1 JOHON 5:1 - Rabu Athar New Testament (BSI)

¹ Tu a chang innom Jisu hi Khrista ke tia takngai mi ha Pathian nai ke anni, Pathian lungsiat miha anai ham a lung a siat.

1 JOHON 5:1 ပူးပေါင်းရင်းမြစ်များ

MATHIU 16:16

Hale Simon Pitar ning, a shanga a ti, “Nang ko a ring Pathian Pasalnai Khrista na ni.”

LUK NING A JIAK CHONGSAT 7:5

Ajarko a man keini rupngaihi analung siat, hale a man a thei jak keini in thiang Sainagokhi anasinpe ani.

JOHON 1:3

A ma jiang anphut phur rakip a ranak alui sin, ankhat om iluisinna ha Pathian ama niluia ite khat om lui kan sin mak.

JOHON 15:23

Tu anga kei a na matir ama ha ka pa ham a matir ani.

JOHON 3:3

Jisun alui sang, “Adik tak kirike; tu anin nom a tharra nai a chang mak aninko Pathian rengramma lut tor noniu.”

JOHON 6:69

Hale a tun nang Pathian jiang an phut a thiang ha nani tihi keinin tak kanngaijui, hale kannajet.”

JOHON 8:42

Jisun anmani jiang a ti, Pathian ha kan pa alui ninko nan lung inasiat rang ke; ajarko, kei Pathian tenna ka honga hin ka om. Kei ka ranak ka hong nimak, a man a na hong tirke.

TIRLON 8:36

Anmanin lam ma an honglon pha han, tui kolla an hong tung jui, a tak kan sin pasal ha ning a hong ti, tuihin a om jui, baptais nina man nei rang hi aser imo a om? Jot noning mo?

TIRLON 8:37

Han Philip ning a ti, “Natak na lung Pumpuia takngai na nanei inko, han a man a hong ti, Pathian nai Jisu Khrista ha kein takngai na ka nei.”

JEMS 1:18

A kut sin rakip karra keini ara ma sat tak-ha kan chang thei na rang, chong dik han a lungdo tak keini ha a na hong tuong jui.

1 PITAR 1:3

Keini puma Jisu Khrista a pa Pathian ham kan manpak, puma ama ning ana lungsiat thei jarra, a thi ngai karra Jisu Khrista ning a hong ring khir jarra, ringkho thar ana pek a hivahin keini hi ring na ranga lungdo a na pek jui.

1 JOHON 2:10

A sua pui a u anai a lungsiat mi ha a varra a om ani, a man tute siatna masul na ranga chuan tho mak.

1 JOHON 2:29

Khrista ko mi dik ke ti a nang nin nan jet, hava jarra adik tho rakip ha tu a chang innom Pathian nai ke anni.

1 JOHON 3:14

keinin kan sua pui ngai kan lungsiat; han ko thina ha kan mak a ring na hin kan hong lut jui tihi kan jet. Tak-ha a u a nai a sua pui lungsiat lui mi ha thina ranak han ala om ani.

1 JOHON 3:17

Mi kan chong a nei an khat ning a u anai a nei in a nei lui ha a mu a tak-ha a lung sunga lungsiat a nei lui mi han, ija mo a lung sunga Pathian ha ka lungsiat ati rang?

1 JOHON 3:9

Tu ang ning Pathian nai a chang sa mi han siatna han om khir lai noning, han a man siatna tho ret lai noning, ajarko Pathian ha a pa a chang jui a chunga Pathian a om chak.

1 JOHON 4:2

Tak-ha Jisu chunga a jot lui Thavang ha Pathian tenna phut nimak, Khrista a jot lui ha ani, nang ni ning a juang rang chong nan jet ha tun ramuol la a om jui.

1 JOHON 4:20

Tu ang mi an khat in kei Pathian ka lungsiat ti sen lang, a u anai ko a enda ama tir aninko ama ha leisei ke ani, ajarko a man a u anai ngal jom lungsiat lui a amit a mu lui Pathian ha ijamo a lung i siat rang?

1 JOHON 4:7

Ka sap manritngai, Keini khat le khat kan lungsiat rei, ajarko lungsiat hi Pathian tenna ani, tu ang mi khat ning lungsiat a nei mi ha Pathian nai le Pathian jet ha anni.

1 JOHON 5:18

Pathian mi a chang sa miha siat nan jom lai noning tihi kein in kan jet, ajarko a satlui an khat han ama siatna a chul mak na rang Pathian pasalnai han a san ring ani.

1 JOHON 5:4

Ajarko Pathian naingai rakip ning ramuol hi ral an tor thei ani, keini takngai le kan ruaija ramuol hi kan tor jui.

1 JOHON 5:5

Ramuol hi tu ning mo an tor rang? Jisu Pathian nai ke tia tak angaipu mi jak han ramuol ha tor tor nati.