLON 17:32

Hava han athinga hin an ringkhir tia chong ha an jet karra, hanna a om alekin an hongnuiso tak-ha a lek inko anti, “Hiva ruia veikhat keinin kan la ngai ret rang ke.”

TIRLON 2:47

Han anmanin Pathian an manpak an lui om, mirakip an lui kan lungsiat, hale sanring na a mungai ha Puman a nitin an karra a man kan chel pede.

ROM MINGAI JIANG PAUL NING A JIAK CHITHI 1:16

Ajarko kein chongsat jarra jakna nei making, hivahi a takngai rakip ning sanring na muna ranga Pathian ranak ke, a phut na han Jiwngai jiang le Grikngai jiang om ani.

1 KORINTH 1:21

Miringngai chingna theina han Pathian jet torna rang ranak lui pek mak a pangngai ning Pathian chongsat an ri ha takngai na a nei mingai sanring rang hi Pathian lungdo ani.

1 KORINTH 15:2

Hiva Pathian chongsat hi nang nin a det a churru, ring na nan mu rang ke, hi animak inko nan takngai na rakip ha a nemna om noning.

1 KORINTH 2:14

Thavang Thiang anei luia ma han Thavang kutchoi Pathian tenna a hong ha mu tor noning, ajarko ama ranga hava ngaiha a pang chuan ani ama han lui jet tor mak.

1 KORINTH 2:2

Ajarko kein nan karra a thei lui anga ka lui om ma Jisu Khrista ha thing khros chunga a thina jak ha ka lui ri ani.

1 KORINTH 3:19

Ajarko hiva ramuol la ching na ngai hi puma jiang ko a nem na bui ani. Hingahin chong thianga alui kan jiak aching atheingai lungdongai rakip puman a churpet.

1 KORINTH 4:10

Khrista jarra kei hi a pang ka ni jui, tak-ha nang niko Khrista jiang nan om hi nan ching, keini ko ranak nei masing tak-ha nang niko nan rat. Nangni ko mai pakna nan mu, keini lam enda ha kan mu.

2 KORINTH 10:4

Ajarko keini ral tho na chem pho ngaiha ko ramuol tenna nimak, tak-ha Pathian tenna ranak han a salui rakip manmang na ranga kan tho ani.

2 KORINTH 4:3

Ajarko kein ka ri chongsat ha a kan thup a chang nom a manga a om mingai jiang jak kanthup rase.

1 THESSALONIKA 1:5

Chongsat ha kein in nang ni jiang kan hong choi, Chongsat jak nilui a Pathian ranak ha adik chong ani tia nang ni le kan lui om lai han keini ijamo kan om tiha nang nin nan jui.

2 THESSALONIKA 2:10

Hale puma a hong phat han Pathian madonna mi salui leisei chuan tho ngaiha thina mu nanti. Pathian tenna kum sot ring na ha mu noni u.

HEBRU 12:2

A phut na tenna an phut kan takngai na kan lung ngam na, Jisu ha a torna tunga keini en chak rei, a man Khros chunga mel siat a athi rang ha i jum ngaidon luia, a ral torna ningsat nan a na ngak chak lam ha a ngaidon na Khros lam ha a roa, tun hin Pathian lam lian inn ong na chang tiang ama aongna han a om jui.

HEBRU 4:12

Ajarko Pathian chong ha a ring chak le chuan tho chak ani, chemsei vei le chang a ngei nek a thuk tak a at tor, tak sha le thavang a kan chun na hale sarule a hang sun khui tor, miring lung ngaidon le dei rakip a jet tor ha ani.