1 JOHON 4:4 - Rabu Athar New Testament (BSI)

⁴ Tak-ha Pathian ta a chang ka naingai, nang nin adik lui tashantheingai ha nan tor jui ani, ajarko nan chunga a om Thavang ha ramuol la a om thavang nek a alian det.

1 JOHON 4:4 ပူးပေါင်းရင်းမြစ်များ

JOHON 12:31

Atunhi ramuol chunga chongtan na rang le vaihompa deng juan napha ani.

JOHON 14:30

Kein nang ni jiang a sot ri lai noning, ramuol vaihompa honga kei jiang ranak na pek laima.

JOHON 16:11

Chongtanna chung changako, ramuol la vaihompa ning chong a tan jui ani.

JOHON 17:23

Kein anmani jiang ka om, nang in kei jiang naomma, anmani lungdo a tunga pumkhat jak changa, ramuol chunga ninahong tirhi an jet thei na rang, kei ninalungsiat ang han anmanijom lungsiatro.

ROM MINGAI JIANG PAUL NING A JIAK CHITHI 8:31

Hiva rakip jarra keinin imo kan ti rang? Pathian ning keini ranga ani jui kenna, keini ana enda rang an la om mo?

ROM MINGAI JIANG PAUL NING A JIAK CHITHI 8:37

Ha an in nom hiva rakip jarra keini ha a na lungsiat Puma jarra keinin khel la torna ka nei.

1 KORINTH 2:12

Keini ramuol la Thavang ha nei masing, tak-ha Pathian ning a hong tir a thiang Thavangai ha kan sunga a om, ama han i rakip ana manjet.

1 KORINTH 6:13

“Bu hi von ranga ani, hale von ning bu ranga ani” Pathian ning a renga ala manmang rang ke, taksa ko omchan salui tho na ranga nimak, Pathian chuan tho na ranga ani, Pathian nom taksa ranga ani.

2 KORINTH 4:4

Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.

2 KORINTH 6:16

Pathian in thiang han, kut a sin Pathian ha om jot nati mo? Ajarko Pathian ning a man thiang in thiang ha keini kan ni. Pathian ning a ti “kein an karra ka om rang ke hale chuan ki tho rang ke, hale kein anmani Pathian ka ni rang ke, hale anmani ha ka mi ka manchang rang ke.”

EPHESIA 2:2

Hava phat han nang nin ramuol la asatlui lam ma nan lui che hale ramuol Thavanga ranak ning chung marak a ana lui choi, tak-ha atun ko Thavang Thiang in Pathian chong jui lui ngaiha a chur jui.

EPHESIA 3:17

Hale nan takngai na jarra Khrista ning nan lung sunga om rase han lungsiat han a det tak a ngirru.

EPHESIA 6:10

Puma jiang nang nin adet a om ru.

1 JOHON 2:1

Ka naingai nang nin siatna nan tho mak na ranga kein nang ni jiang ka jiak ani, miring khat in siatna a tho inko hava ha Pathian jiang ngaidam thei na ranga keini rahut adik chuan tho Jisu Khrista ha kan nei.

1 JOHON 2:13

Pangai an phut man lai a phut na tenna alui om ama ha nang nin nan jet jarra kein nang ni jiang ka na manjet ani. Reather, nai pangngai jiang ka jiak ajarko a satlui ha nang nin nan tor jui.

1 JOHON 3:20

keini kan lung kan bing jak a masiatna kan pek inko kan lung nek a lian det ha Pathian ani, a man i rakip a jet suaver tihi kan jet.

1 JOHON 3:24

Tu a chang innom Pathian chong pek a jui mi ha Pathian jiang a om ani, ama a Pathian a om ani ama thavang a na pek ang hin keini sunga Pathian a om ha kan jet ani.

1 JOHON 4:13

Pathian ning a na pek sa Thavang han, keini Pathian le kan om chun jui Pathian ning keini a na om pui chak tihi kan jet.

1 JOHON 4:16

Keini ruia Pathian lungsiat na a om tihi keinin kan jet hale tak kan ngai, Pathian ko lungsiat ke hiva jarra lungsiat ha a chunga a om chak mi ha Pathian jiang a om chak, Pathian ning a om pui chak.

1 JOHON 4:6

Tak-ha Keini ko Pathian ta ke kan ni, tu ang mi ning kan chong ri a ngai ha Pathian ta ke Pathian ta ani lui mi han kan chong ri ngai ma u. Hingahin thavang adik le dik lui hi keinin kan jet tor ani.

1 JOHON 5:19

keini ko Pathian ta kan ni; han ramuol pumpui hin a satmak an khat ning vai ahom nuai a kan om ani tihi keini ning kan jet.

1 JOHON 5:4

Ajarko Pathian naingai rakip ning ramuol hi ral an tor thei ani, keini takngai le kan ruaija ramuol hi kan tor jui.

MANJETNA 12:11

Anmanin ama ha belram thisen le chong dik jarra ral tho torna alui nei, anmanin an ringkhuo ngaiha thina rang khan na an kan pek.