1 JOHON 3:8 - Rabu Athar New Testament (BSI)

⁸ Tu a chang innom siatna ala tho ala jui chak mi ha Seitan take ani, ajarko Seitan ko a phut na lai tenna siatna alui tho ani. Seitan chuan tho ngaiha manmang ranga Pathian pasalnai a hong kando ani.

1 JOHON 3:8 ပူးပေါင်းရင်းမြစ်များ

MATHIU 12:28

Tak-ha kein Pathian thavang rat na han seitanngai ha ka notchei aninko; a thiang Pathian rengram ha nang ni jiang a hong jui.

MATHIU 13:38

Luipuk ha ning ramuol ha ani, asat rungai ha rengram pasalnaingai ke, tak-ha ramsulru ha ning asat mak ramuol chunga a om mingai ha anni.

MATHIU 4:3

Seitan in a honga a ti, “Nang Pathian Pasalnai ha naninko, hiva lungngai hi bu chang na rang chong pero,”

MARK 1:24

hale a man a ti, “Nazaret hin a om Jisu, keini ijarra mo nanapholom? Nasuk khui namanmang rang mo na hong?” Nang tumo nani kan na jet, Pathian na an phut a thiang tak an khat ke nani, tia a hong khek.

LUK NING A JIAK CHONGSAT 10:18

Han Jisun anmani jiang alui ti, “Vanram tenna an phut kolkanlet anga seitannin ramuol la a hong chul kan mu.

JOHON 12:31

Atunhi ramuol chunga chongtan na rang le vaihompa deng juan napha ani.

JOHON 16:11

Chongtanna chung changako, ramuol la vaihompa ning chong a tan jui ani.

JOHON 8:44

Nang ni nan pa ko Seitan hake ani, hiva jarra ama lungdo ha nang nin nan jui; a phut lai tenna a mako mi thatke ani, hale adik natianghan om mak. A ma jiang adik na ha om mak, a man a tho na rakip leisei jak a ri, ajarko leiseipa ani jarra, leiseiri rakip rang om an pa ani.

ROM MINGAI JIANG PAUL NING A JIAK CHITHI 16:20

A pha bongkhat a om le lunghip Pathian ha ning seitan ha nang ni nan ke kunga manbok nati, keini kan puma Jisu Khrista manrit na ha nan chunga na om pui chak rase.

EPHESIA 2:2

Hava phat han nang nin ramuol la asatlui lam ma nan lui che hale ramuol Thavanga ranak ning chung marak a ana lui choi, tak-ha atun ko Thavang Thiang in Pathian chong jui lui ngaiha a chur jui.

KOLOSIA 2:15

A man ranak rakip ha a manmang pe suale mitamngai madonna aman kan mua achung suak na rakip ha alei man kan mu jui.

1 TIMOTHI 3:16

Pathian chong ruk a thiang ha mirakip ning adik tia an lui. A ma ning mi anga ahong kan lem ma, thavang thiang tenna chuan dik a man tho, thaneithiangngai ning om an lui mu. Phung rakip jiang le jat rakip jiang alui ripe jui, ramuol chunga tak an lui ngaija hale vanram hin alui lut jui.

HEBRU 2:14

A man naipangai a ti ha, miring taksa le thisen choingai a ti jarra, Jisu ama tak han anmani anga an khat a hong changa, miringai a hong chang hale thina ranak neipu seitan ha a torna rang a man hangahan a hong thi jui.

HEBRU 9:26

A man chat luia a lut rang achang inko, ramuol a sin lai an phut pong khodengthei alui khang rang ani. Hava ha ni lui atunko, pha rakip a tor rang tiang a kum khar na ranga siatna rakip man thiang na rang a torna tak ranga, vei khat jak ama a thei jak a kan pek lut a hong kando jui.

2 PITAR 2:4

Ajarko Thavang Thiang ten nom siatna an tho karra Pathian ning a hui lui mei khurra atir, hale chong jen ranga an ngak ngaiha Pathian ning a jing na mun na a siak.

1 JOHON 1:2

Hiva ring na chong hi mu thei na ani jarra kan mu jui, a tor tibui ring na chong ha Pathian le an lui om ha keinin kan jet, nang ni jiang ka na ripe ani.

1 JOHON 3:10

Hin Pathian nai le Seitan nai anni kong karra a hong kando ani; tu a chang innom chuan dik a tho lui ha a u anai a lungsiat lui mi ha ani, hale Pathian nai ha ni lai mak.

1 JOHON 3:5

Nang nin nan jet nan siat tho na rakip choi ranga, puma ning a hong kando jui ama chunga siatna i te om mak.

1 JOHON 5:19

keini ko Pathian ta kan ni; han ramuol pumpui hin a satmak an khat ning vai ahom nuai a kan om ani tihi keini ning kan jet.

JUD TENNA CHITHI 1:6

Ngaidon ru thaneithiangai tak om an om na hi a mong ti om mak, tak-ha anmanin a tor pu ama chong ha an ngai mak inko amongtibuia khit na ta ajing karra a thuaija siak nati, hale a tor pu puma ning anmani ha thaneithiangngai ha Puma ning a torna chongtan nikhuo han an manmang rang ani.

MANJETNA 20:10

Mi huang khonam ha amongtibui mei khurra an lui thun, han ani luija Pathian chong ri ngaile sangai ham an thun ani, hava mei khur han jan le sunna an pong theng pet.

MANJETNA 20:15

Tu ang khat hiva rabu hin an ming a om lui ngaiha ko hiva mei khurra an thun ra ng a suak.