1 JOHON 3:20 - Rabu Athar New Testament (BSI)

²⁰ keini kan lung kan bing jak a masiatna kan pek inko kan lung nek a lian det ha Pathian ani, a man i rakip a jet suaver tihi kan jet.

1 JOHON 3:20 ပူးပေါင်းရင်းမြစ်များ

JOHON 21:17

Veithum chang na Jisun ama jiang ariret, Johon a nai Simon, kei nanalungsiat mo? Veithum khan nanalungsiatmo tia Jisun ading kel jarra Pitar ning a ning alui dong. Pitar ning ama jiang a ti, Puma kein nang ka na lungsiat tihi nang in najetver, Jisun ama jiang a ti ret, kabelram ngaihi asat hong enpero.

JOHON 8:9

Anmanin hava an jet phat han, Ulian tenna an phut mi ankhat, ankhat anluichea, an renga an tanpetjui. Jisu amai kunga anmanngir numei jak ha a ngirra an luimak jui.

TIRLON 5:33

Anmanin chong ha an ngai karra an lung a nat anmani ha an lui thatjot.

ROM MINGAI JIANG PAUL NING A JIAK CHITHI 8:34

Anmani ha tu ning mo man lal na an nei rang? A lui thi ha Khrista Jisu ani, hiva khella a thi ngai kar tenna a ring khirra Pathian chang tiang han a onga keini ranga a na var pe.

1 KORINTH 4:4

Kei ning imo ka suaina a om tihi kein kan jet making, tak-ha kein ka suai na a om chil lui leini noning. Pathian in ka chunga ana en chak.

TITAS 3:11

Nang nin nan jet hianga mingai ko an lung thiang mak, an siatna han adik lui mi ti ha man kan jetru.

HEBRU 4:13

Pathian jiang a kan thup tor ite khat om mak, a kut sin rakip a mai kunga a kando ani, hale keini kan tak kan theijak a kan omchan kan kan jet na ha kan renga Pathian jiang kan la pek lut rang ani.

HEBRU 6:13

Pathian ning Abraham jiang han chongsan a pek han, chong sam ha a tung chiak na rang kho kan khong na ankhat alui nei. Khuo a kan khong pha han ama nek alian an om mak jarra a tak a thei jak a ming a kan ri.

1 JOHON 3:19

Hi ang hin keini adik ta kan ni tihi kan jet han Pathian mai kung a kan lung hi lung ngam na a siak rang ani.

1 JOHON 3:21

Hiva jarra ka manrit, ka sap ngai, keini kan lunga kan thei jak masiatna kan pek mak a chang inko, Pathian mai kung a keini lung ngam tak a omtorchak kan ti.

1 JOHON 4:4

Tak-ha Pathian ta a chang ka naingai, nang nin adik lui tashantheingai ha nan tor jui ani, ajarko nan chunga a om Thavang ha ramuol la a om thavang nek a alian det.

MANJETNA 2:23

Hale ama a nuk jui ngai ham ka manmang rang ke. Biakrup rakip ning jet rase u, Puma ning mirakip ngaidon na an jet ti rase u, an tho nuk juia anlo man kein ka man mu rang ke.