1 JOHON 5:6 - Rabu Athar New Testament (BSI)

⁶ Jisu Khrista ha a juanga tuija alui lut han thisen luanga a thi jui ama tuija a hong chang luia tak sa le tui le thi sen hale a bing jak a man kan thianga adik jui ajarko, a thavang ha adik ani,

1 JOHON 5:6 ပူးပေါင်းရင်းမြစ်များ

MATHIU 26:28

ajarko “Hivahi chongtanthar ranga mirakip siat thiang na rang alui suak kei ka thisen ani.

MATHIU 3:16

Jisu ning baptais alui tho jui, hale tuisung tenna a hong suak lai han enru, vanram a kan longa, Pathian Thavang Thiang in vatuk turun anga a hong chumma a chunga a chuang ha Johon in alui mu.

MARK 14:24

Jisu ning anmani jiang a ti, “Hiva mi a tam tak ranga aluang ka thisen, chongsam na thisen ha ani.

LUK NING A JIAK CHONGSAT 22:20

Anmanin an chak suale, hava anga koklai ha aluia a ti” hiva koklai hi nang ni ranga ka thisen tenna an sin ani, “chongsan thar ani”.

JOHON 14:17

Hava adik thavang ha nang ni ana om puichak, ramuol inko mutorma, jet om jet mak, nang ninko puma ama ha nan jet; ajarko, puma ama ha nang ni le nankanruoichak hale nan sunga a om jarra nan jet ani.

JOHON 14:6

Jisun a hong sang, “Kei lam ha ka ni adik hale ring na ham ka ni, keini luia tu khat innom ka pa kol la che noni u.”

JOHON 15:26

A pa tena a nasan rang ha adik thavang a hong karra puma ama ning kei ranga shakhi chong ngir na nei nati.

JOHON 16:13

Tak-ha, Puma ning adik thavang le kanruoia a hong karra a man keini lam Na kei nati, a man a thei jak a chong ri noning, tak-ha i suak i suak rang chong a jet rakip ha na manjet nati.

JOHON 3:5

Jisun a sanga, “Kein nang jiang adik tak ka na ri ke ani, tui le thavang an phut akanjirmak miha tuachang in num Pathian rengram lut tor noniu.

JOHON 4:10

Han Jisun aluisang, “Nang in Pathian kutchoi pek ha na jet, hale tui in ranga ana lui lam a maha na lui jet aninko, nang in ama jiang ni lui lamrang ani. Hale a man ringnatui inalui pek rang ani.”

JOHON 4:14

tak-ha tu a chang innom kei jiang an phut kipekrang tui a in miha a tui veikhat antui ralret lai noning; kei ki na pek rang tuihako, ki pek mi a tak chunga a torti buia i hong suak tuiril put anga hong chang nati.

JOHON 6:55

Ajarko ka taksa thiang hi butak ha ani. Kathisen hi a thiang tak ani.

TIRLON 8:36

Anmanin lam ma an honglon pha han, tui kolla an hong tung jui, a tak kan sin pasal ha ning a hong ti, tuihin a om jui, baptais nina man nei rang hi aser imo a om? Jot noning mo?

ROM MINGAI JIANG PAUL NING A JIAK CHITHI 3:25

Atuan laia kan lui tho ha ning Pathian ning a na jet pea ana bang pe jarra a man adik ha ana man mu.

EPHESIA 1:7

Jisu Khrista thisen han keini anatan ring jui puma lurna le ana lungsiat theina han kan siatna rakip hi ana ngaidam jui.

KOLOSIA 1:4

Ajarko, nang nin pa pathian mingai ha nan lungsiat pet, hivahi Khrista takngai na nan nei jarra ani.

1 TIMOTHI 3:16

Pathian chong ruk a thiang ha mirakip ning adik tia an lui. A ma ning mi anga ahong kan lem ma, thavang thiang tenna chuan dik a man tho, thaneithiangngai ning om an lui mu. Phung rakip jiang le jat rakip jiang alui ripe jui, ramuol chunga tak an lui ngaija hale vanram hin alui lut jui.

TITAS 3:5

keinin adik chuan kan tho jarra nimak, tak-ha Puma mi lungsiat thei jarra; keini ha vei khat a tharra nai changle ana rasuk thianga, Thavang thiang in ina man thar jarra ana san ring jui ani.

HEBRU 10:29

Ha aninko Pathian Pasalnai ha a nuisova, Pathian chong shakhi thisen thiang ha ama a siatna tenna i man thiang tor ha a man om mak inko? Thavang thiang manrit na ham i jot lui mi ha i duk khodengthei na mo i mu rang ha ngaidonro.

HEBRU 12:24

chong shakhi thar a sin Jisu jiang, Abel thi sen nek asat det a ri thisen a chai thuan na mu na a hong man nei,

HEBRU 13:20

Belramsel a lian tak kan puma Jisu Khrista ha a thina han kum sot chong shakhi sil an nam jui ani. A ma Pathian in thina an phut a man ring jui.

HEBRU 9:14

Hava han adik achang inko, Khrista thisen han a khel la lungdo a tung jui ani, kum sot Khrista thavang a thei jak lungdo tung na khat achanga, Pathian jiang a kan pek ani, kein in a ring chak Pathian nai kan chang thei na rang, animakle chuan an phut kan jet khan na lung hi a thisenin ana man thiang pe rang ke.

HEBRU 9:7

Tak-ha biakinn sunga han kum khat sunga vei khat jak, thiampulianngain an lut ama a binga rang le, mipui ngai rang, jet lui thai luia an siat tho na chunga mipui rahut thulla thisen a choia Pathian jiang a hong kat jui.

1 PITAR 1:2

Pathian ning nang ni ngaihi a na thang sa mi ha nan ni hale Pathian ning ana man thiang jui, ama thavang thiang le Jisu Khrista nuk jui na ranga ama thisen hin na rasuk rang ani.

1 PITAR 3:21

Tui han hava anga jet thei na ha ani. Ti ko baptais nan tho jarra san ring na nan mu jui, taksa a chok ha man thiang na rang jak nimak, Jisu Khrista a hong ringkir jarra ani, Pathian jiang adik dik lui jet na ranga lungdo a tok ha ani.

1 JOHON 1:7

Tak-ha ama hi a varra a om anga, keini om a varra kan om a chang inko, Keini an khat le an khat kan kan chun jui, han a pasalnai Jisu Khrista thisen tenna keini ana rasuk thiang jui ani.

1 JOHON 4:10

lungsiat ha hi ani, keinin Pathian kan lungsiat jui ti ni luia, a man keini ana lungsiat jarra Kan siatna ngai rakip ngaidam na ranga a pasalnai ha a juang tir jui.

MANJETNA 1:5

Hale Jisu Khrista tenna ama sat a thi ngai ha thui nanti, hale a man ramuol chunga rengpa la ni nati; a man keini hi a na lungsiat jarra a thisen tenna keini ana rasuk.

MANJETNA 5:9

Anmani ning la a thar khat an thoa an lui ti, “Nanghi hiva che chun long ranga rahui na ni, nang in thina na neija na thisen tenna jat rakip le phung rakip chong rakip a chok jui.

MANJETNA 7:14

“Kein jet making Puma!” Nang in na jet Puma kati, a man kei jiang a ti ret, “Hiva mingai hi khodengthei na tenna a kan sanringa a hong mingai ha anni, anmanin an puan ngaiha belram thi senna an rasuk an man thiang jui.