1 JOHON 3:5 - Rabu Athar New Testament (BSI)

⁵ Nang nin nan jet nan siat tho na rakip choi ranga, puma ning a hong kando jui ama chunga siatna i te om mak.

1 JOHON 3:5 ပူးပေါင်းရင်းမြစ်များ

MATHIU 1:21

A man pasalnai khat nei nati, a ming ha nang in Jisu tinanti, ajarko, a man a mingai ha an siatna tenna hongsanring nati.”

LUK NING A JIAK CHONGSAT 23:41

keini ko kan mu rang i suak thina ha kan lui tho nuk jui a kan mu ani, tak-ha hiva mipa hi ko ite khat a satlui atho na om mak.

LUK NING A JIAK CHONGSAT 23:47

Han ralmi riakhat neipu pa ning hiva rakip a mu karra ‘hiva mihi Pathian jet, adik chuan tho mi ani,’ aluitia Pathian amanpak.

JOHON 1:29

Khuo ahon var suale, Jisu ni ning Johon a kolla a hongha amu a alui ti, “Enru, ramuol siatna achoi Pathian alungnem belramteha hin a om,”

JOHON 1:31

Kein ama tumo ini rang luijet making, tak-ha Israel mingai ning ama anjet na ranga baptais amantho na ranga kei kahong ani”

JOHON 14:30

Kein nang ni jiang a sot ri lai noning, ramuol vaihompa honga kei jiang ranak na pek laima.

JOHON 8:46

Keihi siatnei ka ni tia nang ni nan karra an khat in nan na titormo? Kein adik ha kari, ita mo nang nin tak nan na ngai lui?

2 KORINTH 5:21

Khrista ko siatna neimak, tak-ha keini jarra Pathian ning siatna a manchoi. A ma jarra keinin Pathian kolla adik ringkhuo a om tor kan ti.

1 TIMOTHI 1:15

Hivahi a thiang chong lam ani, tak kan ngai rang asuak a renga kan lui rang asuak Jisu ning ramuol la alui hong hi siat nei ngai san ring ranga alui ni. Kei hi siat nei tak ha ka lui ni.

1 TIMOTHI 3:16

Pathian chong ruk a thiang ha mirakip ning adik tia an lui. A ma ning mi anga ahong kan lem ma, thavang thiang tenna chuan dik a man tho, thaneithiangngai ning om an lui mu. Phung rakip jiang le jat rakip jiang alui ripe jui, ramuol chunga tak an lui ngaija hale vanram hin alui lut jui.

TITAS 2:14

Keini siatna rakip na man thiang na ta, asat chuan tianga lung lut a tho thei na rang puman a mi ngaiha ma thiang na ranga puma keini jarra a kan pek jui.

HEBRU 1:3

A ma ning Pathian lurna varna rakip le Pathian mi tak ha ama jiang a om hale Khrista ning ramuol a pumpui hi ama chong thouija a man om. A ma ning miringai siatna rakip ha a ngaidam suale vanram ma puma Pathian a kut chang tiang han ranak nei tak a a ong jui.

HEBRU 4:15

Kan thiampulian han keini kan ma sial na ha a jet mak nimak, keini anga a lam rakip mathemna a kan tong pui ani Tak-ha a man siatna ite khat nei mak; Siatna a nei chillui thiampulian ha kein in kan nei ani.

HEBRU 7:26

Hiva jarra kan dei kan dei na pek tor ranga Jisu ha thiampu alian tak a chang jui, ama a thiang ani, a man siat nale suk set na le asaluina ommak; mi sa mak ngai tenna an phut an khui sen na an siak jui.

HEBRU 9:26

A man chat luia a lut rang achang inko, ramuol a sin lai an phut pong khodengthei alui khang rang ani. Hava ha ni lui atunko, pha rakip a tor rang tiang a kum khar na ranga siatna rakip man thiang na rang a torna tak ranga, vei khat jak ama a thei jak a kan pek lut a hong kando jui.

HEBRU 9:28

Hava ang ha Khrista ning mitam tak siatna tenna kei sua ranga vei khat alui kan pek jui. Siatna chunga chuan tho rang chang luia ama a ngak chak a omngai ha san ring na rang veini chang na ila hong kando rang ani.

1 PITAR 1:18

Ajarko nang ni ning nan jet mo nan pa nan pungai tenna alui om siatna ana tan ring ani. Hivahi sana ruphai a mang thei phur anga nimak.

1 PITAR 1:20

Ramuol alui sin madonna Pathian ning ama ha alui thang sa ani, hale a torna nikhuo hin nang ni jarra a hong kando ani.

1 PITAR 2:22

A ma ning siatna lui tho mak ani luia satlui ite khat a murra a suak lui mu ma u.

1 PITAR 2:24

Jisu Khrista a tak tak ning kan siatna ngaiha Khros chunga alui choi, hava jarra kan siatna tenna kan thi rang ha chuan sat, chuan dik jarra ringna kan mu jui, ama a taksa a pop han keini ana man dam jui.

1 PITAR 3:18

Khrista ning alui thi vei khat jak a thi han chuan sat tho anga siat nei ngai rakip rahut a Pathian jiang tung thei na ranga, a taksa thina alui nei, tak-ha Thavang Thianga ring na ana man nei jui.

1 JOHON 1:2

Hiva ring na chong hi mu thei na ani jarra kan mu jui, a tor tibui ring na chong ha Pathian le an lui om ha keinin kan jet, nang ni jiang ka na ripe ani.

1 JOHON 1:7

Tak-ha ama hi a varra a om anga, keini om a varra kan om a chang inko, Keini an khat le an khat kan kan chun jui, han a pasalnai Jisu Khrista thisen tenna keini ana rasuk thiang jui ani.

1 JOHON 2:1

Ka naingai nang nin siatna nan tho mak na ranga kein nang ni jiang ka jiak ani, miring khat in siatna a tho inko hava ha Pathian jiang ngaidam thei na ranga keini rahut adik chuan tho Jisu Khrista ha kan nei.

1 JOHON 2:2

Keini siatna rakip ngaidam na ranga Jisu Khrista ha a om.

1 JOHON 2:29

Khrista ko mi dik ke ti a nang nin nan jet, hava jarra adik tho rakip ha tu a chang innom Pathian nai ke anni.

1 JOHON 3:8

Tu a chang innom siatna ala tho ala jui chak mi ha Seitan take ani, ajarko Seitan ko a phut na lai tenna siatna alui tho ani. Seitan chuan tho ngaiha manmang ranga Pathian pasalnai a hong kando ani.

MANJETNA 1:5

Hale Jisu Khrista tenna ama sat a thi ngai ha thui nanti, hale a man ramuol chunga rengpa la ni nati; a man keini hi a na lungsiat jarra a thisen tenna keini ana rasuk.