1 JOHON 5:4 - Rabu Athar New Testament (BSI)

⁴ Ajarko Pathian naingai rakip ning ramuol hi ral an tor thei ani, keini takngai le kan ruaija ramuol hi kan tor jui.

1 JOHON 5:4 ပူးပေါင်းရင်းမြစ်များ

JOHON 1:13

Anmani ngaiha ko miring ngai omchan nukjuia taksa le thisennai ni mau, Pathian lungdoa naichang Pathian jak ha an pa anijui.

JOHON 16:33

Nang nin ka pa tenna lunghip lungdai nan mu na rang, kei nang ni jiang kanarijui; ramuol la pong khodeng nan thei tak-ha nan ning sattaru! kein ramuol hin ral ka tor jui.”

JOHON 3:3

Jisun alui sang, “Adik tak kirike; tu anin nom a tharra nai a chang mak aninko Pathian rengramma lut tor noniu.”

1 KORINTH 15:57

Tak-ha pa Pathian ha manpakri. A man thina ana mantor hi kan puma Jisu Khrista jarra ni rase.

1 JOHON 2:29

Khrista ko mi dik ke ti a nang nin nan jet, hava jarra adik tho rakip ha tu a chang innom Pathian nai ke anni.

1 JOHON 3:9

Tu ang ning Pathian nai a chang sa mi han siatna han om khir lai noning, han a man siatna tho ret lai noning, ajarko Pathian ha a pa a chang jui a chunga Pathian a om chak.

1 JOHON 4:4

Tak-ha Pathian ta a chang ka naingai, nang nin adik lui tashantheingai ha nan tor jui ani, ajarko nan chunga a om Thavang ha ramuol la a om thavang nek a alian det.

1 JOHON 5:1

Tu a chang innom Jisu hi Khrista ke tia takngai mi ha Pathian nai ke anni, Pathian lungsiat miha anai ham a lung a siat.

1 JOHON 5:18

Pathian mi a chang sa miha siat nan jom lai noning tihi kein in kan jet, ajarko a satlui an khat han ama siatna a chul mak na rang Pathian pasalnai han a san ring ani.

1 JOHON 5:5

Ramuol hi tu ning mo an tor rang? Jisu Pathian nai ke tia tak angaipu mi jak han ramuol ha tor tor nati.

MANJETNA 12:11

Anmanin ama ha belram thisen le chong dik jarra ral tho torna alui nei, anmanin an ringkhuo ngaiha thina rang khan na an kan pek.

MANJETNA 15:2

Hava suale kein tuionglian na mengsial anga mei kan jel ha ka mu, sa ngai rakip anmani hale an ral mi an ming malngai le tuionglian mengsial kol la an ngirra an kut sa nan ta ngaiha a nod an om.

MANJETNA 2:11

Thavang ning biakrup a ri chong ha na kuor a om inko ngairu, chung suak na an nei, (anmani ha veini chang na thina han nom tok lai noni u).

MANJETNA 2:17

Nan kuor a om aninko hiva thaneithiang in biakrup a atihi ngairu, hiva a tor ngai ko kein pong lo ha ki pek rang ke, hale an renga a man tam lungngui ngaiha ki pek rang ke, hava lungngui chunga an jiak ha tu khat innom jet ma u, hava lung a mu niluia.

MANJETNA 2:26

Hiva rakip a tor pu ama ha a torna khan nom kei ka dei ha an tho tor rang ani, kei ka pa jiang ka mu ranak ha anmani jiang om ki pek rang ke, anmani jiang thir rui ha pek kata leipak bel ve khui anga an ve khui rang ani, kein jing dai sisor var han anmani jiang ki pek rang ke.

MANJETNA 2:7

a kuor a om mingai ning ngai rase u, Thavang Thiang in biakrupngai jiang a ti, hava rakip ha atorra a hong ama ha ring na thing kung ha ki pek rang ke hava ha Puma rahuan na a om.

MANJETNA 3:12

Hava a tor ama ha kein Puma biakrup a chopui ka manchang rang ke, hava mun tenna a man kan thit lai noning, ka puma a ming le akhopui ming va ram tenna a hong, a thar Jerusalem ha kein ama chunga ming a thar ka jiak rang ke.

MANJETNA 3:21

Kein hivahi ka torna ka pa reng ong na mun na kiong anga hiva a tor mi ngai ning ka kol la ki man ong rang ke, ka reng ong na mun han.

MANJETNA 3:5

Hiva rakip a tho mi han hiva puanngui tho anga nan ni, hale a renga hiva ring na rabu hin nan ming a om ha manmang noni king, Puma madonna le thaneithiangngai madonna ka mi anni tia ki jot pe rang ke.